ເພື່ອເຮັດໃຫ້ການກະກຽມ ແລະ ດຳເນີນກອງປະຊຸມສະໄໝສາມັນເທື່ອທີ່ 4 ຂອງສະພາປະຊາຊົນແຂວງຊຸດທີ II ,ໃຫ້ບັນລຸຕາມລະດັບຄາດໝາຍ, ສອດຄ່ອງກັບສະພາບຄວາມເປັນຈິງຂອງແຂວງ, ຮັບປະກັນທາງດ້ານເນື້ອໃນ ແລະ ທັນຕາມກໍານົດເວລາ

ໃນຕອນເຊົ້າວັນທີ 20 ທັນວາ 2022 ຜ່ານມານີ້ ສະພາປະຊາຊົນແຂວງຫລວງນ້ໍາທາ ເປີດກອງປະຊຸມຄົ້ນຄວ້າ, ປຶກສາຫາລື ແລະ ກະກຽມເນື້ອໃນໃຫ້ແກ່ກອງປະຊຸມສະໄໝສາມັນເທື່ອທີ່ 4 ຂອງສະພາປະຊາຊົນແຂວງຊຸດທີ II ທີ່ຈະນຳເຂົ້າກອງປະຊຸມຮ່ວມກັບອົງການປົກຄອງແຂວງ ແລະພາກສ່ວນທີ່ກ່ຽວຂ້ອງ ຂື້ນຢູ່ທີ່ຫ້ອງປະຊຸມສະພາປະຊາຊົນແຂວງ ໂດຍການເປັນປະທານຂອງທ່ານ ນາງ ອຸ່ນຫຼ້າ ອ້ຽງລໍລາດ ກຳມະການພັກແຂວງ ຮອງປະທານສະພາປະຊາຊົນແຂວງ, ມີບັນດາທ່ານຫົວໜ້າ, ຮອງຫົວໜ້າ ຫ້ອງວ່າການແຂວງ, ປະທານກວດກາລັດແຂວງ, ກົວໜ້າອົງການໄອຍະການປະຊາຊົນ, ຫົວໜ້າພະແນກແຜນການ ແລະ ການລົງທືນແຂວງ, ຫົວໜ້າພະແນກອຸດສາຫະກຳ ແລະ ການຄ້າແຂວງ, ຫົວໜ້າພະແນກການເງິນແຂວງ, ມີຄະນະເລຂາທິການ, ຫົວໜ້າ, ຮອງຫົວໜ້າຂະແໜງ ພ້ອມດ້ວຍພະນັກງານ-ວິຊາການພາຍໃນສະພາຍໃນທີ່ກ່ຽວຂ້ອງເຂົ້າຮ່ວມທັງໝົດ 22 ທ່ານ. ຍິງ 7 ທ່ານ.

ກອງປະຊຸມໄດ້ຮັບຟັງການຜ່ານຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບກະກຽມ ແລະ ດຳເນີນກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງຊຸດທີ II  ພ້ອມນັ້ນບັນດາທ່ານຜູ້ແທນໄດ້ປະກອບຄຳຄິດເຫັນ, ຄົ້ນຄວ້າ, ປຶກສາຫາລື, ກະກຽມ ແລະ ເປັນເອກະພາບກັນ ຕໍ່ກັບແຜນການກະກຽມເນື້ອໃນໃຫ້ແກ່ກອງປະຊຸມສະໄໝສາມັນເທື່ອທີ 4 ຂອງ ສະພາປະຊາຊົນແຂວງ າ  ເພື່ອເປັນການປຶກສາຫາລື, ຄົ້ນຄວ້າ, ກະກຽມ ແລະ ຕົກລົງເປັນເອກະພາບກັນ ເພື່ອເຮັດໃຫ້ເນື້ອໃນທີ່ນຳເຂົ້າໃນກອງປະຊຸມຄັ້ງນີ້ ມີເນື້ອໃນຄົບຖ້ວນສົມບຸນ ຮັບປະກັນຄຸນນະພາບ, ສອດຄອງກັບສະພາບຕົວຈິງ ເພື່ອຮັບປະກັນໃຫ້ເນື້ອໃນດັ່ງກ່າວ ສາມາດນຳເຂົ້າຄົ້ນຄວ້າ, ພິຈາລະນາ ແລະ ທວງທັນກັບເວລາ ຕາມກຳນົດທີ່ວາງໄວ້.

ຂ່າວ ແລະ ພາບ ໂດຍ ນາງ ອໍາພອນ ສີປະເສີດ