ແຈ້ງການຂອງຄະນະເລຂາທິການສະພາແຫ່ງຊາດ
ໂດຍຕອບສະໜອງຕາມຄໍາເຊີນຂອງພະນະທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ພະນະທ່ານ ກາຣູ ຈາຍາສຸລິຍາ (HON.KARU JAYASURIYA) ປະທານລັດຖະສະພາ ແຫ່ງ ສາທາລະນະລັດ ສັງຄົມນິຍົມ ປະຊາທິປະໄຕ ສີລັງກາ ພ້ອມດ້ວຍຄະນະ ຈະເດີນທາງມາຢ້ຽມຢາມສັນຖະວະໄມຕີຢ່າງເປັນທາງການທີ່ ສປປລາວ ໃນລະຫວ່າງວັນທີ 21-24 ເມສາ 2018.
ຊີວະປະຫວັດຫຍໍ້
ພະນະທ່ານ ກາຣູ ຈາຍາສຸລິຍາ (HON. KARU JAYASURIYA
Speaker of Parliament) ປະທານລັດຖະສະພາສີລັງກາ ເກີດເມື່ອວັນທີ 29 ກັນຍາ 1940.
- ການສຶກສາ: ວິທະຍາໄລ ອານັນດາ, ໂກລົມໂບ.
- ຄຸນວຸດທິ:
- ເປັນສະມາຊິກຂັ້ນສູງ, ສະຖາບັນການຄ້າຂາຍທາງທະເລໂດຍກຳປັ່ນ, United Kingdom.
- ເປັນສະມາຊິກຂັ້ນສູງ, ສະຖາບັນ ການຂົນສົ່ງ.
- ໄດ້ຮັບການຢັ້ງຢືນ ດ້ານການບໍລິຫານທຸລະກິດ ຈາກມະຫາວິທະຍາໄລ INSEAD ປະເທດຝຣັ່ງ.
- ຕຳແໜ່ງ ທີ່ໄດ້ຮັບ:
- ປີ 1965 – 1972 ດຳລົງຕຳແໜ່ງຄະນະກຳມະການ ທາງການທະຫານຂອງ ປະເທດສີລັງກາ.
- ປະທານ ຂອງຫົວໜ່ວຍທຸລະກິດ ແລະ ລັດວິສາຫະກິດ ຈຳນວນ 52 ບໍລິສັດ.
- ປີ 1992-1994 ເອກອັກຄະລັດຖະທູດສີລັງກາ ປະຈຳປະເທດເຢຍລະມັນ, ໂອຕຼີດ ແລະ ປະເທດສະ ວິດເຊີແລນ
- ສະມາຊິກທີ່ຖືກແຕ່ງຕັ້ງຈາກ ປະທານປະເທດ ເພື່ອກວດສອບພາກທຸລະກິດເອກະຊົນ.
- ຫົວໜ້າໜ່ວຍງານ Motors ຈຳກັດ, ບໍລິສັດເອກະຊົນທຳອິດຂອງປະເທດສີລັງກາ.
- ໜ້າທີ່ທາງດ້ານອື່ນໆ ທີ່ຕິດພັນທາງດ້ານການຄ້າ ແລະ ອຸດສາຫະກຳ:
- ປະທານສະພາອຸດສາຫະກຳ ແລະ ການຄ້າ ແຫ່ງຊາດ.
- ຮອງປະທານ ສະຫະພັນສະພາ ແລະ ການຄ້າ.
- ປະທານ SAARC (south Asean association for ) Chamber of Commerce.
- ປະທານ ສະມາຄົມການຄ້າການສົ່ງອອກຢາງ ຂອງແຂວງໂກລົມໂບ.
- ປະທານ ສະມາຄົມນຳເຂົ້ານ້ຳຕານ
- ປະທານຜູ້ທຳອິດ ຂອງມະຫາກຳການຄ້າສາກົນ ປີ 92.
- ປະທານ ສູນພັດທະນາທາງດ້ານທຸລະກິດ ຂອງສີລັງກາ.
- ຕຳແໜ່ງທາງການເມືອງ:
- ປີ 1995 ເປັນປະທານພັກ United National.
- ຮອງປະທານພັກ United National
- 1997 – 1999 ເຈົ້າແຂວງ ໂກລົມໂບ .
- 1999-2001 ຫົວໜ້າພັກຝ່າຍຄ້ານ- ຄະນະກຳມະການແຂວງເຂດຕາເວັນຕົກ.
- 2001-2004 ຄະນະລັດຖະມົນຕີ ພະລັງງານ.
- 2007-2008 ຄະນະລັດຖະມົນຕີ ບໍລິຫານພາກລັດ ແລະ ວຽກງານພາຍໃນ (ຮັບຜິດຊອບດ້ານການ ແຕ່ງຕັ້ງພະນັກງານບໍລິຫານພາຍໃນແຂວງ ຕາເວັນອອກ, ພາຍໃນເວລາ 180 ວັນ ຫຼັງຈາກການ ເປີດເສລີ LTTE ປີ 2007).
- ປີ 2013 ປະທານການນຳ ຄະນະກຳມະການຂອງ UNP ແລະ ເປັນຫົວໜ້າການສ້າງຕັ້ງພັກຄືນ ໃໝ່.
- ປີ 2015 ຄະນະລັດຖະມົນຕີການບໍລິຫານພາກລັດ, ຄະນະກຳມະການຂັ້ນແຂວງ, ການປົກຄອງປະ ຊາທິປະໄຕ.
- ປີ 2015 ລັດຖະມົນຕີດ້ານສາສະໜາພຸດ.
- ເດືອນກັນຍາ 2015 ເຖິງປະຈຸບັນ ປະທານລັດຖະສະພາ ແຫ່ງ ສີລັງກາ (ປະທານລັດຖະສະພາແຫ່ງ ຊາດ ຊຸດທີ VIII ແຫ່ງ ສີລັງກາ).