ໃນວັນທີ  7 ເມສາ 2023 ນີ້ ສະພາປະຊາຊົນແຂວງວຽງຈັນ ໄດ້ເຂົ້າຮ່ວມກອງປະຊຸມ ທາບທາມຄໍາເຫັນ ໃສຮ່າງກົດໝາຍວ່າດ້ວຍເຍົາວະຊົນລາວ ໂດຍຜ່ານລະບົບເອເລັກໂຕຣນິກ ຫຼື ທາງໄກ  ໂດຍພາຍໃຕ້ການເປັນປະທານຂອງ ທ່ານ ສຈ ປອ ຈະເລີນ ເຍຍປ່າວເຮີ ຮອງປະທານສະພາແຫ່ງຊາດ, ປະທານກໍາມາທິການກົດໝາຍ ເຂົ້າຮ່ວມມີ ປະທານ,ຮອງປະທານສະພາປະຊາຊົນແຂວງ ແລະ ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງ 4 ເມືອງທົງພຽງ ແລະ ພະແນກການກ່ຽວຂ້ອງຂອງ.

ຈຸດປະສົງຂອງການດໍາເນີນກອງປະຊຸມໃນຄັ້ງນີ້ກໍ່ເພື່ອເປັນການທາບທາມຄໍາເຫັນຂອງບັນດາທ່ານສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ແລະ ພາກສວນທີ່ກ່ຽວຂ້ອງ ໃສ່ຮ່າງກົດໝາຍ ເພື່ອໃຫ້ມີເນື້ອໃນຄົບຖ້ວນສົມບູນ ມີຄວາມຖືກຕ້ອງສອດຄອງ ກັບສະພາບຄວາມເປັນຈິງ ຂອງສັງຄົມໃນປັດຈຸບັນ ສາມາດພິຈາລະນາຮັບຮອງໃນກອງປະຊຸມສະໄໜສາມັນ ເທື່ອທີ 5 ຂອງສະພາແຫ່ງຊາດ ຊຸດທີ IX ທີຈະມາເຖິງນີ້.