ຕອນບ່າຍຂອງວັນພະຫັດ, ວັນທີ 22 ມິຖຸນາ 2023 ຢູ່ທີ່ຫ້ອງປະຊຸມສະພາປະຊາຊົນແຂວງ, ໜ່ວຍພັກສະພາປະຊາຊົນແຂວງ ໄດ້ເປີກອງປະຊຸມສະຫຼຸບການເຄື່ອນໄຫວວຽກງານປະຈໍາ 6 ເດືອນຕົ້ນປີ 2023, ໂດຍການເປັນປະທານຂອງສະຫາຍ ທອງຄານ ວັດສະດາກອນ ເລຂາໜ່ວຍພັກສະພາປະຊາຊົນແຂວງ, ໂດຍມີສະຫາຍ ຄໍາດີ ວົງລ້ອມ ຮອງເລຂາພັກແຂວງ, ປະທານສະພາປະຊາຊົນແຂວງ, ມີຄະນະໜ່ວຍພັກ, ສະມາຊິກພັກສົມບູນ ແລະ ສະມາຊິກພັກສໍາຮອງ ພາຍໃນໜ່ວຍພັກສະພາປະຊາຊົນແຂວງເຂົ້າຮ່ວມຢ່າງພ້ອມພຽງ.
ກອງປະຊຸມ, ໄດ້ຮັບຟັງການຜ່ານຮ່າງບົດສະຫຼຸບການເຄື່ອນໄຫວນໍາພາ-ຊີ້ນໍາ ຂອງຄະນະໜ່ວຍພັກສະພາປະຊາຊົນແຂວງ ປະຈໍາ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2023, ເຊິ່ງສະເໜີໂດຍສະຫາຍ ນ. ວັນສີ ພວງມະໄລ ຮອງເລຂາໜ່ວຍພັກສະພາປະຊາຊົນແຂວງ. ຫຼັງຈາກນັ້ນ, ບັນດາສະຫາຍສະມາຊິກພັກ ໄດ້ຕໍານິສົ່ງຂ່າວເຊິ່ງກັນ ແລະ ກັນ, ປະກອບຄໍາຄິດຄໍາເຫັນຕໍ່ບັນດາເນື້ອໃນຂອງຮ່າງບົດສະຫຼຸບດັ່ງກ່າວຢ່າງກົງໄປກົງມາ, ເພື່ອຕີລາຄາຄືນໃນການນໍາພາ-ຊີ້ນໍາ ຂອງຄະນະໜ່ວຍພັກສະພາປະຊາຊົນແຂວງຜ່ານມາ, ເຫັນໄດ້ດ້ານດີຜົນງານ, ຂໍ້ຄົງຄ້າງ ແລະ ເພື່ອເປັນການຊອກຫາວິທີທາງແກ້ໄຂໃນຕໍ່ໜນ້າດີຂຶ້ນກວ່າເກົ່າ, ພ້ອມທັງສືບຕໍ່ຈັດຕັ້ງຜັນຂະຫຍາຍທິດທາງແຜນການ 6 ເດືອນທ້າຍປີ 2023 ເຂົ້າສູ່ລົງເລິກ ແລະ ເປັນລະບຽບກວ່າເກົ່າ.
ໂອກາດດັ່ງກ່າວ, ສະຫາຍ ທອງຄານ ວັດສະດາກອນ ເລຂາໜ່ວຍພັກສະພາປະຊາຊົນແຂວງ ຍັງໄດ້ເຊື່ອມຊຶມມະຕິກອງປະຊຸມວິສາມັນຄົບຄະນະບໍລິຫານງານພັກແຂວງ ເປີດກວ້າງສະໄໝທີ IX, ມູນເຊື້ອຂອງພັກ ແລະ ມູນເຊື້ອຂອງອົງຄະນະພັກແຂວງອຸດົມໄຊ ຕື່ມອີກ.
ພາບ/ຂ່າວ: ນັກຂ່າວ ສພຂ.