(ສພຊ) – ວັນທີ 16 ທັນວາຜ່ານມາ, 3 ອົງການຈັດຕັ້ງມະຫາຊົນຂອງສະພາແຫ່ງຊາດ (ສພຊ) ໄດ້ຈັດຕັ້ງຂະບວນການທັດສະນະສຶກສາ ແລະ ທ່ຽວຊົມສະຖານທີ່ປະຫວັດສາດຂອງຊາດ, ຂອງພັກ ແລະ ການປະຕິວັດລາວ ໂດຍການນຳພາຂອງສະຫາຍ ອຳໄພ ຈິດມານົນ ຄະນະບໍລິຫານງານພັກ, ປະທານສະຫະພັນກຳມະບານ ສພຊ.

ຂະບວນການຄັ້ງນີ້ ແມ່ນເນື່ອງໃນໂອກາດສະເຫຼີມສະຫຼອງວັນຊາດທີ 2 ທັນວາ ຄົບຮອບ 49 ປີ, ວັນເກີດປະ ທານ ໄກສອນ ພົມວິຫານ ຄົບຮອບ 104 ປີ, ວັນໄຂອະນຸສອນສະຖານປະທານ ໄກສອນ ພົມວິຫານ ຄົບຮອບ 30 ປີ (13/12/1994-13/12/2024) ແລະ ວັນໄຂອະນຸສອນສະຖານປະທານ ສຸພານຸວົງ ຄົບຮອບ 19 ປີ (30/11/2005 -30/11/2024) ເພື່ອສະແດງເຖິງຄວາມເຄົາລົບ, ກະຕັນຍູຮູ້ບຸນຄຸນຕໍ່ຄຸນງາມຄວາມດີ ແລະ ຜົນງານອັນໃຫຍ່ຫຼວງຂອງປະທານ ໄກສອນ ພົມວິຫານ, ປະທານ ສຸພານຸວົງ ແລະ ທ່ານ ໜູຮັກ ພູມສະຫວັນ ທີ່ໄດ້ອຸທິດຕະຫຼອດຊີວິດຂອງຕົນໃນພາລະກິດຕໍ່ສູ້ປົດປ່ອຍຊາດ, ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ; ແນໃສ່ສຶກສາອົບ ຮົມ, ຮໍ່າຮຽນເອົາແບບຢ່າງຄຸນສົມບັດສິນທຳປະຕິວັດທີ່ລ້ຳເລີດ, ແບບແຜນການດຳລົງຊີວິດທີ່ລຽບງ່າຍປອດໃສ, ແບບ ແຜນວິທີເຮັດວຽກທີ່ມີວິທະຍາສາດ ແລະ ແບບແຜນການນຳພາທີ່ສະ ຫຼາດສ່ອງໃສ.

ສະມາຊິກ 3 ອົງການຈັດຕັ້ງມະຫາຊົນຂອງ ສພຊ ໄດ້ທ່ຽວຊົມສະຖານທີ່ 4 ແຫ່ງຄື: ຫໍພິພິດທະພັນ ໄກສອນ ພົມວິຫານ, ອະນຸສອນສະຖານປະທານ ໄກສອນ ພົມວິຫານ, ອະນຸສອນສະຖານປະທານ ສຸພານຸວົງ ແລະ ອະນຸສອນສະຖານ ທ່ານ ໜູຮັກ ພູມສະຫວັນ.

(ອານຸສອນ ພູມມີທອນ)