ໃນວັນທີ 6 ມິຖຸນາ 2023 ທີ່ຜ່ານມານີ້ ກໍາມາການບັນດາເຜົ່າສະພາແຫ່ງຊາດ,ໄດ້ຈັດກອງປະຊຸມເພື່ອເປັນເອກະພາບບັນດາຄາດໝາຍດ້ານການພັດທະນາຊົນນະບົດ ແລະ ແກ້ໄຂຄວາມທຸກຍາກ ປະຈໍາປີ 2023 ຂື້ນຢ່າງເປັນທາງການ (ຮູບແບບທາງໄກ) ໂດຍການເປັນປະທານ ຂອງ ທ່ານ ຄໍາຈັນ ໂສຕາປະເສີດ ປະທານກໍາມາທິການບັນດາເຜົ່າສະພາແຫ່ງຊາດ, ມີບັນດາທາ່ນຮອງປະທານກໍາມາທິການ, ຮອງລັດຖະມົນຕີ, ຄະນະສະມາຊິກສະພາແຫ່ງຊາດ ແລະ ສະພາປະຊາຊົນແຂວງ, ກອງປະຊຸມດັ່ງກ່າວແມ່ນໄດ້ຈັດຂື້ນທີ່ຫ້ອງປະຊຸມຫ້ອງວ່າການແຂວງວຽງຈັນ, ໂດຍພາຍການເປັນປະທານຮ່ວມຂອງທ່ານ ລໍາໄມ ກູດລາວົງ ຮອງປະທານສະພາປະຊາຊົນແຂວງ ແລະ ທ່ານ ພູວົງ ບຸນຊູ ຮອງເຈົ້າແຂວງໆວຽງຈັນ ຜູ້ຊີ້ນໍາວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ , ມີບັນດາຫົວໜ້າພະແນກ-ຮອງພະແນກການ ແລະ ພະນັກງານຂະແໜງການທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ຮັບຟັງການລາຍງານຈາກຄະນະຮັບຜິດຊອບສະເໜີຜົນການຕິດຕາມກວດກາບັນດາຄາດໝາຍຂອງວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ຂອງກໍາມາທິການບັນດາເຜົ່າສະພາແຫ່ງຊາດ ຈາກນັ້ນ, ບັນດາທ່ານຜູ້ແທນເຂົ້າຮ່ວມກອງປະຊຸມໄດ້ຕ່າງໜ້າເຂດເລືອກຕັ້ງຂອງຕົນໃນຂອບເຂດທົ່ວປະເທດປະກອບຄໍາຄິດຄໍາເຫັນ, ສົນທະນາແລກປຽ່ນເຊິ່ງກັນ ແລະ ກັນຢ່າງກົງໄປກົງມາ ຕໍ່ກັບບັນດາຄາດໝາຍດ້ານການພັດທະນາຊົນນະບົດ ແລະ ແກ້ໄຂຄວາມທຸກຍາກ ປະຈໍາປີ 2023 ຂັ້ນສູນກາງ ແລະ ທ້ອງຖີ່ນ ຕາມທີໄດ້ກໍານົດໃນມະຕິຮັບຮອງແຜນພັດທະນາເສດຖະກິດ-ສັງຄົມ ປະຈໍາປີ 2023 ສະບັບເລກທີ 82/ສພຊ, ລົງວັນທີ 30 ທັນວາ 2022 ແລະ ມະຕິຮັບຮອງແຜນພັດທະນາເສດຖະກິດ-ສັງຄົມ ປະຈໍາປີ 2023 ຂອງບັນດາແຂວງ ແລະ ນະຄອນຫຼວງ ເພື່ອໃຫ້ມີຄວາມເປັນເອກະພາບ ແລະ ໄດ້ຮັບການຈັດຕັ້ງປະຕິບັດໄປໃນລວງດຽວກັນ, ມີຄວາມສະດວກໃນການຕິດຕາມກວດກາຂອງສະພາແຫ່ງຊາດ ແລະ ສະພາປະຊາຊົນແຂວງ.