ເນື່ອງໃນໂອກາດທີ່ສະພາປະຊົນແຂວງ ອັດຕະປື ເປັນເຈົ້າພາບ ພົບປະແລກປ່ຽນບົດຮຽນ ສະພາປະຊາຊົນ 4 ແຂວງພາກໃຕ້ (ສາລະວັນ,ຈໍາປາສັກ,ເຊກອງ,ອັດຕະປື). ໄດ້ຈັດງານແຂ່ງຂັນກິລາເປຕັງຊິງຂັນ ປະທານສະພາປະຊາຊົນແຂວງ ອັດຕະປື. ການແຂ່ງຂັນໄດ້ຈັດຂື້ນໃນວັນທີ 11 ພະຈິກ 2022. ທີ່ເດີ່ນເປຕັງຂອງແຂວງ. ເຂົ້າຮ່ວມມີ ການນໍາຂອງແຂວງອັດຕະປື ແລະ ຄະນະນໍາສະພາປະຊົນ 4 ແຂວງພາກໃຕ້ ພ້ອມດ້ວຍແຂກທີ່ຖືກເຊີນ, ມີທີມນັກກິລາສະພາປະຊາຊົນ 4 ແຂວງເຂົ້າຮ່ວມການແຂ່ງຂັນທັງໝົດ 28 ທີມ, ແຕ່ລະທີມປະສົມຊາຍ-ຍິງ, ແບ່ງອອກເປັນ 3 ປະເພດຄື: ປະເພດທີມຮຸ່ນອາວຸໂສມີ 12 ທີມ, ປະເພດທີມຮຸ່ນກາງ 8 ທີມ ແລະ ປະເພດທີມຮຸ່ນຊາວໜຸ່ມ 8 ທີມ.

ຜົນການແຂ່ງຂັນ ທີມອາວຸໂສ ຊະນະເລີດໄດ້ແກ່ທີມ ສະພາປະຊົນແຂວງ ຈໍາປາສັກ ໄດ້ຮັບລາງວັນຂັນ 1 ໜ່ວຍ ພ້ອມເງີນສົດ 2 ລ້ານກີບ, ຮອງຊະນະເລີດໄດ້ແກ່ແຂວງເຊກອງ ໄດ້ຮັບລາງວັນເງີນສົດ 1 ລ້ານ 5 ແສນກີບ ແລະ ທີ 3 ໄດ້ແກ່ທີມແຂວງອັດຕະປື ຮັບລາງວັນເງີນສົດ 1 ລ້ານກີບ.
ທີມຮຸ່ນກາງ ຊະນະເລີດໄດ້ແກ່ທີມ ແຂວງເຊກອງ ໄດ້ຮັບລາງວັນຂັນ 1 ໜ່ວຍ ພ້ອມເງີນສົດ 2 ລ້ານກີບ, ຮອງຊະນະເລີດໄດ້ແກ່ທີມ ແຂວງຈໍາປາສັກ ຮັບລາງວັນເງີນສົດ 1 ລ້ານ 5 ແສນກີບ ແລະ ທີ 3 ໄດ້ແກ່ທີມ ແຂວງອັດຕະປື ຮັບລາງວັນເງີນສົດ 1 ລ້ານກີບ.
ທີມຮຸ່ນຊາວໜຸ່ມ ຊະນະເລີດໄດ້ແກ່ທີມ ແຂວງຈໍາປາສັກ ໄດ້ຮັບລາງວັນຂັນ 1 ໜ່ວຍ ພ້ອມເງີນສົດ 2 ລ້ານກີບ, ຮອງຊະນະເລີດໄດ້ແກ່ທີມ ແຂວງສາລະວັນ ຮັບລາງວັນເງີນສົດ 1 ລ້ານ5 ແສນກີບ ແລະ ທີ 3 ໄດ້ແກ່ທີມ ແຂວງອັດຕະປື ຮັບລາງວັນເງີນສົດ 1 ລ້ານກີບ.
(ພາບຂ່າວ:ສພຂ​ ອັດຕະປື)