ຕອນເຊົ້າຂອງວັນທີ 19 ມັງກອນ 2023 ນີ້້ຢູ່ທີ່ຫ້ອງປະຊຸມຂອງສະພາປະຊາຊົນແຂວງ ໄດ້ເປີດກອງປະຊຸມປືກສາຫາລືກ່ຽວກັບເນື້ອໃນທີ່ຈະເຂົ້າພິຈາລະນາ, ຮັບຮອງໃນກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງ ຊຸດທີ II ໂດຍການເປັນປະທານຂອງ ທ່ານ ຄໍາຟອງ ອິນມະນີ ຮອງເລຂາພັກແຂວງ ປະທານສະພາປະຊາຊົນແຂວງຫລວງນໍ້າທາ, ໃຫ້ກຽດເຂົ້າຮ່ວມໂດຍ ທ່ານ ອ່ອນຈັນ ຄຳພາວົງ ຮອງເຈົ້າແຂວງ, ມີບັນດາທ່ານຄະນະປະຈຳສະພາປະຊາຊົນແຂວງ, ຫົວໜ້າ, ຮອງຫົວໜ້າຫ້ອງວ່າການແຂວງ, ພະແນກແຜນການ ແລະ ການລົງທຶນແຂວງ, ພະແນກໂຍທາທິການ ແລະ ຂົນສົ່ງ, ພະແນກການເງິນ, ພະແນກເຕັກໂນໂລຊີ ແລະ ການສື່ສານ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ, ພະແນກອຸດສາຫະກຳ ແລະ ການຄ້າ, ອົງການໄອຍະການປະຊາຊົນແຂວງ, ສານປະຊາຊົນແຂວງ, ອົງການແນວລາວສ້າງຊາດແຂວງ, ອົງການກວດກາລັດແຂວງ ມີບັນດາທ່ານຫົວໜ້າ, ຮອງຂະແໜງ ແລະ ພະນັກງານວິຊາການທີ່ກ່ຽວຂ້ອງພາຍໃນສະພາປະຊາຊົນແຂວງເຂົ້າຮ່ວມທັງໝົດ 30 ທ່ານ, ຍິງ 6 ທ່ານ.

ໃນກອງປະຊຸມ ທ່ານ ນາງ ອຸ່ນຫລ້າ ອ້ຽງລໍລາດ ກຳມະການພັກແຂວງ ຮອງປະທານສະພາປະຊາຊົນແຂວງ  ຫົວໜ້າຄະນະຮັບຜິດຊອບ ກະກຽມ ແລະ ດຳເນີນກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງ ຊຸດທີ II

ຫລັງຈາກນັ້ນບັນດາພະແນກການ ອົງການທີ່ກ່ຽວຂ້ອງໄດ້ຂຶ້ນລາຍງານສະພາບຄວາມຄືບໜ້າກ່ຽວກັບການກະກຽມເນື້ອໃນຕາມຄວາມຮັບຜິດຊອບຂອງຕົນ ພ້ອມນັ້ນກໍໄດ້ປຶກສາຫາລື, ປະກອບຄຳເຫັນ ເພື່ອຄວາມເປັນເອກະພາບກ່ຽວກັບເນື້ອໃນທີ່ຈະເຂົ້າພິຈາລະນາ, ຮັບຮອງໃນກອງປະຊຸມສະໄໝສາມັນເທື່ອທີ 4 ທີ່ຈະໄຂຂຶ້ນໃນຕໍ່ໜ້ານີ້.

ໃນຕອນທ້າຍກອງປະຊຸມ ທ່ານ ຄຳຟອງ ອິນມານີ ຮອງເລຂາພັກແຂວງ ປະທານສະພາປະຊາຊົນແຂວງຫລວງນໍ້າທາ ໄດ້ມີຄຳເຫັນເນັ້ນໜັກ ໃຫ້ບັນດາທ່ານໃນຄະນະຮັບຜິດຊອບກະກຽມ ແລະ ດຳເນີນປະຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງ ຊຸດທີ II ຈົ່ງພ້ອມກັນການກະກຽມຄວາມພ້ອມຮອບດ້ານໃຫ້ທັນຕາມກຳນົດເວລາ, ພ້ອມກັນຮີບຮ້ອນສືບຕໍ່ໜ້າທີ່ທີ່ຍັງບໍທັນສຳເລັດ ເພື່ອໃຫ້ສຳເລັດຕາມລະດັບຄາດໝາຍ, ເພີ່ມທະວີຂອດປະສານງານລະຫວ່າງສະພາປະຊາຊົນແຂວງກັບອົງການປົກຄອງແຂວງ ແລະ ພາກສ່ວນທີ່ກ່ຽວຂ້ອງ ເພື່ອເຮັດການກະກຽມ ແລະ ດຳເນີນປະຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງ ຊຸດທີ II ເປັນໄປຕາມກໍານົດເວລາ ທັງມີຜົນສໍາເລັດຕາມລະດັບຄາດໝາຍ.

ໂດຍ ນາງ ອໍາພອນ ສີປະເສີດ