(ສພຂ)  ກອງປະຊຸມປະເມີນຜົນການຈັດຕັ້ງປະຕິບັດລັດຖະທໍາມະນູນປີ 2015 ຂຶ້ນໃນຕອເຊົ້າຂອງວັນທີ 23 ກໍລະກົດ 2024 ນີ້ ທີ່ສະໂມສອນໃຫຍ່ແຂວງໄຊຍະບູລີ ໂດຍໃຫ້ກຽດເປັນປະທານຂອງທ່ານ ພົນໂທ ສຸວອນ ເລືອງບຸນມີ ກໍາມະການສູນກາງພັກ ຮອງປະທານສະພາແຫ່ງຊາດ, ເປັນກຽດເຂົ້າຮ່ວມຂອງທ່ານ ພົງສະຫວັນ ສິດທະວົງ ກໍາມະການສູນກາງພັກ ເລຂາພັກແຂວງ ເຈົ້າແຂວງໄຊຍະບູລີ , ມີບັນດາກໍາມະການປະຈໍາພັກແຂວງ, ກໍາມະການພັກແຂວງ, ອາດິດການນໍາຂອງແຂວງ, ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 7 , ສະມາຊິກສະພາປະຊາຊົນແຂວງ, ຕາງໜ້າອົງການຈັດຕັ້ງພັກ-ລັດ ອົງການຈັດຕັ້ງແນວລາວສ້າງຊາດ, ອົງການຈັດຕັ້ງມະຫາຊົນເຂົ້າຮ່ວມ.ປະທານກອງປະຊຸມທ່ານ ພົນໂທ ສຸວອນ ເລືອງບຸນມີ ກໍາມະການສູນກາງພັກ ຮອງປະທານສະພາແຫ່ງຊາດໄດ້ກ່າວໄຂກອງປະຊຸມຢ່າງເປັນທາງການ. ຈາກນັ້ນ ທ່ານ ເພັງນິລັນ ຄໍາພັນເພັງ ຮອງເລຂາພັກແຂວງ ປະທານຄະນະສະມາຊິກສະພາແຫ່ງຊາດເຂດ 7 ປະທານສະພາປະຊາຊົນແຂວງໄດ້ຂຶ້ນສະເໜີບົດປະເມີນການຈັດຕັ້ງປະຕິບັດລັດຖະທໍາມະນູນສະບັບປີ 2015 ເຊິ່ງບາງຕອນທ່ານກ່າວວ່າ: ພາຍຫຼັງປະເທດຊາດ ໄດ້ຮັບການປົດປ່ອຍ ແລະ ໄດ້ສ້າງຕັັ້ງເປັນປະເທດສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ ປີ 1975 ອັນໄດ້ໄຂສັງກາດໃໝ່, ສັງກາດທີື່ປະເທດຊາດມີເອກະລາດ ແລະ ປະຊາຊົນບັນດາເຜົ່າໄດ້ມີອິດສະຫຼະພາບຢ່າງແທ້ຈິງ, ຊີວິດຂອງສັງຄົມ ໄດ້ຮຽກຮ້ອງໃຫ້ລັດຕ້ອງມີລັດຖະທໍາມະນູນ ແລະ ລັດຖະທໍາມະນູນ ແຫ່ງ ສປປ ລາວ ສະບັບທໍາອິດຈິື່ງໄດ້ຖືກສ້າງຂຶ້ນ ໂດຍແມ່ນກອງປະຊຸມສະໄໝສາມັນ ຄັ້ງທີ 6 ຂອງສະພາປະຊາຊົນສູງສຸດ ຊຸດທີ II ພິຈາລະນາຮັບຮອງເອົາໃນວັນທີ 14 ສິງຫາ 1991 ແລະ ປະກາດໃຊ້ໃນວັນທີ 15 ສິງຫາ 1991 ຕາມລັດຖະດໍາລັດ ຂອງປະທານປະເທດສະບັບເລກທີ 55/ປທປທ, ລົງວັນທີ 15 ສິງຫາ 1991 ເນື້ອໃນລັດຖະທໍາມະນູນ ສະບັບນີ້ ປະກອບມີ 10 ໝວດ ແລະ 80 ມາດຕາ ໂດຍໄດ້ກໍານົດລະບອບການເມືອງ ລະບອບເສດຖະກິດ ແລະ ສັງຄົມ, ສິດ ແລະ ພັນທະພື້ນຖານຂອງພົນລະເມືອງ; ສະພາແຫ່ງຊາດ; ປະທານປະເທດ; ລັດຖະບານ; ການປົກຄອງທ້ອງຖິ່ນ; ອົງການຕຸລາການ; ພາສາ, ອັກສອນ, ເຄືື່ອງໝາຍຊາດ, ທຸງຊາດ, ເພງຊາດ ແລະ ນະຄອນຫຼວງ ຊຶື່ງໄດ້ຮັບການຈັດຕັັ້ງປະຕິບັດ ແລະ ຜັນຂະຫຍາຍອອກເປັນກົດໝາຍແຕ່ລະຂົງເຂດວຽກງານ ແລະ ເປັນຂີດໝາຍປະຫວັດສາດໃນການສ້າງລັດ ທີ່ປົກຄອງດ້ວຍກົດໝາຍ ຢູ່ໃນປະເທດເຮົາ ເຮັດໃຫ້ການປົກປັກຮັກສາ ແລະ ສ້າງສາປະເທດຊາດ ໄດ້ດໍາເນີນຢ່າງຕໍ່ເນືື່ອງ. ຜ່ານການຈັດຕັັ້ງປະຕິບັດລັດຖະທໍາມະນູນ ສະບັບປີ 1991 ມາເປັນເວລາ 12 ປີ ເຫັນວ່າ ພວກເຮົາ ມີ ຄວາມຈໍາເປັນຕ້ອງໄດ້ມີການປັບປຸງເພືື່ອຕອບສະໜອງກັບຄວາມຮຽກຮ້ອງຕ້ອງການໃນການຈັດຕັັ້ງປະຕິບັດ ນະໂຍບາຍປ່ຽນແປງໃໝ່ ໃຫ້ເຂົ້າສູ່ລວງເລິກ. ສະນັັ້ນ, ໃນປີ 2003 ກອງປະຊຸມສະໄໝສາມັນ ເທືື່ອທີ 3 ຂອງ ສະພາແຫ່ງຊາດ ຊຸດທີV, ໄດ້ພິຈາລະນາ ຮັບຮອງເອົາລັດຖະທໍາມະນູນສະບັບປັບປຸງ ຊຶື່ງປະກອບມີ 11 ໝວດ ແລະ 98 ມາດຕາ ເພິ່ມຂຶ້ນ 1 ໝວດ ຄື: ໝວດທີ 3 ການປ້ອງກັນຊາດ-ປ້ອງກັນຄວາມສະຫງົບ ແລະ ເພີື່ມຂຶ້ນ 18 ມາດຕາ ໂດຍສະເພາະແມ່ນ ໃນໝວດທີ 2 ລະບອບເສດຖະກິດ ແລະ ສັງຄົມ ເພິ່ມຂຶ້ນ 10 ມາດຕາ. ການປັບປຸງລັດຖະທໍາມະນູນ ປີ 2015 ເພືື່ອເປັນການປັບປຸງລະບົບອໍານາດແຫ່ງລັດ ໃຫ້ມີປະສິດທິພາບສູງ, ສ້າງບາດລ້ຽວໃໝ່ ໃຫ້ແກ່ການປົກປັກ ຮັກສາ ແລະ ສ້າງສາປະເທດຊາດ, ການເຊືື່ອມໂຍງເສດຖະກິດກັບພາກພື້ນ ແລະ ສາກົນໃນໄລຍະໃໝ່ ຈິື່ງໄດ້ປັບປຸງ ລັດຖະທໍາມະນູນ ສະບັບປີ 2003 ໃນປີ 2015, ຊຶື່ງເປັນການປັບປຸງຄັັ້ງທີ 2 ແລະ ໄດ້ຖືກຮັບຮອງຈາກກອງປະຊຸມ ສະໄໝສາມັນ ເທືື່ອທີ 10 ຂອງສະພາແຫ່ງຊາດ ຊຸດທີVII, ຊຶື່ງປະກອບມີ14 ໝວດ ແລະ 119 ມາດຕາ. ເພີື່ມ ຂຶ້ນ 3 ໝວດ ຄື: ໝວດທີ 8 ສະພາປະຊາຊົນທ້ອງຖິ່ນ, ໝວດທີ 11 ການກວດສອບແຫ່ງລັດ ແລະ ໝວດທີ 12 ຄະນະກໍາມະການເລືອກຕັັ້ງ ແລະ 21 ມາດຕາ. ການສ້າງ, ປະກາດໃຊ້ແລະ ປັບປຸງລັດຖະທໍາມະນູນ ສອງຄັັ້ງທີື່ຜ່ານມາ ເຮັດໃຫ້ນິຕິກໍາສູງສຸດຂອງປະເທດ ເຮົາມີຄວາມຖືກຕ້ອງ, ສອດຄ່ອງກັບສະພາບການຕົວຈິງໃນແຕ່ລະໄລຍະ, ກາຍເປັນພາຫະນະພື້ນຖານໃນການຄຸ້ມ ຄອງລັດ, ຄຸ້ມຄອງເສດຖະກິດ-ສັງຄົມດ້ວຍກົດໝາຍ ໃຫ້ດີຂຶ້ນ, ສ້າງເງືື່ອນໄຂພື້ນຖານໃຫ້ແກ່ການສ້າງລັດເຮົາໃຫ້ ເປັນລັດທີ່ປົກຄອງດ້ວຍກົດໝາຍ ຂອງປະຊາຊົນ, ໂດຍປະຊາຊົນ ແລະ ເພືື່ອປະຊາຊົນເທືື່ອລະກ້າວ ແລະ ຕີລາຄາການຈັດຕັັ້ງປະຕິບັດລັດຖະທໍາມະນູນ ສະບັບປີ 2015 ລັດເຮົາໄດ້ສືບຕໍ່ການຜັນຂະຫຍາຍລັດຖະທໍາມະນູນ ສະບັບປີ 2015 ເປັນກົດໝາຍ ໃນຂົງເຂດຕ່າງໆ ຊຶື່ງ ມີຈໍານວນ 139 ສະບັບ, ໃນນີ້ຂົງເຂດເສດຖະກິດ 61 ສະບັບ, ຂົງເຂດວັດທະນະທໍາ-ສັງຄົມ 36 ສະບັບ, ຂົງເຂດ ການປົກຄອງ ແລະ ຍຸຕິທໍາ 28 ສະບັບ, ຂົງເຂດປ້ອງກັນຊາດ-ປ້ອງກັນຄວາມສະຫງົບ 9 ສະບັບ ແລະ ຂົງເຂດ ຕ່າງປະເທດ 5 ສະບັບ. ບັນດາກົດໝາຍເຫຼົ່ານັັ້ນ ໄດ້ກາຍເປັນເຄືື່ອງມືທີື່ໄດ້ການ, ໄດ້ງານໃນການຄຸ້ມຄອງລັດ, ຄຸ້ມ ຄອງເສດຖະກິດ-ສັງຄົມ ດ້ວຍກົດໝາຍ ໃຫ້ນັບມື້ເປັນລະບົບຄົບຊຸດ ຂຶ້ນເທືື່ອລະກ້າວ, ເປັນຫຼັກຄໍໍ້າປະກັນໃຫ້ແກ່ ການປະຕິບັດ ແລະ ເສີມຂະຫຍາຍສິດເປັນເຈົ້າປະເທດຊາດຂອງປະຊາຊົນລາວບັນດາເຜົ່າ ແລະ ເປັນພື້ນຖານນິຕິກໍາຄໍໍ້າປະກັນການກໍາອໍານາດຂອງພັກເຮົາ.

………………….

ຂ່າວ+ພາບ: ອິນທີ ຂຽວສີຟ້າ