ຕອນເຊົ້າ ຂອງວັນທີ 6 ມັງກອນ 2023 ຜ່ານມາ ຢູ່ທີ່ຫ້ອງປະຊຸມສະພາປະຊາຊົນ ແຂວງຫົວພັນ ໄດ້ຈັດພິທີເລື່ອນສະມາຊິກພັກສຳຮອງ ຂຶ້ນເປັນສະມາຊິກພັກສົມບູນ ໂດຍພາຍໃຕ້ການເປັນປະທານຂອງສະຫາຍ ສົມສັກ ດອນຈານິດ ກຳມະການພັກແຂວງ ເລຂາໜ່ວຍພັກສະພາປະຊາຊົນແຂວງ ມີບັນດາສະຫາຍສະມາຊິກພັກສົມບູນ-ສຳຮອງ ພາຍໃນໜ່ວຍເຂົ້າຮ່ວມ.
ໃນພິທີຄະນະຮັບຜິດຊອບໄດ້ຂຶ້ນຜ່ານມະຕິຕົກລົງຂອງຄະນະປະຈຳພັກແຂວງ ສະບັບເລກທີ 359/ຄປຈຂ, ລົງວັນທີ 21 ທັນວາ 2022 ວ່າດ້ວຍການເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ ຈຳນວນ 3 ສະຫາຍສະຫາຍ ຈາກນັ້ນ, ສະຫາຍ ເລຂາໜ່ວຍພັກ ໄດ້ມີຄຳເຫັນກ່າວຮັບ ແລະ ໂອ້ລົມຕໍ່ພິທີ ເຊິ່ງກ່ອນອື່ນສະຫາຍໄດ້ຕີລາສູງຕໍ່ຄວາມບຸກບືນສູ້ຊົນຂອງ 3 ສະຫາຍທີ່ຮັກສາໄດ້ຄຸນທາດການເມືອງຢ່າງໜັກແໜ້ນ, ຄຸນສົມບັດສິນທຳປະຕິວັດ, ມີຄວາມອຸ່ນອ່ຽນທຸ່ນທ່ຽງເຊື້ອໝັ້ນຕໍ່ການນຳພາ-ຊີ້ນຳຂອງພັກ, ເອົາໃຈໃສ່ຈັດຕັ້ງປະຕິບັດແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມີຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ ພາຍໃນແໜ້ນແຟ້ນ ແລະ ພາຍນອກກ້ວາງຂວາງ, ເອົາໃຈໃສ່ໃນການຈັດຕັ້ງປະຕິບັດວຽກງານວິຊາສະເພາະຂອງຕົນເອງ ແລະ ປະກອບສ່ວນເຂົ້າໃນວຽກງານຂອງອົງການຈັດຕັ້ງມະຫາຊົນ, ບຸກບືນສູ້ຊົນ ແລະ ເຮັດຫຼ້ອນໜ້າທີ່ ຕາມຄວາມຮັບຜິດຊອບຂອງຕົນໄດ້ເປັນຢ່າງດີ. ພ້ອມນັ້ນ, ສະຫາຍເລຂາໜ່ວຍພັກ ຍັງໄດ້ເໜັ້ນໜັກໃຫ້ສະມາຊິກພັກສົມບູນ ຜູ້ໃໝ່ ເປັນຕົ້ນ ສືບຕໍ່ຍົກສູງຄຸນທາດການເມືອງໃຫ້ໜັກແໜ້ນ, ຝຶກຝົນຫຼໍ່ຫຼອມຕົນເອງດ້ານຄຸນສົມບັດສິນທຳປະຕິບັດ, ເອົາໃຈໃສ່ຄົ້ນຄວ້າຮ່ຳຮຽນ, ກຳແໜ້ນແນວທາງນະໂຍບາຍຂອງພັກ-ລັດ, ຈັດຕັ້ງປະຕິບັດກົດລະບຽບຂອງພັກຢ່າງເຂັ້ມງວດໂດຍສະເພາະ ສິດ, ໜ້າທີ່, ຂໍ້ຫ້າມ ຂອງສະມາຊິກພັກ; ໃຫ້ມີຄວາມເປັນເອກະພາບ ແລະ ເປັນເຈົ້າການໃນການປະຕິບັດແນວທາງ, ແຜນນະໂຍບາຍ, ມະຕິ, ຄຳສັ່ງ ກົດລະບຽບພັກ, ລັດຖະທຳມະນູນ, ກົດໝາຍ ແລະ ລະບຽບການຂອງລັດ, ປະກອບສ່ວນເຂົ້າໃນການກໍ່ສ້າງ, ບູລະນະແນວທາງ, ແຜນນະໂຍບາຍຂອງພັກ-ລັດ, ຕັ້ງໜ້າຮ່ຳຮຽນທິດສະດີ ມາກ-ເລນິນ, ແນວຄິດປະທານໄກສອນ ພົມວິຫານ, ຍົກລະດັບການສຶກສາ, ວິຊາສະເພາະ, ເຕັກນິກ-ວິທະຍາສາດ ແລະ ພາສາຕ່າງປະເທດ ເພື່ອແນໃສ່ເຮັດສຳເລັດໜ້າທີ່ ຕາມການຈັດຕັ້ງ ພັກ-ລັດມອບໝາຍ, ຕ້ານແນວຄິດອາດຍາສິດ, ສໍ້ລາດບັງຫຼວງ, ແນວຄິດເອກະຊົນ, ຫຼີ້ນກິນຟູມເຟືອຍ ແລະ ສິ່ງຫຍໍ້ທໍ້ອື່ນໆ; ຍົກສູງຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບມອບໝາຍ ໃຫ້ມີໝາກຜົນໃໝ່ຍິ່ງໃຫຍ່ກວ່າເກົ່າ, ຝຶກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກຜູ້ທີ່ດີເດັ່ນໃນຕໍ່ໜ້າ.
ພ້ອມນັ້ນ, ສະຫາຍເລຂາໜ່ວຍພັກ ຍັງໄດ້ເໜັ້ນໜັກໃຫ້ສະມາຊິກພັກສົມບູນ ຜູ້ໃໝ່ ເປັນຕົ້ນ ສືບຕໍ່ຍົກສູງຄຸນທາດການເມືອງໃຫ້ໜັກແໜ້ນ, ຝຶກຝົນຫຼໍ່ຫຼອມຕົນເອງດ້ານຄຸນສົມບັດສິນທຳປະຕິບັດ, ເອົາໃຈໃສ່ຄົ້ນຄວ້າຮ່ຳຮຽນ, ກຳແໜ້ນແນວທາງນະໂຍບາຍຂອງພັກ-ລັດ, ຈັດຕັ້ງປະຕິບັດກົດລະບຽບຂອງພັກຢ່າງເຂັ້ມງວດໂດຍສະເພາະ ສິດ, ໜ້າທີ່, ຂໍ້ຫ້າມ ຂອງສະມາຊິກພັກ; ໃຫ້ມີຄວາມເປັນເອກະພາບ ແລະ ເປັນເຈົ້າການໃນການປະຕິບັດແນວທາງ, ແຜນນະໂຍບາຍ, ມະຕິ, ຄຳສັ່ງ ກົດລະບຽບພັກ, ລັດຖະທຳມະນູນ, ກົດໝາຍ ແລະ ລະບຽບການຂອງລັດ, ປະກອບສ່ວນເຂົ້າໃນການກໍ່ສ້າງ, ບູລະນະແນວທາງ, ແຜນນະໂຍບາຍຂອງພັກ-ລັດ, ຕັ້ງໜ້າຮ່ຳຮຽນທິດສະດີ ມາກ-ເລນິນ, ແນວຄິດປະທານໄກສອນ ພົມວິຫານ, ຍົກລະດັບການສຶກສາ, ວິຊາສະເພາະ, ເຕັກນິກ-ວິທະຍາສາດ ແລະ ພາສາຕ່າງປະເທດ ເພື່ອແນໃສ່ເຮັດສຳເລັດໜ້າທີ່ ຕາມການຈັດຕັ້ງ ພັກ-ລັດມອບໝາຍ, ຕ້ານແນວຄິດອາດຍາສິດ, ສໍ້ລາດບັງຫຼວງ, ແນວຄິດເອກະຊົນ, ຫຼີ້ນກິນຟູມເຟືອຍ ແລະ ສິ່ງຫຍໍ້ທໍ້ອື່ນໆ; ຍົກສູງຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບມອບໝາຍ ໃຫ້ມີໝາກຜົນໃໝ່ຍິ່ງໃຫຍ່ກວ່າເກົ່າ, ຝຶກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກຜູ້ທີ່ດີເດັ່ນໃນຕໍ່ໜ້າ.
ຫຼັງຈາກນັ້ນ, ຕາງໜ້າໃຫ້ສະຫາຍສະມາຊິກພັກສົມບູນໃໝ່ ໄດ້ຂຶ້ນຮັບຄຳໂອວາດ ແລະ ຂໍປະຕິຍານຕົນວ່າ ຈະຕັ້ງໜ້າຝຶກຝົນຫຼໍ່ຫຼອມຕົນເອງຮອບດ້ານ, ປົກປັກຮັກສາ ແລະ ປະຕິບັດແນວທາງນະໂຍບາຍຂອງພັກ, ເຄົາລົບກົດລະບຽບພັກ, ກົດໝາຍ ແລະ ລະບຽບການຂອງລັດ, ປະຕິບັດສິດ, ໜ້າທີ່ ແລະ ຂໍ້ຫ້າມຂອງສະມາຊິກພັກຢ່າງເຂັ້ມງວດ, ຮັກສາຄວາມລັບຂອງພັກ, ຂອງຊາດ, ຈົ່ງຮັກພັກດີຕໍ່ພັກ ແລະ ປະຊາຊົນຢ່າງແທ້ຈິງ.
ພາບ ແລະ ຂ່າວ: ບຸນແພງ ຜຸຍພັກດີ