ວັນທີ 23 ພະຈິກ 2023 ທີ່ຫ້ອງປະຊຸມສະພາປະຊາຊົນແຂວງ ໄດ້ກອງປະຊຸມປະເມີນຂໍ້ແຂ່ງຂັນ 4 ບຸກ ຂອງໜ່ວຍຊາວໜຸ່ມ ຮາກຖານ ສະພາປະຊາຊົນແຂວງຫລວງນ້ຳທາ ຄັ້ງທີ II ຮອບທີ IV ປະຈໍາປີ 2023 ໂດຍພາຍໃຕ້ການເປັນປະທານຂອງ ສະຫາຍ ມິກສະຫວັນ ແກ້ວບົວພາ ເລຂາໜ່ວຍຮາກຖານຊາວໜຸ່ມສະພາປະຊາຊົນແຂວງ ເປັນກຽດເຂົ້າຮ່ວມໂດຍ ສະຫາຍ ວຽງໄຊ ສັກລໍາດວນ ກໍາມະການຄະນະບໍລິຫານງານຊາວໜຸ່ມແຂວງ, ມີຮອງເລຂາໜ່ວຍຮາກຖານຊາວໜຸ່ມສະພາປະຊາຊົນແຂວງ, ມີຕາງໜ້າຈາກໜ່ວຍຊາວໜຸ່ມສານປະຊາຊົນ, ໄອຍະການປະຊາຊົນ, ພະແນກຍຸຕິທໍາແຂວງ ແລະ ອົງການຈັດຕັ້ງມະຫາຊົນ ພ້ອມດ້ວຍສະມາຊິກຊາວໜຸ່ມ ສະພາປະຊາຊົນແຂວງເຂົ້າຮ່ວມຈໍານວນ 17 ສະຫາຍ, ຍິງ 10 ສະຫາຍ
ໃນກອງປະຊຸມໄດ້ຮັບຟັງຜ່ານຮ່າງບົດປະເມີນທັງ 2 ພາກຄື: ພາກສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ 2023 ແລະ ທິດທາງແຜນການຈັດຕັ້ງປະຕິ ບັດຂໍ້ແຂ່ງຂັນ 4 ບຸກ ປະຈຳປີ 2024 ເຊິ່ງໄດ້ຍົກໃຫ້ເຫັນວຽກງານທີ່ພົ້ນເດັ່ນໃນແຕ່ລະດ້ານແມ່ນສາມາດຈັດຕັ້ງປະຕິບັດໄດ້ຕາມມາດຖານເງື່ອນໄຂຂອງຂໍ້ແຂ່ງຂັນ 4 ບຸກ ທີ່ຄະນະບໍລິຫານງານຊາວໜຸ່ມແຂວງໄດ້ກໍານົດອອກ ແລະ ໄດ້ວາງຄາດໝາຍສູ້ຊົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈໍາປີ 2023 ກໍ່ຄືທິດທາງຂອງໜ່ວຍກໍານົດອອກ, ຜ່ານການຈັດຕັ້ງປະຕິບັດຂໍ້ແຂ່ງຂັນ 4 ບຸກໃນໄລຍະ 1 ປີຜ່ານມາສາມາດຕີລາຄາໄດ້ດັ່ງນີ້: ບຸກດ້ານແນວຄິດ ຕີລາຄາໄດ້ 97%; ບຸກດ້ານຝຶກຝົນຫຼໍ່ຫຼອມຮໍ່າຮຽນ ຕີລາຄາໄດ້ 97%; ບຸກດ້ານຈັດຕັ້ງ ຕີລາຄາໄດ້ 98%; ບຸກດ້ານວິຊາສະເພາະ ແລະ ສ້າງວຽກເຮັດງານທຳໄດ້ 98% ແລະ ຈັດປະເພດຮາກຖານແມ່ນ: ແຂງ; ຈັດປະເພດສະມາຊິກດີເດັ່ນໃນການຈັດຕັ້ງຂໍ້ແຂ່ງຂັນ 4 ບຸກ ປະຈໍາປີ 2023 ປະເພດແຂງ 22 ສະຫາຍ, ຍິງ 15 ສະຫາຍ ພ້ອມນັ້ນ ໄດ້ວາງທິດທາງແຜນການຈັດຕັ້ງປະຕິບັດຂໍ້ແຂ່ງຂັນ 4 ບຸກປະຈໍາປີ 2024 ໄດ້ຍົກສູງຄາດໝາຍສູ້ຊົນໃຫ້ໄດ້ດັ່ງນີ້: ບຸກດ້ານແນວຄິດ, ບຸກດ້ານຝຶກຝົນຫຼໍ່ຫຼອມຮໍ່າຮຽນ, ບຸກດ້ານຈັດຕັ້ງ, ບຸກດ້ານວິຊາສະເພາະ ແລະ ສ້າງວຽກເຮັດງານທຳ ໃຫ້ໄດ້ 95% ຂື້ນໄປ.
ຈາກນັ້ນ ບັນດາສະຫາຍທີ່ເຂົ້າຮ່ວມກໍ່ພ້ອມກັນໄດ້ປະກອບຄໍາເຫັນໃສ່ຮ່າງບົດປະເມີນເພື່ອເຮັດໃຫ້ເນື້ອໃນຂອງຮ່າງບົດປະເມີນອຸດົມສົມບຸນ ແລະ ຖືກຕ້ອງສອດ ຄ່ອງຕາມສະພາບຄວາມເປັນຈິງ ແລະ ໄດ້ລົງປະຊາມະຕິຮັບຮອງເອົາບົດປະເມີນຂໍ້ແຂ່ງຂັນ 4 ບຸກ ຂອງໜ່ວຍຮາກຖານຊາວໜຸ່ມສະ ພາປະຊາຊົນແຂວງຄັ້ງທີ II ຮອບທີ IV ປະຈໍາ ປີ 2023 ຢ່າງເປັນເອກະພາບ; ພ້ອມດຽວກັນ ຍັງໄດ້ມອບ-ຮັບໃບຢັ້ງຢືນໜ່ວຍຊາວໜຸ່ມ 4 ບຸກປະຈຳປີ 2022 ໃຫ້ໜ່ວຍຊາວໜຸ່ມຮາກຖານສະພາປະຊາຊົນແຂວງ ແລະ ມອບລາງວັນ ການແຂ່ງຂັນກິລາເປຕັງຍິງ – ຊາຍ ໃນການສ້າງຂະບວນການຮັບຕ້ອນກອງປະຊຸມປະເມີນຂໍ້ແຂ່ງຂັນ 4 ບຸກ ຂອງໜ່ວຍຊາວໜຸ່ມ ຮາກຖານ ສະພາປະຊາຊົນແຂວງ.
ໂດຍ: ວັນນີ ແຝງບົວວັນ