(ສພຊ) ກອງປະຊຸມຄະນະປະຈຳສະພາແຫ່ງຊາດ ປະຈຳເດືອນກຸມພາ 2024 ໄດ້ດຳເນີນໃນລະຫວ່າງວັນທີ 28-29 ກຸມພາຜ່ານມາ ໂດຍການເປັນປະທານຂອງທ່ານ ປອ. ນາງ ສູນທອນ ໄຊຍະຈັກ ເລຂາທິການສູນກາງພັກ, ຮອງປະທານຄະນະປະຈຳສະພາແຫ່ງຊາດ, ຜູ້ຮັກສາການແທນປະທານຄະນະປະຈໍາສະພາແຫ່ງຊາດ; ມີບັນດາທ່ານຮອງປະທານຄະນະປະຈຳສະພາແຫ່ງຊາດ, ບັນດາທ່ານກຳມະການຄະນະປະຈຳສະພາແຫ່ງຊາດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ກອງປະຊຸມຄະນະປະຈຳສະພາແຫ່ງຊາດ ໄດ້ຮັບຟັງການລາຍງານກ່ຽວກັບວຽກງານພາຍໃນຂອງຄະນະປະຈໍາສະພາແຫ່ງຊາດ; ລາຍງານການກະກຽມກອງປະຊຸມພົບປະແລກປ່ຽນບົດຮຽນລະຫວ່າງຄະນະເລຂາທິການສະພາແຫ່ງຊາດລາວ ແລະ ຫ້ອງວ່າການສະພາແຫ່ງຊາດຫວຽດນາມ ຄັ້ງທີ XII ເຊິ່ງຈະຈັດຂຶ້ນທີ່ແຂວງອຸດົມໄຊ; ລາຍງານຂໍທິດຊີ້ ນໍາກ່ຽວກັບແຜນການຕິດຕາມກວດກາປະເມີນຜົນການຈັດຕັ້ງປະຕິບັດກົດໝາຍ ປະຈຳປີ 2024; ລາຍງານຜົນການປັບ ປຸງກົດໝາຍຂົງເຂດສະພາແຫ່ງຊາດ 03 ສະບັບ; ລາຍງານການຄົ້ນຄວ້າຄຳຮ້ອງຂໍຄວາມເປັນທໍາຂອງປະຊາຊົນ ຈຳນວນ 02 ສະບັບ; ລາຍງານແຜນການຕິດຕາມກວດກາການຈັດຕັ້ງປະຕິບັດຄໍາຕັດສິນຂອງສານ; ລາຍງານຜົນການຄົ້ນຄວ້າໜັງສືສະເໜີຂອງລັດຖະບານ ກ່ຽວກັບການຂໍຫັນປ່ຽນທີ່ດິນປ່າໄມ້ທຳມະຊາດ ເປັນທີ່ດິນອຸດສາຫະກຳລັກສະນະຊົ່ວ ຄາວ ເພື່ອນໍາໃຊ້ເຂົ້າໃນໂຄງການຂຸດຄົ້ນ ແລະ ປຸງແຕ່ງແຮ່ຄຳ ແລະ ແຮ່ຕິດພັນ ຢູ່ເຂດບ້ານນາຕີ, ເມືອງລ້ອງແຈ້ງ ແຂວງ ໄຊສົມບູນ ຂອງບໍລິສັດ ໂຈ້ບຸນມີ ພັດທະນາແຮ່ທາດ ຈໍາກັດຜູ້ດຽວ; ລາຍງານຜົນການຄົ້ນຄວ້າຮ່າງຂໍ້ຕົກລົງວ່າດ້ວຍການແບ່ງຄວາມຮັບຜິດຊອບໃຫ້ອົງການປົກຄອງແຂວງ, ນະຄອນຫຼວງ ພິຈາລະນາອະນຸຍາດສຶກສາສຳຫຼວດເນື້ອທີ່ ແລະ ຜົນກະທົບດ້ານສິ່ງແວດລ້ອມ ເພື່ອລົງທຶນສຳປະທານດ້ານກະສິກຳ-ປ່າໄມ້, ການທ່ອງທ່ຽວ ແລະ ການບໍລິການ; ລາຍງານຜົນການຄົ້ນຄວ້າໜັງສືສະເໜີຂອງລັດຖະບານ ກ່ຽວກັບການຂໍສືບຕໍ່ນະໂຍບາຍຍົກເວັ້ນພາສີສໍາລັບການນໍາເຂົ້າຊິ້ນສ່ວນອາໄຫຼ່ລົດບັນທຸກຂະໜາດນ້ອຍ ແລະ ລົດຕູ້ ເພື່ອຜະລິດ ແລະ ປະກອບ ຂອງບໍລິສັດ ໂອໂຕເວີນ (ໂຄລາວ ດິວິລົບພິງ) ຈໍາກັດຜູ້ດຽວ; ລາຍງານການຄົ້ນຄວ້າໜັງສືສະເໜີຂອງລັດຖະບານ ກ່ຽວກັບການພິຈາລະນາຮັບຮອງລັດຖະບັນຍັດວ່າດ້ວຍຄ່າເຊົ່າ ແລະ ຄ່າສໍາປະທານຊັບສິນຂອງລັດ; ລາຍງານການຄົ້ນຄວ້າໜັງສືສະເໜີຂອງລັດຖະບານ ກ່ຽວກັບການປັບປຸງອັດຕາອາກອນມູນຄ່າເພີ່ມ; ລາຍງານຜົນສໍາເລັດການຈັດກອງປະຊຸມສຳມະນາໄວປາ ຄັ້ງທີ 2 ເຊິ່ງໄດ້ຈັດຂຶ້ນໃນລະຫວ່າງວັນທີ 4-7 ກຸມພາ 2024; ລາຍງານຄືນການກະກຽມຕິດຕາມກວດກາປະເມີນຜົນການຈັດຕັ້ງປະຕິບັດກົດໝາຍຂົງເຂດວັດທະນະທຳ-ສັງຄົມ ຈຳນວນ 04 ສະບັບ; ລາຍງານກ່ຽວກັບການກະກຽມກອງປະຊຸມສຳມະນາວຽກງານປະຊາກອນ ແລະ ການພັດທະນາ; ລາຍງານກ່ຽວກັບການກະກຽມຕ້ອນຮັບການມາຢ້ຽມຢາມ ແລະ ຈັດກອງປະຊຸມສໍາມະນາຮ່ວມລະຫວ່າງຄະນະ ສສຊ ເພດຍິງ ຂອງສະພາແຫ່ງຊາດຫວຽດນາມ ກັບ ຄະນະ ສສຊ ເພດຍິງ ຂອງສະພາແຫ່ງຊາດລາວ.
(ຂ່າວ-ພາບ: ນາງ ໄຊໂສພາພອນ ມິ່ງມຸງຄຸນ)