ໃນຕອນເຊົ້າຂອງວັນທີ 26 ມັງກອນ 2023 ເວລາ 8: 00 ໂມງ ຢູ່ທີ່ສະໂມສອນໃຫ່ຍຫ້ອງວ່າແຂວງວຽງຈັນ ໄດ້ຈັດກອງປະຊຸມຄົບຄະນະຂອງ 3 ຄະນະກໍາມະການ ແລະ ຄະນະເລຂາທິການສະພາປະຊາຊົນແຂວງວຽງຈັນ ປະຈໍາປີ 2022 ຊຶ່ງໄດ້ໄຂຂື້ນໃນໄລຍະທີ່ທົ່ວພັກ, ທົ່ວລັດ ແລະ ທົ່ວປວງຊົນລາວບັນດາເຜົ່າ ພວມຈັດຕັ້ງຜັນຂະຫຍາຍເນື້ອໃນກອງປະຊຸມໃຫ່ຍຄັ້ງທີ XI ຂອງສູນກາງພັກ, ເວົ້າລວມເວົ້າສະເພາະ ຊາວແຂວງວຽງຈັນ ພວມພ້ອມກັນສຸມໃສ່ຈັດຕັ້ງປະຕິບັດ ມະຕິກອງປະຊຸມໃຫ່ຍ ຄັ້ງທີ VI ຂອງອົງຄະນະພັກແຂວງ ທີຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ແລະ ມະຕິກອງປະຊຸມສະພາແຫ່ງຊາດ, ສະພາປະຊາຊົນຂັ້ນແຂວງຢ່າງເປັນຂະບວນກ້ວາງຂວາງ,ໂດຍການເປັນປະທານຂອງ ທ່ານ ບຸນສອນ ເພັດລາວັນ ຮອງເລຂາພັກແຂວງ, ປະທານສະພາປະຊາຊົນແຂວງ ເຂົ້າຮ່ວມກອງປະຊຸມຄັ້ງນີ້ມີບັນດາທ່ານຄະນະປະຈໍາພັກແຂວງ, ຮອງເຈົ້າແຂວງ, ປະທານ, ຮອງປະທານຄະນະກໍາມະການ, ສະມາຊິກສະພາປະຊາຊົນແຂວງ ທີ່ສັງກັດໃນແຕ່ລະຄະນະກໍາມະການ, ຄະນະເລຂາທິການ, ຫົວໜ້າພະແນກການ-ຮອງພະແນກການ, ອົງການ ຕະຫຼອດຮອດພະນັກງານສະພາປະຊາຊົນແຂວງ ມີຜູ້ເຂົ້າຮ່ວມທັງໜົດ 69 ທ່ານ,  ຍິງ 13 ທ່ານ.

ກອງປະຊຸມໃນຄັ້ງນີ້ກໍ່ເພື່ອຜັນຂະຫຍາຍມະຕິກອງປະຊຸມຄັ້ງປະຄົມມະລຶກຂອງສະພາປະຊາຊົນແຂວງວຽງຈັນ ຊຸດທີ II, ແຜນການເຄື່ອນໄຫວວຽກງານ 5 ປິ (2021 – 2025 ) ຂອງສະພາປະຊາຊົນແຂວງກໍ່ຄືຂອງ 3 ຄະນະກໍາມະການ, ຄະນະເລຂາທິການໃຫ້ປະກົດຜົນເປັນຈິງ; ເປັນການສະຫຼຸບຕີລາຄາຄືນການຈັດຕັ້ງປະຕິບັດແຜນການເຄື່ອນໄຫວວຽກງານປະຈໍາປີ 2022 ແລະ ວາງທິດທາງແຜນການເຄື່ອນໄຫວ ປີ 2023 ຂອງຄະນະກໍາມະການເສດຖະກິດ ແຜນການ ແລະ ການເງິນ, ຄະນະກໍາມະການວັດທະນາທໍາ-ສັງຄົມ ແລະ ບັນດາເຜົ່າ,ຄະນະກໍາມະການຍຸຕິທໍາ ປກຊ-ປກສ ແລະ ຄະນະເລຂາທິການສະພາປະຊາຊົນແຂວງວຽງຈັນ.