ຕອນບ່າຍຂອງວັນທີ່ 3 ທັນວາ 2024 ນີ້ຢູ່ທີ່ຫ້ອງປະຊຸມຂອງສະພາປະຊາຊົນແຂວງ ໄດ້ລວມຊິວິດພັກປະຈຳເດືອນພະຈິກ 2024 ໂດຍການເປັນປະທານຂອງທ່ານ ນາງ ອຸ່ນຫລ້າ ອ້ຽງລໍລາດ ກຳມະການພັກແຂວງ ເລຂາໜ່ວຍພັກສະພາປະຊາຊົນແຂວງ ຮອງປະທານສະພາປະຊາຊົນແຂວງ ເຂົ້າຮ່ວມມີສະມາຊິກພັກສົມບູນ, ສຳຮອງເຂົ້າຮ່ວມທັງຫມົດ 26 ສະຫາຍ,ຍິງ 14 ສະຫາຍ,
ໃນກອງປະຊຸມໄດ້ຮັບຟັງບົດລາຍງານການເຄື່ອນໄຫວວຽກງານປະຈໍາເດືອນ ພະຈິກ 2024 ແລະ ທິດທາງແຜນການປະຈໍາເດືອນ ທັນວາ 2024 ຂອງໜ່ວຍພັກສະພາປະຊາຊົນແຂວງ ຄະນະໜ່ວຍພັກສະພາປະຊາຊົນແຂວງໄດ້ດຳເນີນກອງປະຊຸມຮ່ວມຊີວິດພັກເພື່ອສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ຊຶ່ງເຮັດໃຫ້ສະມາຊິກພັກທຸກສະຫາຍ ມີແນວຄິດອູ່ນອຽນທູ່ນທ່ຽງ, ມີຄວາມເຊື່ອໝັ້ນຕໍ່ການນໍາພາຂອງພັກ, ເຄົາລົບກົດລະບຽບຂອງພັກ, ກົດໝາຍຂອງລັດ, ມີສະຕິຕໍ່ການຈັດຕັ້ງປະຕິບັດໜ້າທີ່ວຽກງານວິຊາສະເພາະສຳເລັດຕາມລະດັບຄາດໝາຍ ແລະ ສະພາປະຊາຊົນແຂວງ ຮ່ວມກັບ ສາມອົງການຈັດຕັ້ງມະຫາຊົນຂອງສະພາປະຊາຊົນແຂວງຍັງໄດ້ນໍາເອົາເຄື່ອງນຸ່ງຫົ່ມ, ເຂົ້າສານ ແລະ ເຄື່ອງໃຊ້ຄົວເຮືອນຈໍານວນໜຶ່ງທີ່ໄດ້ຮັບການຊ່ວຍເຫຼື່ອຈາກ ກອງທືນຊ່ວຍເຫຼື່ອສັງຄົມ ສະພາແຫ່ງຊາດ, ນັກທຸລະກິດເມືອງ ຈັນທະບູລີ, ນະຄອນຫຼວງວຽງຈັນ ໄປມອບໃຫ້ ໂຮງຮຽນຊົນເຜົ່າ ແລະ ໂຮງຮຽນ ມສ ເມືອງ ນາແລ, ແຂວງຫຼວງນໍ້າທາ ລວມມູນຄ່າ 150,000,000 ກີບ.
ພ້ອມນັ້ນຍັງໄດ້ປະກອບຄຳເຫັນແລກປ່ຽນຕໍ່ບົດລາຍງານດັ່ງກ່າວ ເພື່ອໃຫ້ມີເນື້ອໃນຄົບຖ້ວນ, ຮັດກຸມ ແລະ ສົມບຸນຂຶ້ນກວ່າເກົ່າຕຳນິສົ່ງຂ່າວ ພ້ອມທັງຕໍານິສົ່ງຂ່າວ, ກໍ່ສ້າງເຊິ່ງກັນ ແລະ ກັນ ພາຍໃນໜ່ວຍພັກ.
ໂອກາດດັ່ງກ່າວນັ້ນຍັງໄດ້ຮັບຟັງການປາຖະກະຖາວັນຊາດ 2 ທັນວາ ຄົບຮອບ 49ປີ ( 2 ທັນວາ 1975- 2 ທັນວາ 2024) ປາຖະກະຖາໂດຍທ່ານ ຄຳພອນ ເຕີ່ນຈະເລີນ ຄະນະປະຈຳສະພາປະຊາຊົນແຂວງ ປະທານຄະນະກຳມະການເສດຖະກິດ, ແຜນການ ແລະ ການເງີນ ເຊິ່ງໄດ້ຍົກໃຫ້ເຫັນປະຫວັດຄວາມເປັນມາ ການກໍາເນີດເຕີບໃຫຍ່ຂະຫຍາຍຕົວ ຄວາມໝາຍ-ຄວາມມສໍາຄັນຂອງຂອງວັນຊາດທີ 2 ທັນວາໂດຍແມ່ນພັກປະຊາຊົນປະຕິວັດລາວເປັນຜູ້ຈັດຕັ້ງນໍາພາຜົນສໍາເລັດແຫ່ງການຊີ້ນໍາ-ນໍາພາ ຂອງພັກປະຊາຊົນປະຕິວັດລາວ ໃນໄລຍະຕໍ່ສູ້ປົດປ່ອຍຊາດ ສາມາຍາດໄດ້ໄຊຊະນະອັນໃຫຍ່ຫຼວງມາສູ່ປະຊາຊົນລາວບັນດາເຜົ່າ ໂດຍຜ່ານການຕໍ່ສູ້ກັບຈັກກະພັດຜູ້ຮຸກຮານຢ່າງດຸເດືອດຂ້ຽວຂາດ ແລະ ຫຍຸ້ງຍາກສັບສົນ ຈົນສາມາດຍາດໄດ້ໄຊຊະນະເປັນກ້າວໆມາແລະໄດ້ຮັບໄຊຊະນະຢ່າງສົມບູນ ປົດປ່ອຍປະເທດຊາດໄດ້ຢ່າງມີໄຊ ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975 ນັບແຕ່ນັ້ນມາ ປະເທດຊາດຂອງພວກເຮົາໄດ້ມີຄວາມເປັນເອກະລາດຢ່າງສົມບູນ ປະຊາຊົນບັນດາເຜົ່າ ໄດ້ເປັນເຈົ້າຂອງປະເທດຊາດຢ່າງແທ້ຈິງ, ພາຍໃຕ້ການຊີ້ນໍາ – ນໍາພາ ອັນສະຫຼາດສ່ອງໃສຂອງພັກປະຊາຊົນ ປະຕິວັດລາວ ເຮັດໃຫ້ປະເທດຊາດມີຄວາມໝັ້ນຄົງສີວິໄລ ຈາກນັ້ນພັກໄດ້ນຳພາປະຕິບັດ 2 ໜ້າທີ່ຍຸດທະສາດ ກໍ່ຄືໄລຍະປົກປັກຮັກສາ ແລະ ສ້າງສາພັດທະນາປະເທດຊາດ ເຮັດໃຫ້ປະເທດຊາດມີຄວາມສະຫງົບສຸກ ມີສະຖຽນລະພາບ ທາງດ້ານການເມືອງໜັກແໜ້ນ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງ, ຊີວິດການເປັນຢູ່ຂອງປະຊາຊົນບັນດາເຜົ່າ ໄດ້ຮັບການປັບປຸງດີຂຶ້ນເປັນກ້າວໆ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 104 ປີ, ທ່ານໄດ້ຍົກໃຫ້ເຫັນຊີວິດ ແລະ ການເຄື່ອນໄຫວປະຕິວັດ ຜົນງານ ຄຸນງາມຄວາມດີ ຂອງປະທານ ໄກສອນ ພົມວິຫານ ແມ່ນນັກປະຕິວັດ ຜູ້ທີ່ມີຄວາມປີຊາສາມາດສະຫຼາດຫຼັກແຫຼມມີໄຫວພິບ, ມີນໍ້າໃຈ ຕໍ່ສູ້ເດັດດ່ຽວໜຽ່ວແໜ້ນ ເປັນຜູ້ນໍາທີ່ແສນເຄົາລົບຮັກຂອງພັກ-ລັດ ທົ່ວກອງທັບ ແລະ ທົ່ວປົວງຊົນລາວທັງຊາດ ແລະ ເປັນວິລະບຸລຸດຂອງຊາດລາວເຮົາ ຈົ່ງພ້ອມກັນເສີມຂະຫຍາຍ ແລະ ສືບທອດມໍລະດົກອັນລໍ້າຄ່າ ຂອງປະທານ ໄກສອນ ພົມວິຫານ ທີ່ໄດ້ສ້າງໄວ້.
ການປາຖະກະຖາໃນຄັ້ງນີ້ ເພື່ອເປັນການເສີມຂະຫຍາຍທາດແທ້ມູນເຊື້ອ ອັ່ນສະຫງ່າລາສີ ແລະ ວິລະກໍາອັນລໍາເລີດຂອງພັກ ແນ່ໃສສຶກສາອົບຮົມການເມືອງນໍາພາ-ແນວຄິດ ໃຫ້ພະນັກງານ,ສະມາຊິກພັກ ເຝິກຝົນຫຼໍ່ຫຼອມຕົນເອງ ຫັນເອົາມູນເຊື້ອການນໍາພາຂອງພັກ ເຂົ້າໃນວຽກງານຕົວຈິງ ປັບປຸງໃຫ້ມີແນວຄິດ ແລະ ແບບແຜນດໍາລົງຊີວິດທີ່ດີ.
ໂດຍ ນາງ ອຳພອນ ສີປະເສີດ