ໃນວັນທີ 20 ມິຖຸນາ 2023 ໜ່ວຍຮາກຖານຊາວໜຸ່ມສະພາປະຊາຊົນແຂວງວຽງຈັນ ໄດ້ຈັດກອງປະຊຸມໃຫ່ຍສະມາຊິກຊາວໜຸ່ມປະຊາຊົນປະຕິວັດລາວ ຂອງຕົນຂື້ນຢ່າງເປັນທາງການຢູ່ທີຫ້ອງປະຊຸມສະພາປະຊາຊົນແຂວງວຽງຈັນ ໂດຍພາຍໃຕ້ການເປັນປະທານຮ່ວມເປັນຄະນະປະທານຂອງ ສະຫາຍ ເພັດສະໜອນ ສຸທໍາມະວົງ ເລຂາຊາວໜຸ່ມສະພາປະຊາຊົນ ແຂວງວຽງຈັນສະຫາຍ ຄໍາເລ້ ໄຊຍະວົງສີ ກໍາມະການພັກແຂວງ, ກໍາມະການສູນກາງຊາວໜຸ່ມ, ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ແຂວງວຽງຈັນ, ສະຫາຍ ພັທ ບຸນນໍາ ຈັນທອງສີ ຮອງເລຂາໜ່ວຍພັກ ສະພາປະຊາຊົນແຂວງ, ສະຫາຍ ທອງສູນ ຊາມູນຕີ ປະທານໜ່ວຍຮາກຖານກໍາມະບານ ສະພາປະຊາຊົນແຂວງວຽງຈັນ, ສະຫາຍ ນາງ ໃສແສງຈັນ ແສງພະຈັນ ປະທານໜ່ວຍແມ່ຍິງ ສະພາປະຊາຊົນແຂວງວຽງຈັນ ມີແຂກຖຶກເຊີນ ແລະ ສະມາຊິກຊາວໜຸ່ມທັງໜົດພາຍໃນສະພາປະຊາຊົນແຂວງວຽງຈັນເຂົ້າຮ່ວມ.
ກອງປະຊຸມໄດ້ຮັບຟັງການຜ່ານບົດລາຍງານການເມືອງໃນໄລຍະສະໄໜກອງປະຊຸມໃຫ່ຍຊາວໜຸ່ມຄັ້ງທີ II (2018-2022) ທີຜ່ານມາ ແລະ ທິດທາງແຜນການຄາດໜາຍສູ້ຊົນໃນໄລຍະ 05 ປີຕໍ່ໜ້າ ( 2023-2028) ໂດຍສະເພາະສະໄໜກອງປະຊຸມໃຫ່ຍຄັ້ງທີ III ເຊິ່ງຍົກໃຫ້ເຫັນຕະຫຼອດການຈັດຕັ້ງປະຕິບັດມະຕິກອງປະຊູມໃຫ່ຍຄັ້ງທີ II ຂອງໜ່ວຍຮາກຖານຊາວໜຸ່ມສະພາປະຊາຊົນແຂວງວຽງຈັນ ພາຍໄຕ້ການຊີ້ນໍາ-ນໍາພາຂອງຄະນະພັກ ບວກກັບການເປັນເຈົ້າການ ຂອງຄະນະໜ່ວຍຊາວໜຸ່ມຮາກຖານ ຕໍ່ກັບສະມາຊິກພາຍໃນດ້ວຍການເຂົ້າຮ່ວມເຄື່ອນໄຫວທຸກຂະບວນການທີ່ຕິດພັນກັບວຽກງານວິຊາສະເພາະຂອງຕົນ ແລະ ປະຕິບັດວຽກງານທີ່ການຈັດຕັ້ງຂັ້ນເທິງມອບໜາຍໃຫ້ໄດ້ຮັບຜົນສໍາເລັດຕາມໜາຍ, ໂດຍຖືເອົາວຽກງານສຶກສາອົບຮົມການເມືອງ – ແນວຄິດເປັນພື້ນຖານສໍາຄັນເພື່ອສ້າງໃຫ້ສະມາຊິກພາຍໃນມີຄຸນທາດການເມືອງໜັກແໜ້ນຕໍ່ການຈັດຕັ້ງ, ມີຄຸນສົມບັດສິນທໍາປະຕິວັດ, ມີສະຕິລະວັງຕົວຕໍ່ກົນອຸບາຍຫັນປຽນໂດຍສັນຕິຂອງສັດຕູຂອງ ແລະ ກຸມຄົນບໍ່ດີ ,ນໍາເອົາແນວທາງນະໂຍບາຍຂອງພັກ,ລະບຽບກົດໝາຍຂອງລັດ ໂດຍສະເພາະ ມະຕິກອງປະຊຸມໃຫ່ຍຄັ້ງທີ XI ຂອງພັກ, ມະຕິກອງປະຊຸມໃຫ່ຍຄັ້ງທີ VI ຂອງອົງຄະນະພັກແຂວງ ແລະ ມະຕິກອງປະຊຸມວິຊາມັນຄົບຄະນະບໍລິຫານງານຊາວໜຸ່ມປະຊາຊົນປະຕິວັດລາວ ສະໄໜທີ VIII ແລະ ມະຕິກອງປະຊຸມໃຫ່ຍຜູ້ແທນຊາວໜຸ່ມ ແຂວງວຽງຈັນ ຄັ້ງທີ VIII.
ໜ່ວຍຮາກຖານຊາວໜຸ່ມສະພາປະຊາຊົນແຂວງວຽງຈັນ ໄດ້ເອົາໃຈໃສ່ ຈັດຕັ້ງປະຕິບັດຂະບວນການແຂ່ງຂັນ 4 ບຸກ ຂອງຊາວໜຸ່ມ ຢ່າງເປັນປົກກະຕິ ໄປຄຽງຄູກັບການຈັດຕັ້ງປະຕິບັດ ຂະບວນການ ຂອງກອງອາສາສະໜັກຊາວໜຸ່ມຕະລຸ່ມບອນ,ຜ່ານການຈັດຕັ້ງປະຕິຕົວຈິງສາມາດຍາດໄດ້ຮັບທຸງໄຊນາມມະຍົດ 4 ບຸກ ປະຈໍາປີ 2020-2022 ສະມາຊິກຊາວໜຸ່ມໄດ້ຮັບການຢັ້ງຢືນ 4 ບຸກ 100% ປຸກລະດົມສະມາຊິກຊາວໜຸ່ມ ປະກອບສວ່ນເຂົ້າໃນການສ້າງກອງທຶນພັດທະນາໄດ້ຊາວໜຸ່ມ 1 ກອງທຶນ,ຕິດພັນກັບການສ້າງຕັ້ງກອງອາສາສະໜັກຊາວໜຸ່ມຕະລຸ່ມບອນໄດ້ 1 ກອງທຶນ ມີສະມາຊິກທັງໜົດ 35 ສະຫາຍ,ຍິງ 16 ສະຫາຍ ຈາກນັ້ນກອງປະຊຸມໄດ້ເປັນເອກະສັນກັນຢ່າງສົມບູນ ຮັບຮອງເອົາການເລືອກຕັ້ງປ່ອນບັດເລືອກຕັ້ງ ຄະນະໜ່ວຍຮາກຖານຊາວໜຸ່ມຊຸດໄໜ່ ສະໄໜທີ III ເຊິ່ງປະກອບມີ 3 ສະຫາຍ ເລືອກເອົາ ສະຫາຍ ຕູ່ລີ ໄຊສົມພອນ ເປັນເລຂາ, ສະຫາຍ ນາງ ພູວຽງ ວົງພະຈັນ ເປັນຮອງເລຂາ ພ້ອມເປັນປະທານກວດກາ, ສະຫາຍ ເພັດພູທອນ ເມືອງປາກ ເປັນຄະນະ, ແຕ່ງຕັ້ງຜູ້ຊ່ວຍ 2 ສະຫາຍຄື: ສະຫາຍ ໄຊຍະພອນ ແສງແກ້ວມີໄຊ ເປັນຜູ້ຊ່ວຍກວດກາ, ສະຫາຍ ແສງປະເສີດ ສຸທໍາມະວົງ ເປັນຄະນະກວດກາ.
ຕອນທ້າຍກອງປະຊຸມ ສະຫາຍ ຄໍາເລ້ ໄຊຍະວົງ ກໍາມະການພັກແຂວງ ,ກໍາມະການສູນກາງຊາວໜຸ່ມ,ເລຂາຄະນະບໍລິຫານງານຊາວໜຸ່ມແຂວງ ໄດ້ໃກ້ກຽດໂອລົມການເຄື່ອນໄຫວວຽກງານຂອງໜ່ວຍຮາກຖານຊາວໜຸ່ມສະພາປະຊາຊົນແຂວງ ໂດຍສະເພາະກໍ່ຄືພາລະກິດປົກປັກຮັກສາ ແລະ ສ້າງສາປະເທດຊາດຕາມແນວທາງຂອງພັກໃນໃລຍະໃໜ່,ເອົາໃຈໃສ່ຄົ້ນຄ້ວາຈັດຕັ້ງຜັນຂະຫຍາຍແນວທາງນະໂຍບາຍ ຂອງພັກ-ແຜນພັດທະນາເສດຖະກິດ-ສັງຄົມ ຂອງລັດ,ແຜນພັດທະນາຊາວໝຸ່ມ-ເຍົາວະຊົນສູນກາງປະຊາຊົນປະຕິວັດລາວ ແລະ ແຜນພັດທະນາຊາວໜຸ່ມ-ເຍົາວະຊົນ ຂອງແຂວງວຽງຈັນວາງອອກ ແລະ ຈັດຕັ້ງປະຕິບັດມະຕິກອງປະຊຸມໃຫ່ຍ ຄັ້ງທີ III ນີ້ໃຫ້ປະກົດຜົນເປັນຈິງ.
ພາບ-ຂ່າວ ໂດຍ ນາງ ບູລາຕີ ແສນທະວົງ ທ້າວ ຄໍາພັນ ໄຊຍະປະທຸມ