(ສພຊ) ໃນຕອນເຊົ້າວັນສຸກທີ 28 ກັນຍາຜ່ານມາ ທີ່ສູນເຝິກອົບຮົມສູນກາງ ແນວລາວສ້າງຊາດ, ກໍາມາທິການກົດໝາຍສະພາແຫ່ງຊາດ ໄດ້ເປີດກອງປະຊຸມຄົບຄະ ນະປະຈໍາປີ 2017 ຂອງຕົນຂຶ້ນ ໂດຍການເປັນປະທານຂອງທ່ານ ສາຍທອງ ແກ້ວດວງ ດີ ຄະນະປະຈໍາສະພາແຫ່ງຊາດ (ຄປຈສພຊ), ປະທານກໍາມາທິການບັນດາເຜົ່າ; ເຂົ້າ ຮ່ວມມີທ່ານ ບຸນປອນ ບຸດຕະນະວົງ ກໍາມະການສູນກາງພັກ, ຮອງປະທານສະພາແຫ່ງ ຊາດ, ມີບັນດາທ່ານຮອງລັດຖະມົນຕີ, ຮອງປະທານກໍາມາທິການ, ຮອງຄະນະເລຂາທິ ການ, ຮອງຫົວໜ້າສະຖາບັນຄົ້ນຄວ້ານິຕິກໍາ, ຕາງໜ້າຄະນະສະມາຊິກສະພາແຫ່ງ ຊາດເພດຍິງ, ຕາງໜ້າຄະນະຮັບຜິດຊອບວຽກງານເຂດເລືອກຕັ້ງ, ສະມາຊິກສະພາ ແຫ່ງຊາດ ທີ່ເປັນກໍາມະການກໍາມາທິການກົດໝາຍ ພ້ອມດ້ວຍພາກສ່ວນທີ່ກ່ຽວຂ້ອງ.

ກອງປະຊຸມຄັ້ງນີ້ ແມ່ນເພື່ອເປັນການສະຫລຸບຕີລາຄາການຈັດຕັ້ງປະຕິບັດພາລະ ບົດບາດການເປັນເສນາໃຫ້ແກ່ ສພຊ ແລະ ຄປຈສພຊ ໃນການປະຕິບັດ 3 ພາລະບົດ ບາດຄື: ດ້ານນິຕິກໍາ, ດ້ານການຕົກລົງບັນຫາສໍາຄັນພື້ນຖານຂອງຊາດ ແລະ ດ້ານການ ຕິດຕາມກວດກາການຈັດຕັ້ງປະຕິບັດລັດຖະທໍາມະນູນ ແລະ ກົດໝາຍ, ກວດກາ ແລະ ປະເມີນຜົນການອອກນິຕິກໍາລຸ່ມກົດໝາຍ, ການໂຄສະນາເຜີຍແຜ່, ຕີຄວາມໝາຍກົດ ໝາຍ ແລະ ອະທິບາຍກົດໝາຍ. ນອກຈາກນັ້ນ. ກອງປະຊຸມໄດ້ສຸມໃສ່ປຶກສາຫາລື, ຄົ້ນຄວ້າ ແລະ ປະກອບຄໍາຄິດເຫັນໃສ່ຮ່າງບົດສະຫລຸບການເຄື່ອນໄຫວປະຈໍາປີ 2017 ແລະ ທິດທາງແຜນການເຄື່ອນໄຫວວຽກງານປະຈໍາປີ 2018 ຂອງກຳມາທິການກົດ ໝາຍ ແລະ ຄົ້ນຄວ້າປະກອບຄໍາເຫັນໃສ່ຮ່າງກົດໝາຍວ່າດ້ວຍກວດກາລັດ (ສະບັບປັບ ປຸງ)  ແລະ ຈະໄດ້ຮັບຟັງການລາຍງານຜົນການປະເມິນການຈັດຕັ້ງປະຕິບັດກົດໝາຍ, ການ ອອກນິຕິກໍາໃຕ້ກົດໝາຍ ແລະ ທິດທາງແຜນການໃນຕໍ່ໜ້າຂອງກະຊວງຍຸຕິທໍາ, ສະພາປະຊາຊົນນະຄອນຫລວງວຽງຈັນ, ສະພາປະຊາຊົນແຂວງບໍ່ແກ້ວ ແລະ ສະພາ ປະຊາຊົນແຂວງຈໍາປາສັກ ແລະ ປະກອບຄໍາເຫັນໃສ່ຮ່າງມະຕິຂອງກອງປະຊຸມຄົບຄະ ນະກໍາມາທິການກົດໝາຍ.

ທ່ານ ບຸນປອນ ບຸດຕະນະວົງ ໄດ້ມີຄໍາເຫັນໂອລົ້ມ ແລະໃຫ້ທິດຊີ້ນໍາຕໍ່ກອງປະ ຊຸມວ່າ: ກໍາມາທິການກົດໝາຍ ແມ່ນກົງຈັກການຈັດຕັ້ງໜຶ່ງທີ່ສໍາຄັນ ທັງເປັນເສນາທິ ການໃຫ້ແກ່ສະພາແຫ່ງຊາດ ແລະ ຄະນະປະຈໍາສະພາແຫ່ງຊາດ ເຊິ່ງມີພາລະບົດບາດ ໃນການຈັດຕັ້ງປະຕິບັດໜ້າທີ່ວຽກງານ ຕາມສິດ ແລະ ໜ້າທີ່ຂອງຕົນຕາມທີ່ໄດ້ກໍານົດ ໄວ້ໃນກົດໝາຍວ່າດ້ວຍສະພາແຫ່ງຊາດ ແລະ ມະຕິຂອງຄະນະປະຈໍາສະພາແຫ່ງຊາດ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກໍາມາທິການກົດໝາຍ ເປັນຕົ້ນ: ຄົ້ນ ຄວ້າ ແລະ ປະກອບຄໍາຄິດຄໍາເຫັນໃສ່ຮ່າງກົດໝາຍ ແລະ ຮ່າງນິຕິກໍາອື່ນ; ຕິດຕາມ ກວດກາ ແລະ ປະເມີນຜົນການຈັດຕັ້ງປະຕິບັດລັດຖະທໍາມະນູນ, ກົດໝາຍ ແລະ ນິຕິ ກໍາອື່ນຂອງບັນດາກະຊວງ, ອົງການລັດທຽບເທົ່າກະຊວງ ແລະ ການຈັດຕັ້ງຕ່າງໆ; ໂຄ ສະນາເຜີຍແຜ່ລັດຖະທໍາມະນູນ ແລະ ກົດໝາຍ ແລະ ຊຸກຍູ້ໃຫ້ບັນດາກະຊວງ, ອົງການ ລັດທຽບເທົ່າກະຊວງຈັດຕັ້ງຜັນຂະຫຍາຍ ແລະ ໂຄສະນາເຜີຍແຜ່ກົດໝາຍ ແລະ ນິຕິ ກໍາທີ່ຢູ່ໃນຂອບເຂດຄວາມຮັບຜິດຊອບຂອງຕົນ; ຄົ້ນຄວ້າກ່ຽວກັບການຕີຄວາມໝາຍ ແລະ ອະທິບາຍກົດໝາຍ ເພື່ອສະເໜີຕໍ່ຄະນະປະຈໍາສະພາແຫ່ງຊາດພິຈາລະນາ.

ເພື່ອເຮັດແນວໃດໃຫ້ທຸກວຽກງານດໍາເນີນໄປດ້ວຍດີ, ມີປະສິດທິພາບ ແລະ ປະສິດທິຜົນ ທ່ານຮອງປະທານສະພາແຫ່ງຊາດ ມີຄໍາເຫັນຕໍ່ກອງປະຊຸມຕື່ມດັ່ງນີ້:

1. ວຽກງານການເມືອງ-ແນວຄິດ ເຮັດແນວໃດພວກເຮົາຕ້ອງພ້ອມກັນຈັດຕັ້ງປະ ຕິບັດເນື້ອໃນຈິດໃຈຂອງມະຕິກອງປະຊຸມໃຫຍ່ຄັ້ງທີ X ຂອງພັກປະຊາຊົນປະຕິວັດລາວ ໃຫ້ໄດ້ດີ ໂດຍສະເພາະສີ່ບັນຫາທີ່ຕ້ອງໄດ້ບຸກທະລຸ ເຊິ່ງເປັນແນວທາງທີ່ພວກເຮົາຕ້ອງ ໄດ້ນໍາໃຊ້ເຂົ້າໃນການປັບປຸງ ແລະ ແກ້ໄຂບັນດາໜ້າວຽກທີ່ເຫັນວ່າ ມີຄວາມຫຍຸ້ງຍາກ ແລະ ຄ້າງຄາໃນໄລຍະທີ່ຜ່ານມາ;
2. ວຽກງານສ້າງ ແລະ ປັບປຸງກົດໝາຍ ຈະເຮັດແນວໃດ ໃຫ້ປະຕິບັດໄດ້ຕາມ ແຜນການ ກໍຄືຈໍານວນ ແລະ ກໍານົດເວລາທີ່ວາງໄວ້ ແລະ ໃຫ້ມີຄຸນນະພາບ, ຈະປັບປຸງ ກົນໄກວິທີການດໍາເນີນຄືແນວໃດ, ແນະນໍາ, ພົວພັນ ແລະ ປະສານສົມທົບກັບພາກສ່ວນ ທີ່ກ່ຽວຂ້ອງຄືແນວໃດ. ບັນຫາດັ່ງກ່າວກໍາມາທິການກົດໝາຍ ຈະຕ້ອງເອົາໃຈໃສ່ປັບປຸງ ການປະສານສົມທົບກັບກໍາມາທິການຂອງສະພາແຫ່ງຊາດ ແລະ ຂະແໜງການຕ່າງໆ ຂອງລັດຖະບານ ເພື່ອອໍານວຍຄວາມສະດວກໃຫ້ແກ່ການປະຕິບັດໜ້າທີ່ວຽກງານ;
3. ວຽກງານກວດກາ ແລະ ປະເມີນຜົນນິຕິກໍາ ເປັນວຽກງານໜຶ່ງທີ່ມີຄວາມສໍາ ຄັນຂອງ ສພຊ ແລະ ກໍເປັນວຽກງານທີ່ມີຄວາມຫຍຸ້ງຍາກພໍສົມຄວນ. ເຖິງຢ່າງໃດກໍ ຕາມກໍາມາທິການກົດໝາຍໃນນາມເປັນເສນາທິການໃຫ້ແກ່ ຄປຈສພຊ ກ່ຽວກັບວຽກ ງານຕິດຕາມກວດກາການຈັດຕັ້ງປະຕິບັດກົດໝາຍ ແລະ ການອອກນິຕິກໍາໃຕ້ກົດໝາຍ ຂອງບັນດາກະຊວງ, ອົງການລັດທຽບເທົ່າກະຊວງ ຕ້ອງໄດ້ພະຍາຍາມເອົາໃຈໃສ່ປະຕິ ບັດພາລະບົດບາດ, ສິດ ແລະ ໜ້າທີ່ດັ່ງກ່າວໃນຂອບເຂດຄວາມຮັບຜິດຊອບຂອງຕົນ ຕາມທີ່ໄດ້ກໍານົດໄວ້ໃນກົດໝາຍວ່າດ້ວຍສະພາແຫ່ງຊາດ ແລະ ກົດໝາຍວ່າດ້ວຍການ ຕິດຕາມກວດກາຂອງສະພາແຫ່ງຊາດ. ສິ່ງສໍາຄັນພວກເຮົາຈະສ້າງກົນໄກ ຫລື ສ້າງ ແຜນການຕິດຕາມກວດກາຄືແນວໃດໃຫ້ມີປະສິດທິຜົນ ເພາະວ່າສະມາຊິກສະພາແຫ່ງ ຊາດໄດ້ຮັບການເລືອກຕັ້ງຈາກປະຊາຊົນ ແລະ ເປັນຕົວແທນແຫ່ງສິດ ແລະ ຜົນປະ ໂຫຍດຂອງປະຊາຊົນ;
4. ວຽກງານໂຄສະນາເຜີຍແຜ່ລັດຖະທໍາມະນູນ ແລະ ກົດໝາຍ ເປັນວຽກງານ ໜຶ່ງທີ່ມີຄວາມສໍາຄັນ ເຊິ່ງກໍາມາທິການກົດໝາຍ ໃນນາມເປັນເສນາທິການໃຫ້ແກ່ຄະນະ ປະຈໍາສະພາແຫ່ງຊາດ ກ່ຽວກັບວຽກງານດັ່ງກ່າວຕ້ອງໄດ້ເອົາໃຈໃສ່ຜັນຂະຫຍາຍ ແນວທາງນະໂຍບາຍ, ລັດຖະທໍາມະນູນ, ກົດໝາຍ ແລະ ລະບຽບການ ທັງເຮັດໃຫ້ ລັດຖະທໍາມະນູນ ແລະ ກົດໝາຍໄດ້ຮັບການປະຕິບັດ, ມີຄວາມສັກສິດ; ສັງຄົມ ກໍຄື ປະຊາຊົນລາວບັນດາເຜົ່າມີຄວາມຮັບຮູ້, ເຂົ້າໃຈ ແລະ ມີສະຕິເຄົາລົບກົດໝາຍ;
5. ວຽກງານຕີຄວາມໝາຍ ແລະ ອະທິບາຍກົດໝາຍ ເປັນວຽກງານທີ່ ຄປຈສພຊ ກໍຄືກໍາມາທິການກົດໝາຍຕ້ອງເອົາໃຈໃສ່ ເພື່ອເຮັດແນວໃດໃຫ້ປະຊາຊົນ, ພະນັກງານ-ລັດຖະກອນ, ທະຫານ, ຕໍາຫລວດ ເຂົ້າໃຈເນື້ອໃນຂອງກົດໝາຍໄດ້ຢ່າງ ຖືກຕ້ອງ ແລະ ມີຄວາມເປັນເອກະພາບໃນການຈັດຕັ້ງປະຕິບັດ. ນອກຈາກນັ້ນ, ກໍາມາ ທິ ການກົດໝາຍຄວນລະດົມ ແລະ ຊຸກຍູ້ຜູ້ທີ່ມີຄວາມຮູ້, ຄວາມສາມາດ ແລະ ປະສົບ ການ ເພື່ອຂຽນບົດອະທິບາຍເນື້ອໃນຂອງກົດໝາຍບາງສະບັບທີ່ເຫັນວ່າມີຄວາມຈໍາເປັນ ຈໍານວນໜຶ່ງ ເພື່ອຮັບປະກັນໃຫ້ມີຄວາມເຂົ້າໃຈຢ່າງຖືກຕ້ອງຂອງພະນັກງານ-ລັດຖະ ກອນ ແລະ ເຈົ້າໜ້າທີ່ທີ່ເຮັດວຽກໃນຂົງເຂດວຽກງານຍຸຕິທໍາ ແລະ ກົດໝາຍ ຕໍ່ຈຸດປະ ສົງຂອງກົດໝາຍ ແລະ ນໍາໃຊ້ເຂົ້າໃນການປະຕິບັດໜ້າທີ່ວຽກງານຢ່າງຖືກຕ້ອງ.