ໃນວັນທີ 12 ກັນຍາ 2024 ກຳມາທິການຍຸຕິທຳສະພາແຫ່ງຊາດ ໄດ້ລົງຕິດຕາມກວດກາວຽກງານຂົງເຂດຍຸຕິທຳ ປະຈຳປີ 2024 ຢູ່ທີ່ສະພາປະຊາຊົນແຂວງຊຽງຂວາງ ເພື່ຶອຕິດຕາມກວດກາການເຄົາລົບ ແລະ ປະຕິບັດລັດຖະທຳມະນູນ, ກົດໝາຍ ແລະ ການຜັນເປັນນິຕິກຳໃຕ້ກົດໝາຍ, ຄົ້ນຄວ້າຕອບສະໜອງຂໍ້ມູນໃຫ້ຄະນະປະຈຳສະພາແຫ່ງຊາດ ມີຄຳເຫັນໃນກອງປະຊຸມສະໄໝສາມັນ ເທື່ອທີ 8 ພາຍໃຕ້ການເປັນປະທານຂອງທ່ານ ນ. ທຸມມາລີ ວົງພະຈັນ ປະທານກໍາມາທິການຍຸຕິທໍາສະພາແຫ່ງຊາດ ເປັນກຽດເຂົ້າຮ່ວມຂອງທ່ານ ວຽງໄຊ ສີວິໄລ ຮອງປະທານຄະນະສະມາຊິກສະພາແຫ່ງຊາດ ປະຈຳເຂດເລືຶອກຕັ້ງທີ 9, ຮອງປະທານສະພາປະຊາຊົນແຂວງ; ມີບັນດາທ່ານປະທານ-ຮອງປະທານຄະນະກໍາມະການ, ຫົວໜ້າ-ຮອງຫົວໜ້າກົມ, ຄະນະເລຂາທິການ, ຫົວໜ້າ-ຮອງຫົວໜ້າບັນດາພະ ແນກການ, ກົມກອງ ທີ່ກ່ຽວຂ້ອງ ຂອງວຽກງານຂົງເຂດຍຸຕິທຳ, ພະນັກງານຈາກທີມງານສະພາແຫ່ງຊາດ ແລະ ສະພາປະຊາຊົນແຂວງເຂົ້າຮ່ວມ.

ໃນວາລະດຳເນີນກອງປະຊຸມໄດ້ຮັບຟັງການລາຍງານຂອງ ທ່ານ ວຽງໄຊ ສີວິໄລ ໃນການ ເຄື່ອນໄຫວວຽກງານ ການຈັດຕັ້ງປະຕິບັດ ພາລະບົດ, ສິດ ແລະ ໜ້າທີ ໂດຍສະເພາະແມ່ນການຕິຕາມກວດກາວຽກງານຂົງເຂດຍຸຕິທຳ ຂອງສະພາປະຊາຊົນແຂວງໃນໄລຍະຜ່ານມາ ເຫັນວ່າແຕ່ລະພາກ ສ່ວນມີການຍົກສູງພາລະບົດບາດການເຄື່ອນໄຫວວຽກງານຂອງຕົນ, ມີຄວາມເອົາໃຈໃສ່ຜັນຂະຫຍາຍບັນດາກົດໝາຍ, ນິຕິກຳຕ່າງໆທີ່ກ່ຽວຂ້ອງກັບວຽກງານຂອງຕົນ, ບັນດາພະແນກການ, ກົມກອງ ທີ່ກ່ຽວຂ້ອງໄດ້ຜັດປ່ຽນກັນຈັດກອງປະຊຸມຖອດຖອນ-ແລກປ່ຽນບົດຮຽນກັນຢູ່ເລື້ອຍໆ, ແຕ່ລະພາກ ສ່ວນໄດ້ເຂົ້າຮ່ວມແຕ່ຫົວທີ ໃນຂະບວນການລົງເກັບກຳຂໍ້ມູນ ກ່ຽວກັບຄະດີຕ່າງໆ; ພ້ອມຮັບຟັງການລາຍງານ ການເຄື່ອນໄຫວຽກວຽກງານຂອງສານປະຊາຊົນແຂວງ, ອົງການໄອຍະການປະຊາຊົນ, ອົງການສືບສວນ-ສອບສວນ ແລະ ພະແນກຍຸຕິທຳແຂວງ ໃນການເຄື່ອນໄຫວວຽກງານໄລຍະຜ່ານມາ ຊື່ງມີດ້ານດີໃນຫຼາຍດ້ານ ໄດ້ເອົາໃຈໃສ່ປະສານສົມທົບກັນໃນການເກັບກໍາຂໍ້ມູນ ພິສູດຫຼັກຖານ, ການສືບສວນ-ສອບສວນ, ສ້າງເງື່ອນໄຂ ໃຫ້ໄດ້ເຂົ້າຮ່ວມໃນການຊີ້ແຈງ ແລະ ອະທິບາຍ ເພື່ອຮັບປະກັນໃຫ້ການຕັດສິນຖືກຕ້ອງ, ເອົາໃຈໃສ່ເຜີຍແຜ່ ລັດຖະທຳມະນູນ, ກົດໝາຍ ແລະ ນິຕິກຳຕ່າງໆ ທີຕິດພັນກັບຂົງເຂດຂອງຕົນ, ປັບປຸງກົງຈັກການຈັດຕັ້ງ ແລະ ບຳລຸງສ້າງພະນັກງານ ລວມທັງແຜນວິທີເຮັດວຽກໃຫ້ມີຄວາມຖືກຕ້ອງ ແລະ ສອດຄອງກັບສະພາບຕົວຈິງ.

  ຄຽງຄູ່ກັບດ້ານດີຍັງມີບາງດ້ານທີ່ຕ້ອງປັບປຸງແກ້ໄຂ ປະທານກອງປະຊຸມໄດ້ເນັ້ນໜັກໃຫ້ພາກ ສ່ວນກ່ຽວຂ້ອງ ເອົາໃຈໃສ່ເຊື່ອມຊືມ, ເຜີຍແຜ່ ບັນດາເນື້ອໃນເອກະສານ ການປະຕິບັດໜ້າທີ່ວຽກງານໃນຂົງເຂດຍຸຕິທຳໃຫ້ກ້ວາງຂວາງຕື່ມອີກ, ມີກົນໄກການປະສານງານ ຂອງແຕ່ລະພາກສ່ວນໃຫ້ກົມ ກຽວ ຖືກຕ້ອງສອດຄອງກັນ ໃນການເຄື່ອນໄຫວວຽກງານຂອງແຕ່ລະພາກສ່ວນ ສຳເລັດຕາມແຜນ ການທີ່ວາງອອກ.

ສະພາປະຊາຊົນແຂວງຊຽງຂວາງ   ຂ່າວໂດຍ: ບຸນສີ ສິດທິເດດ