ໃນລະຫວ່າງວັນທີ 24 ຫາ 25 ສິງຫາ 2023 ຢູ່ທີ່ຫ້ອງປະຊຸມສະໄມໃຫ່ຍຫ້ອງວ່າການແຂວງ ດ້ຈັດກອງປະຊຸມປະເມີນ ກົດໝາຍ 4 ສະບັບໃນຂົງເຂດສະພາແຫ່ງຊາດໂດຍການເປັນປະທານຮ່ວມ ຂອງທ່ານ ສຈ ປອ ຈະເລີນ ເຢຍປາວເຮີ ຮອງປະທານສະພາແຫ່ງຊາດ, ທ່ານ ຄໍາພັນ ສິດທິດໍາພາ ເລຂາພັກແຂວງ ເຈົ້າແຂວງໆວຽງຈັນ ເຂົ້າຮ່ວມມີ ປະທານສະພາປະຊາຊົນແຂວງ, ຮອງປະທານສະພາປະຊາຊົນແຂວງ, ຮອງເຈົ້າແຂວງ, ສະມາຊິກສະພາແຫ່ງຊາດ,ສະມາຊິກສະພາປະຊົນແຂວງ, ເຈົ້າເມືອງ 11 ເມືອງ, ຫົວໜ້າພະແນກການອອ້ມຂ້າງແຂວງເຂົ້າຮ່ວມຢ່າງພ້ອມພຽງ.
ຈຸດປະສົງກໍ່ເພື່ອປັບປຸງບັນດາກົດໝາຍ ໃນຂົງເຂດສະພາແຫ່ງຊາດເພື່ອຮັບປະກັນໃຫ້ແກ່ການເຄື່ອນໄຫວຂອງສະພາແຫ່ງຊາດ ແລະ ສະພາປະຊາຊົນແຂວງ,ສະພາແຫ່ງຊາດໄດ້ສ້າງ ແລະ ປັບປຸງກົດໝາຍຕ່າງໆ ເຊັ່ນ: ກົດໝາຍວ່າດ້ວຍສະພາແຫ່ງຊາດ,ກົດໝາຍວ່າດ້ວຍສະພາປະຊາຊົນຂັ້ນແຂວງ ແລະ ກົດໝາຍວ່າດ້ວຍການຕິດຕາມກວດກາ ຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງ ແລະ ກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຊື່ງສາມາດຕອບສະໜອງການຈັດຕັ້ງ ແລະ ການເຄື່ອນໄຫວວຽກງານ ຂອງສະພາແຫ່ງຊາດ ໃຫ້ນັບມື້ນັບດີຂື້ນ ໃນແຕ່ລະໄລຍະຕະຫຼອດມາ ເຖິງຢ່າງໃດກໍ່ຕາມບາງເນຶ້ອໃນການເຄື່ອນໄຫວວຽກງານບໍ່ປະມີປະສິດພາບ,ປະສິດທິຜົນສູງກວ່າເກົ່າ,ຄະນະປະຈໍາສະພາແຫ່ງຊາດຈຶ່ງໄດ້ຕົກລົງໃຫ້ມີການປັບປຸງກົດໝາຍ 4 ສະບັບທີ່ກ່າວມານັ້ນ

ການປັບປຸງບັນດາກົດໝາຍທີກ່າວມານັ້ນ ຈະກາຍເປັນເຄື່ອງມືສໍາຄັນ ໃນການປະຕິບັດສິດ ແລະ ໜ້າທີຂອງສະພາແຫ່ງຊາດ ແລະ ສະພາປະຊາຊົນທ້ອງຖິ່ນ ມີຄຸນນະພາບສູງຂື້ນ,ປະກອບສວນເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດໃຫ້ມີຄວາມໜັກແໜ້ນ, ສະຖຽງລະພາບທາງດ້ານການເມືອງໄດ້ຮັບການປະກັນ,ເສດຖະກິດ-ສັງຄົມມີການຂະຫຍາຍຕົວຢ່າງຕໍ່ເນື່ອງ,ການຄຸ້ມຄອງລັດດ້ວຍກົດໝາຍ ຈະມີຄວາມສັກສິດນັບມື້ສູງຂຶ້ນ, ສັງຄົມມີຄວາມສະຫງົບ, ປະຊາທິປະໄຕ, ຍຸຕິທໍາ ແລະ ສີວິໄລ.