ຕອນເຊົ້າ ວັນທີ 28 ກໍລະກົດ 2022 ທີ່ຫ້ອງປະຊຸມສະພາປະຊາຊົນແຂວງ (ສພຂ) ໄດ້ຈັດກອງປະຊຸມສະຫຼຸບຕີລາຄາການຈັດຕັງປະຕິບັດວຽກງານ ປະຈໍາ 6 ເດືອນຕົ້ນ ແລະ ທິດທາງແຜນການ 6 ເດືອນທ້າຍປີ 2022 ຂອງຄະນະກໍາມະການຍຸຕິທໍາ ແລະ ປ້ອງກັນຊາດ-ປ້ອງຄວາມສະຫງົບ (ຄຢປປ) ໂດຍການເປັນປະທານ ຂອງທ່ານພັທ ຄໍາດາ ໂສລະພົມ; ເປັນກຽດເຂົ້າຮ່ວມໂດຍທ່ານ ຫຸມເພັງ ຈອມວິສານ ຮອງປະທານຄະນະປະຈໍາສະພາປະຊາຊົນແຂວງ (ຜູ້ຊີ້ນໍາວຽກງານ ຄຍປປ); ມີບັນດາປະທານ, ຮອງປະທານຄະນະກໍາ ສພຂ, ຮອງເລຂາທິການ ສພຂ, ຫົວໜ້າ, ຮອງຫົວໜ້າຂະແໜງ ແລະ ພະນັກງານ-ລັດຖະກອນພາຍໃນ ຄຍປປ ເຂົ້າຮ່ວມ.
ທີ່ກອງປະຊຸມໄດ້ຮັບຟັງ ທ່ານ ຄໍາພັນ ຄຸນສົມບັດ ຮອງປະທານ ຄຍປປ ຂຶ້ນຜ່ານບົດສະຫຼຸບຕີລາຄາການຈັດຕັງປະຕິບັດວຽກງານ ປະຈໍາ 6 ເດືອນຕົ້ນປີ 2022 ແລະ ທິດທາງແຜນການ 6 ເດືອນທ້າຍປີ 2022 ຂອງ ຄຍປປ ເຊິ່ງທ່ານກໍໄດ້ຍົກໃຫ້ເຫັນເຖິງຜົນງານທີ່ຍາດມາໄດ້ໃນໄລຍະຜ່ານມາເປັນຕົ້ນ: “ຄົ້ນຄວ້າ ແລະ ປະກອບຄໍາເຫັນໃສ່ຮ່າງກົດໝາຍ ທີ່ສະພາແຫ່ງຊາດສົ່ງມາມີຈຳນວນ 13 ສະບັບ ແລະ ເຂົ້າຮ່ວມຕິດຕາມກວດກາການປະເມີນຜົນການຈັດຕັ້ງປະຕິບັດກົດໝາຍຈຳນວນ 4 ສະບັບ; ຮັບຄໍາຮ້ອງຂໍຄວາມເປັນທໍາຂອງພົນລະເມືອງ 12 ສະບັບ, ຄ້າງໃນປີຜ່ານມາຈໍານວນ 2 ເລື່ອງ ລວມທັງໝົດ 14 ເລື່ອງ ໃນນີ້; ນຳສົ່ງໃຫ້ຄະນະກຳມະການເສດຖະກິດ ແຜນການ ແລະ ການເງິນ ມີ 3 ເລື່ອງ. ຄະນະກຳມະການຍຸຕິທຳ ແລະ ປກຊ-ປກສ ໄດ້ຄົ້ນຄວ້າ, ແກ້ໄຂສໍາເລັດ ມີ 11 ເລື່ອງ ແລະ ພວມຄົ້ນຄວ້າ ແກ້ໄຂມີ 1 ເລື່ອງ ເທົ່າກັບ 95% ລືນຄາດໝາຍ 15% ທຽບໃສ່ແຜນການປີ ຊຶ່ງໃນນີ້; ໄດ້ນຳສົ່ງໃຫ້ພາກສ່ວນກ່ຽວຂ້ອງຄົ້ນຄວ້າແກ້ໄຂ 10 ເລື່ອງ, ແຈ້ງຕອບໃຫ້ຜູ້ຮ້ອງຂໍຄວາມເປັນທຳ 1 ເລື່ອງ, ຮັບຕ້ອນ ແລະ ໃຫ້ຄໍາແນະນໍາທາງດ້ານກົດໝາຍ ໃຫ້ແກ່ປະຊາຊົນ ຈໍານວນ 2 ຄັ້ງ, ມີ 4 ທ່ານ. ສະມາຊິກສະພາປະຊາຊົນແຂວງ ທີເປັນກຳມະການສັງກັດຄະນະກຳມະການປະຈຳຢູ່ບັນດາເມືອງ ໄດ້ຮັບຄໍາຮ້ອງຂໍຄວາມເປັນທໍາທັງໝົດ 1 ສະບັບ, ແກ້ໄຂ 1 ສະບັບ. ບັນຫາຄຳຮ້ອງຂໍຄວາມເປັນທຳທີ່ພົ້ນເດັ່ນ: ແມ່ນກ່ຽວກັບຂໍ້ຂັດແຍ່ງທີ່ດິນ”. ຈາກນັ້ນ, ຜູ້ແທນກອງປະຊຸມກໍໄດ້ຜັດປ່ຽນກັນປະກອບຄໍາເຫັນຕໍ່ເນື້ອໃນບົດສະຫຼຸບດັ່ງກ່າວ.
ໃນໂອກາດດຽດກັນນີ້ ທ່ານ ຫຸມເພັງ ຈອມວິສານ ໃຫ້ກຽດໂອລົມຕໍ່ກອງປະຊຸມ ເຊິ່ງກ່ອນທ່ານ ກໍໄດ້ກ່າວຍ້ອງຍໍຊົມເຊີຍຕໍ່ຜົນງານທີ່ ຄຍປປ ຍາດມາໄດ້ໃນໄລຍະຜ່ານມາ ແລະ ທ່ານ ຍັງໄດ້ມີຄໍາເຫັນບາງຫາຕໍ່ກັບທິດທາງ 6 ເດືອນທ້າຍປີ ຂອງ ຄຍປປ ເປັນຕົ້ນ: “ຍົກສູງຄູນນະພາບການເປັນເສນາທິການໃນການຄົ້ນຄ້ວາພິຈາລະນາ ແລະ ແກ້ໄຂຄຳຮ້ອງ, ຄໍາສະເໜີຕ່າງໆຂອງພົນລະເມືອງ ເຫັນວ່າຍັງ ຊັກຊ້າແກ່ຍາວເວລາ; ກວດກາ ແລະ ປັບປຸງຄືນຕື່ມ ຕໍ່ກັບທິດທາງແຜນການ ຂອງ ຄຢປປ ໂດຍຫັນຈາກ ແຜນດໍາເນີນງານ ຂອງຄະນະປະຈໍາສະພາປະຊາຊົນແຂວງມາຫັນເປັນແຜນວຽກຈຸດສຸມອັນລະອຽດຂອງຄະນະກຳມະການຕົນ. ເປັນຕົ້ນແມ່ນ: ການກໍານົດໜ້າວຽກ, ບັນດາເນື້ອໃນທີ່ຈະນໍາເຂົ້າກອງປະຊຸມສະໄໝສາມັນເທື່ອທີ 3 ເທື່ອທີ 4 ລວມທັງຂອງຂະແໜງການກ່ຽວຂ້ອງ; ຕໍ່ກັບການສ້າງນິຕິກຳໃຕ້ກົົດໝາຍ ຂອງອົງການປົກຄອງແຂວງ (ຂໍ້ຕົກລົງເຈົ້າແຂວງ) ໃຫ້ເອົາໃຈໃສ່ຕິດຕາມກວດກາຕາມມະຕິແຜນການສ້າງ ແລະ ປັບປຸງນິຕິກໍາໃຕ້ກົດໝາຍ; ພ້ອມກັນນັ້ນ, ທ່ານຍັງໄດ້ມີບາງຫາຕໍ່ ຄຍປປ ທ່ານໄດ້ກ່າວວ່າ: ສືບຕໍ່ປັບປຸງແບບແຜນວິທີເຮັດວຽກ, ແບບແຜນນໍາພາຂອງຄະນະກໍາມະການ ພ້ອມທັງ ເພີ່ມທະວີການເຕົ້າໂຮມຄວາມສາມັກຄີອັນເປັນປຶກແຜ່ນ, ສຶກສາອົບຮົມການເມືອງ-ແນວຄິດ ໃຫ້ພະນັກງານ-ລັດຖະກອນ”.
ພາບ-ຂ່າວ: ນາງ ສຸກສົມພອນ ແກ້ວແສງພະຈັນ