ວັນທີ 9 ສິງຫາ 2024, ໄດ່ມີພິທີມອບ – ຮັບ ໃບຢັ້ງຢືນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈໍາປີ 2023 ໃຫ້ແກ່ໜ່ວຍພັກຮາກຖານສະພາປະຊາຊົນແຂວງຈໍາປາສັກ ພິທີໄດ້ຈັດຂຶ້ນຢູ່ຫ້ອງປະຊຸມຫ້ອງປະຊຸມຂອງສະພາປະຊາຊົນແຂວງຈໍາປາສັກ ໂດຍການເປັນປະທານຮ່ວມຂອງ ສະຫາຍ ແກ້ວລັດຕະນະ ສີຫາວົງ ຄະນະປະຈໍາພັກແຂວງ ຮອງປະທານສະພາປະຊາຊົນແຂວງຈໍາປາສັກ , ສະຫາຍ ສົມສີ ມະນີນິນ ກໍາມະການພັກແຂວງ ເລຂາໜ່ວຍພັກຮາກຖານ, ຮອງປະທານສະພາປະຊາຊົນແຂວງຈໍາປາສັກ ສະຫາຍ ນາງ ຮອງຫົວໜ້າພະແນກພາຍໃນແຂວງ. ມີຄະນະກໍາມະການກວດກາປະເມີນຜົນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ຂັ້ນແຂວງ, ແຂກຖຶກເຊີນຈາກພະແນກການກົມກອງອ້ອມຂ້າງ, ຄະນະໜ່ວຍພັກຮາກຖານ, ສະມາຊິກພັກ ແລະ ພະນັກງານ-ລັດຸະກອນຂອງສະພາປະຊາຊົນແຂວງຈໍາປາສັກ ເຂົ້າຮ່ວມ.

ໃນພິທີ, ສະຫາຍ ສົມສີ ມະນີນິນ ເລຂາໜ່ວຍພັກຮາກຖານສະພາປະຊາຊົນແຂວງ ໄດ້ຂື້ນຜ່ານບົດສະຫຼຸບການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈໍາປີ 2023 ໂດຍຍົກໃຫ້ເຫັນສະພາບລວມ, ຍົກໃຫ້ເຫັນການນໍາພາຂອງຄະນະໜ່ວຍພັກຮາກຖານ ໃນການຈັດຕັ້ງປະຕິບັກວຽກງານກວດກາປະເມີນຜົນການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ໃນປີ 2023 ຕົ້ນຕໍແມ່ນການນໍາພາດ້ານການເມືອງ – ແນວຄິດ, ວຽກງານວິຊາສະເພາະ, ວຽກງານປ້ອງກັນຄວາມສະຫງົບ ຢູ່ສໍານັກງານກົມກອງ ໃຫ້ມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ. ພ້ອມນີ້, ຍັງໄດ້ຜ່ານທິດທາງແຜນການ ປະຈໍາປີ 2024 ທີ່ໜ່ວຍພັກຮາກຖານສະພາປະຊາຊົນແຂວງຈໍາປາສັກ ຈະຕ້ອງໄດ້ສຸມໃສ່ ແລະ ເພີ່ມທະວີໃນການຈັດຕັ້ງປະຕິບັດໃຫ້ສໍາເລັດຕາມຄາມໝາຍທີ່ວາງໄວ້. ຈາກນັ້ນ, ສະຫາຍ ໄດ້ຜ່ານມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການອະນຸມັດມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈໍາປີ 2023 ໃຫ້ແກ່ໜ່ວຍພັກຮາກຖານສະພາປະຊາຊົນແຂວງຈໍາປາສັກ ໂດຍ ສະຫາຍ ແກ້ວລັດຕະນະ ສີຫາວົງ ຄະນະປະຈໍາພັກແຂວງ ໄດ້ໃຫ້ກຽດຂື້ນມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈໍາປີ 2023 ແລະ ຮັບໂດຍ ສະຫາຍ ສົມສີ ມະນີນິນ ເລຂາໜ່ວຍພັກຮາກຸານສະພາປະຊາຊົນແຂວງຈໍາປາສັັັັກ. ຈາກນັ້ນ, ສະຫາຍ ທິບພະສອນ ສາມະເລີກ ເລຂາທິການສະພາປະຊາຊົນແຂວງ ໄດ້ຂື້ນຜ່ານຂໍ້ຕົກລົງຂອງເຈົ້າແຂວງຈໍາປາສັກ ວ່າດ້ວຍການຍ້ອງຍໍ ປະຈໍາປີ 2023 ໃຫ້ພະນັກງານຫຼລັດຖະກອນ ຈໍານວນ 18 ສະຫາຍ ແລະ ຂໍ້ຕົກລົງຂອງປະທານຄະນະປະຈໍາສະພາປະຊາຊົນແຂວງຈໍາປາສັກ ວ່າດ້ວຍການຍ້ອງຍໍ ປະຈໍາປີ 2023ໃຫ້ພະນັກງານຫຼລັດຖະກອນ ຈໍານວນ 15 ສະຫາຍ ແລະ ມີພິທີມອບໃບຍ້ອງຍໍໃຫ້ພະນັກງານ-ລັດຖະກອນທີ່ມີຜົນງານໃນການຈັດຕັ້ງປະຕິບັດໜ້າທີ່ຄວາມຮັບຜິດຊອບຕາມການມອບໝາຍຍາດໄດ້ຜົນສໍາເລັດໃນປີ 2023 ຈາມຂໍ້ຕົກລົງດັ່ງກ່າວ ໂດຍການໃຫ້ກຽດມອບໃບຍ້ອງຍໍຂັ້ນແຂວງໂດຍ ສະຫາຍ ແກ້ວລັດຕະນະ ສີຫາວົງ ຄະນະປະຈໍາພັກແຂວງ ແລະ ມອບໃບຍ້ອງຍໍຂັ້ນກົມກອງ ໂດຍ ສະຫາຍ ສົມສີ ມະນີນິນ ຮອງປະທານສະພາປະຊາຊົນແຂວງຈໍາປາສັກ.

ຕອນທ້າຍຂອງພິທີ, ສະຫາຍ ແກ້ວລັດຕະນະ ສີຫາວົງ ຄະນະປະຈໍາພັກແຂວງ ຮອງປະທານຄະນະປະຈໍາສະພາປະຊາຊົນແຂວງຈໍາປາສັກ ໄດ້ມີຄໍາເຫັນໂອ້ລົມຊີ້ທິດເຍືອງທາງ ເພື່ອເປັນບ່ອນອີງໃນການຈັດຕັ້ງປະຕິບັດວຽກງານໃນຕໍ່ໜ້າ ໃຫ້ມີຜົນສໍາເລັດໃໝ່ໃຫຍ່ຫຼວງກວ່າເກົ່າ.

(ພາບ-ຂ່າວ: ສົມວິຈິດ ໄຊມົນຕີ)