ເພື່ອເປັນການຜັນຂະຫຍາຍເນື້ອໃນຄໍາສັ່ງຂອງກົມການເມືອງສູນກາງພັກ ແລະ ຄໍາແນະນໍາຂອງຄະນະຈັດຕັ້ງສູນກາງພັກວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໃຫ້ຖືກຕ້ອງ,ສອດຄອ່ງ ແລະ ເປັນເອກະພາບກັນ. ສະນັ້ນມາ,ໃນວັນທີ 22 ພະຈິກ 2022 ຢູ່ທີ່ຫ້ອງປະຊຸມສະພາປະຊາຊົນແຂວງ ໄດ້ເປີດກອງປະຊຸມປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2022 ຂອງໜ່ວຍພັກຮາກຖານສະພາປະຊາຊົນແຂວງ ຂຶ້ນໂດຍການປະທານຂອງສະຫາຍ ແສງເດືອນ ຈັນທະລັງສີ ເລຂາໜ່ວຍພັກຮາກຖານສະພາປະຊາຊົນແຂວງ, ຮອງປະທານຄະນະກໍາມະການຍຸດຕິທໍາ ແລະ ປ້ອງກັນຊາດ-ປ້ອງກັນຄວາມສະຫງົບສະພາປະຊາຊົນແຂວງ ແລະ ໃຫ້ກຽດເຂົ້າຮ່ວມຂອງສະຫາຍພອນສີ ພິນລະວົງ ຮອງປະທານກວດກາພັກແຂວງ ຫົວໜ້າຄະນະຮັບຜິດຊອບການປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນຂັ້ນແຂວງ, ມີບັນດທ່ານຄະນະໜ່ວຍພັກ, ຄະນະປະຈໍາ, ຄະນະຮັບຜິດຊອບການປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນຂັ້ນແຂວງ ແລະ ບັນດາສະຫາຍສະມາຊິກພັກສະພາປະຊາຊົນແຂວງເຂົ້າຮ່ວມ.

ໃນທີ່ປະຊຸມໄດ້ຜ່ານມະຕິຕົກລົງຂອງຄະນະປະຈໍາພັກແຂວງວ່າດ້ວຍການແຕ່ງຕັ້ງຄະນະຊີ້ນໍາແລະໜ່ວຍງານປະເມີນຜົນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຫຼັງຈາກນັ້ນກໍ່ໄດ້ຮັບຟັງການລາຍງານຮ່າງບົດສະຫຼຸບລາຍງານການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2022 ແລະ ທິດທາງແຜນການປີ 2023 ເຊີ່ງໃນໄລຍະຜ່ານມາໜ່ວຍພັກຮາກຖານສະພາປະຊາຊົນແຂວງໄດ້ເອົາໃຈໃສ່ກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນໂດຍຕິດພັນ ກັບການ ຈັດຕັ້ງປະຕິບັດວຽກງານວິຊາສະເພາະ, ຕິດພັນກັບຂະບວນການຮັກຊາດ ແລະ ພັດທະນາ ແລະ ຕິດພັນກັບ 5 ດ້ານໃນຄໍາສັ່ງຂອງກົມການເມືອງສູນກາງພັກ, ໄດ້ເອົາໃຈໃສ່ສຶກສາອົບຮົມ¡¾ນ​ເມືອງ-​ແນວ​ຄິດ ​ໃຫ້ເຊື່ອໝັ້ນຕໍ່ການນຳພາຂອງພັກມີຄວາມສາມັກຄີພາຍໃນ, ເອົາໃຈໃສ່ຈັດຕັ້ງຜັນຂະຫຍາຍແນວທາງນະໂຍບາຍຂອງພັກ, ເອົາໃຈໃສ່ຊີ້ນໍາ-ນາພາການປະຕິບັດໜ້າທີ່ວຽກງານວິຊາສະເພາະ ໂດຍສະເພາະແມ່ນການຈັດຕັ້ງປະຕິບັດພາລະບົດບາດ ດ້ານນິຕິກໍາ, ດ້ານການຕົກລົງບັນຫາສໍາຄັນພື້ນຖານຂອງທ້ອງຖິ່ນ, ດ້ານການຕິດຕາມກວດກາ ໄປຄຽງຄູ່ກັບການສ້າງຄວາມ ເຂັ້ມແຂງໃຫ້ພະນັກງານ-ລັດຖະກອນ ໂດຍຕິດພັນກັບການພົວພັນກັບຂະແໜງການອື່ນ ແລະໃນທິດທາງຕໍ່ໜ້າໜ່ວຍ ພັກຮາກຖານສະພາປະຊາຊົນແຂວງໄດ້ວາງທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຄືການສ້າງໜ່ວຍພັກໃຫ້ມີຄວາມເຂັ້ມແຂງ, ມີຄວາມສາມັກຄີເປັນເອກະພາບກັນ, ສືບຕໍ່ສ້າງສະມາຊິກພັກປອດໃສ, ເຂັ້ມແຂງໃຫ້ໄດ້ 90% ຂຶ້ນໄປ, ສູ້ຊົນສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຕາມ 5 ເນື້ອໃນທີ່ກົມການ ເມືອງສູນກາງພັກກໍານົດໄວ້ ໃຫ້ສໍາເລັດຕາມລະດັບຄາດໝາຍຂອງໜ່ວຍພັກວາງອອກໃຫ້ໄດ້ 90 % ຂຶ້ນໄປ ນອກນັ້ນ, ໃນທີ່ປະຊມຍັງໄດ້ພ້ອມກັນປະກອບຄໍາຄິດ, ຄໍາເຫັນ ແລກປ່ຽນເຊິ່ງກັນ ແລະ ກັນໃສ່ບົດສະຫຼຸບດັ່ງກ່າວ ເພື່ອໃຫ້ມີເນື້ອ ໃນຄົບຖ້ວນສົມບູນຂຶ້ນຕື່ມອີກ ແລະ ສາມາດນໍາໄປຈັດຕັ້ງຜັນຂະຫຍາຍເປັນແຜນວຽກອັນລະອຽດ.

ສະພາ​ປະຊາຊົນ​ແຂວງ​ຊຽງຂວາງ

ຂ່າວ​ໂດຍ: ນາງ ສຸກ​ສະຫວັນ ​ອິນທະ​​ແສງ