ໃນວັນທີ 10 ມັງກອນ 2024 ຢູ່ທີ່ຫ້ອງປະຊຸມສະພາປະຊາຊົນແຂວງ ໄດ້ເປີດກອງປະຊຸມປະເມີນພະນັກງານນໍາພາ-ຄຸ້ມຄອງ ປະຈໍາປີ 2023 ຂຶ້ນໂດຍການເປັນປະທານ ຂອງທ່ານ ວຽງໄຊ ສີວິໄລ ກໍາມະການພັກແຂວງ ຮອງປະທານສະພາປະຊາຊົນແຂວງ ໃຫ້ກຽດເຂົ້າຮ່ວມຂອງ ທ່ານ ຄໍາໄຊ ບຸນເພັດ ຮອງຫົວໜ້າຄະນະຈັດແຂວງ, ມີຄະນະປະຈໍາສະພາປະຊາຊົນແຂວງ, ປະທານ-ຮອງປະທານຄະນະກໍາມະການ, ຄະນະເລຂາທິການ, ຫົວໜ້າ-ຮອງຫົວໜ້າຂະແໜງ ແລະ ພະນັກງານສະພາປະຊາຊົນ​ແຂວງເຂົ້າຮ່ວມ.

​ຈຸດປະສົງ​ໃນ​ການ​ດໍາ​ເນີນ​ກອງ​ປະຊຸມ​ໃນ​ຄັ້ງ​ນີ້ ​ເພື່ອ​ປະ​ເມີນ​ພະນັກງານ​ນໍາພາ-​ຄຸ້ມ​ຄອງ​​ເຂົ້າ​ໃນ​ກົງຈັກ​ການຈັດ​ຕັ້ງ​ຂອງ​ສະພາ​ປະຊາຊົນ​ແຂວງ​ ​ກ່ອນ​ການ​ແຕ່ງ​ຕັ້ງ​ໃຫ້​ດໍາລົງຕໍາ​ແໜງ​ໃໝ່ ເພື່ອ​ເລືອກ​ເຟັ້ນ​ເອົາ​ຜູ້​ທີ່​ມີ​ຄວາມ​ຮູ້​ ຄວາມ​ສາມາດຄົບ​​ຖ້ວນ ​ຕາມ​ມາດຖານ​ເງືອນ​ໄຂ​. ໃນກອງປະຊຸມຍັງໄດ້ຮັບຟັງມະຕິວ່າດ້ວຍມາດຖານຂອງພະນັກງານນໍາພາຄຸ້ມຄອງສະບັບເລກທີ 030 ຂອງກົມການເມືອງສູນກາງພັກ, ລົງວັນທີ 3 ມັງກອນ 2018, ມະຕິວ່າດ້ວຍວຽກງານສ້າງແຜນກໍານົດພະນັກງານນໍາພາ-ຄຸ້ມຄອງ   ສະບັບເລກທີ 032 ຂອງກົມການເມືອງສູນກາງພັກ ລົງວັນທີ 3 ມັງກອນ 2018 ແລະ ຄໍາແນະນໍາສະບັບເລກທີ 292/ຄຈສພ ລົງວັນທີ 26 ເມສາ 2018 ກ່ຽວກັບການຈັດຕັ້ງປະຕິບັດມະຕິຂອງກົມການເມືອງສູນກາງພັກວ່າດ້ວຍມາດຕະຖານຂອງພະນັກງານນໍພາ-ຄຸ້ມຄອງ, ວຽກງານຄຸ້ມຄອງພະນັກງານ ແລະ ວຽກງານສ້າງແຜນກໍານົດພະນັກງານນໍາພາ-ຄຸ້ມຄອງ  ພ້​​ອມ​ທັງແນະນໍາການ​ປະ​ເມີນ​.ໃນ​ໂອກາດ​ດັ່ງກ່າວ ທ່ານ ວຽງໄຊ ສີວິໄລ ໄດ້ມີຄໍາເຫັນໂອ້ລົມຕໍ່ພະນັກງານສະພາປະຊາຊົນແຂວງ ​ຈົ່ງສືບຕໍ່ປະຕິບັດໜ້າທີ່ວຽກງານຂອງສະພາປະຊາຊາຊົນແຂວງໃຫ້ມີຜົນສໍາເລັດດີຂຶ້ນ, ຮັກສາຄວາມສາມັກຄີພາຍໃນໃຫ້ດີຂຶ້ນກວ່າເກົ່າ ແລະ ການໃຫ້ຄະແນນໃນການປະເມີນບໍ່ໃຫ້ມີແນວຄິດອະຄະຕິຕໍ່​ຜູ​້ຖືກ​ປະ​ເມີນ, ການ​ປະ​ເມີນ​ຕ້ອງ​ມີຄວາມໂປ່ງໃສສາມາດກວດສອບໄດ້.

ສະພາ​ປະຊາຊົນ​ແຂວງ​ຊຽງຂວາງ

ຂ່າວ​​ໂດຍ: ນາງ ສຸກ​ສະຫວັນ ​ອິນທະ​ແສງ