(ສພຊ) ເພື່ອໃຫ້ນັກຮຽນໄດ້ຮັບຮູ້ ແລະ ມີຄວາມເຂົ້າໃຈ ກ່ຽວກັບພາລະບົດບາດ, ສິດ ແລະ ໜ້າທີ່ຂອງສະພາແຫ່ງ ຊາດ, ໃນວັນທີ 16 ກຸມພາ 2024 ທ່ານ ນາງ ສີສຸວັນ ສິງສະ ຫວ່າງ ຮອງຜູ້ອໍານວຍການໂຮງຮຽນລ້ຽງເດັກ, ອະນຸບານ-ປະ ຖົມ-ມັດທະຍົມຕອນຕົ້ນ ວັດທະນາ ໄດ້ນໍາພານັກຮຽນຊັ້ນປະຖົມ-ມັດທະຍົມ ພ້ອມດ້ວຍຄູ-ອາຈານ ຈໍານວນ 200 ກວ່າຄົນ ຈາກໂຮງຮຽນດັ່ງກ່າວ ທ່ຽວຊົມ ແລະ ທັດສະນະສຶກສາຢູ່ສະພາແຫ່ງຊາດ; ໃຫ້ການຕ້ອນຮັບການທັດສະນະສຶກສາຄັ້ງນີ້ ໂດຍທ່ານ ປອ. ພິດສະໄໝ ບຸນວິໄລ ຫົວໜ້າກົມສື່ມວນຊົນ, ຄະນະເລຂາທິການສະພາແຫ່ງຊາດ ຮ່ວມກັບຫ້ອງການຄຸ້ມຄອງຫໍສະພາແຫ່ງຊາດ ໄດ້ນໍາພາຄະນະ ຢ້ຽມຊົມຫ້ອງປະຊຸມໃຫຍ່ ແລະ ຫ້ອງມູນເຊື້ອສະພາແຫ່ງຊາດ. ໃນໂອກາດທັດສະນະສຶກສາຄັ້ງນີ້, ບັນດາຫຼານນ້ອຍນັກຮຽນ ແມ່ນມີຄວາມສົນໃຈຫຼາຍກ່ຽວກັບສະພາແຫ່ງຊາດ ເຊິ່ງສະ ແດງອອກ ໄດ້ມີການຖາມ-ຕອບຕໍ່ບັນຫາທີ່ຫຼານນ້ອຍນັກ ຮຽນໃຫ້ຄວາມສົນໃຈ.