ໃນຕອນເຊົ້າວັນທີ 14 ມິຖຸນາ 2024 ທີ່ຫ້ອງປະຊຸມສະພາປະຊາຊົນແຂວງ (ຫ້ອງ1/2), ໄດ້ຈັດ ໂດຍການເປັນປະທານຂອງ ທ່ານ ຄໍາພັນ ຄຸນສົມບັດ ຮອງປະທານຄະນະກໍາມະການຍຸຕິທໍາ ແລະ ປກຊ-ປກສ, ເຂົ້າຮ່ວມມີ ຮອງປະທານຄະນະກໍາມະການເສດ ແຜນການ ແລະ ການເງິນ, ບັນດາພະແນກ, ອົງການທີ່ກ່ຽວຂ້ອງຂັ້ນແຂວງ ກໍຄືຄະນະຮັບຜິດຊອບສ້າງຮ່າງຂໍ້ຕົກລົງ, ມີບັນດາທ່ານຈາກຄະນະກໍາມະການຍຸຕິທໍາ ແລະ ປກຊ-ປກສ, ຄະນະກໍາມະການເສດຖະກິດ ແຜນການ ແລະ ການເງິນ ສະພາປະຊາຊົນແຂວງ ເຂົ້າຮ່ວມ

ໃນກອງປະຊຸມໄດ້ຮັບຟັງ ຕາງໜ້າຈາກພະແນກໂຍທາທິການ ແລະ ຂົນສົ່ງແຂວງ ລາຍງານບົດສະເໜີສ້າງຮ່າງຂໍ້ຕົກລົງ, ຮັບຟັງ ຕາງໜ້າຈາກສະພາປະຊາຊົນແຂວງ ລາຍງານຜົນການຄົ້ນຄວ້າ, ກວດກາຮ່າງຂໍ້ຕົກລົງ ດັ່ງກ່າວ ຈາກນັ້ນ, ຜູ້ເຂົ້າຮ່ວມກອງປະຊຸມ ກໍໄດ້ປະກອບຄໍາຄິດຄໍາເຫັນ ຕາມຄໍາເຈາະຈິ້ມຂອງປະທານກອງປະຊຸມ, ທັງນີ້ ກໍເພື່ອປຶກສາຫາລື ແລະ ສ້າງຄວາມເປັນເອກະພາບ ກ່ຽວກັບໂຄງຮ່າງ, ເນື້ອໃນ, ຂັ້ນຕອນໃນການສ້າງ ເພື່ອຮັບປະກັນໃຫ້ສາມາດນໍາເຂົ້າກອງປະຊຸມສະພາປະຊາຊົນແຂວງ ຄົ້ນຄວ້າ, ພິຈາລະນາ ແລະ ຮັບຮອງເອົາ

ພາບ-ຂ່າວ: ສູນທອງ