ກອງປະຊຸມເຜີຍແຜ່ເນື້ອໃນຜົນສໍາເລັດກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ອັດຕະປື ຊຸດທີ II ໄດ້ຈັດຂື້ນໃນວັນທີ 24 ຕຸລາ 2023 ນີ້. ທີ່ຫໍປະຊຸມໃຫ່ຍຂອງແຂວງ. ໂດຍການເຜີຍແຜ່ຂອງ ທ່ານ ນາງ ມີນາພອນ ໄຊສົມພູ ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ17, ປະທານສະພາປະຊາຊົນແຂວງ, ພ້ອມດ້ວຍສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 17 ສອງທ່ານ. ມີບັນດາທ່ານ ຄະນະປະຈໍາພັກແຂວງ, ກໍາມະການພັກແຂວງ, ເລຂາທິການສະພາປະຊາຊົນແຂວງ, ພະແນກການ, ອົງການທຽບເທົ່າ, ສອງກໍາລັງ ປກສ-ປກຊ ແລະ ພະນັກງານ-ລັດຖະກອນຫຼັກແຫຼ່ງອ້ອມຂ້າງແຂວງເຂົ້າຮ່ວມ 300 ກວ່າທ່ານ.
ກອງປະຊຸມບັນດາທ່ານ ສະມາຊິກສະພາແຫ່ງຊາດ ປະຈໍເຂດເລືອກຕັ້ງທີ 17 ແຂວງອັດຕະປື ໄດ້ຜັດປ່ຽນກັນເຜີຍແຜ່ເນື້ອໃນຜົນສຳເລັດກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ອັດຕະປື ຊຸດທີ II ເປັນຕົ້ນ: ເນື້ອໃນມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2023; ເຊິ່ງໃນນັ້ນກອງປະຊຸມສະພາແຫ່ງຊາດໄດ້ສະເໜີໃຫ້ລັດຖະບານ ເພີ່ມທະວີຄວາມເອົາໃຈໃສ່ໃນແກ້ໄຂບັນຫາທີ່ສັງຄົມເປັນຫ່ວງເຊັ່ນ: ການແກ້ໄຂບັນຫາເງິນເຟີ້, ອັດຕາແລກ ປ່ຽນເໜັງຕີງແຮງ, ຄ່າຄອງຊີບສູງຂື້ນ ເຊິ່ງສົ່ງຜົນກະທົບໂດຍກົງຕໍ່ຊີວີດການເປັນຢູ່ຂອງພະນັກງານ, ທະຫານ, ຕໍາຫຼວດ ກໍຄືປະຊາຊົນບັນດາເຜົ່າ; ແກ້ໄຂບັນຫາການຈັດສັນການລົງທຶນຂອງລັດໃຫ້ທັນເວລາ; ການແກ້ໄຂບັນຫາຂອງຄູ, ແພດອາສາສະໝັກ, ບັນຫາຄຸນນະພາບການສຶກສາ, ສາທາລະນະສຸກ, ບັນຫາສະຫວັດດີການສັງຄົມ, ບັນຫາແຮງງານ, ບັນຫາການຂຸດຄົ້ນແຮ່ທາດແບບທົດລອງ ແລະ ອື່ນໆ; ທັງໝົດນີ້ແມ່ນສືບຕໍ່ຈະຕ້ອງສຸມໃສ່ປັບປຸງ, ແກ້ໄຂບັນ ຫາຄວາມຫຍຸ້ງຍາກທາງດ້ານເສດຖະກິດ-ການເງິນ ທີ່ເປັນບັນຫາເຄັ່ງຮ້ອນໃນປັດຈຸບັນໃຫ້ກັບຄືນສູ່ສະພາບປົກກະ ຕິໂດຍໄວ. ແລະ ເນື້ອໃນມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດ, ບົດລາຍງານ ກ່ຽວກັບຍຸດທະສາດການພັດ ທະນາແຮ່ທາດ 10 ປີ (2021-2030) ແລະ ວິໄສທັດຮອດປີ 2040, ບົດລາຍງານ ກ່ຽວກັບຍຸດທະສາດການຄຸ້ມຄອງນໍ້າ ແລະ ຊັບພະຍາກອນນໍ້າແຫ່ງຊາດ ຮອດປີ 2030, ບົດລາຍງານ ກ່ຽວກັບການຈັດຕັ້ງປະຕິບັດຍຸດທະສາດການປົກປ້ອງສັງຄົມແຫ່ງຊາດ, ບົດລາຍງານການປະເມີນຜົນ ການຈັດຕັ້ງປະຕິບັດກົດໝາຍ ຂົງເຂດຍຸຕິທຳ 4 ສະບັບ ຄື: ກົດໝາຍວ່າດ້ວຍ ສານປະຊາຊົນ, ກົດໝາຍວ່າດ້ວຍ ການດໍາເນີນຄະ ດີແພ່ງ, ກົດໝາຍວ່າດ້ວຍ ອົງການໄອຍະການປະຊາຊົນ ແລະ ກົດໝາຍວ່າດ້ວຍ ການດໍາເນີນຄະດີອາຍາ, ຮັບຮອງເອົາການສ້າງ ແລະ ປັບປຸງກົດໝາຍ ຈໍານວນ 10 ສະບັບ; ໃນນັ້ນມີກົດໝາຍສ້າງໃໝ່ 4 ສະບັບ ຄື:ກົດໝາຍວ່າດ້ວຍ ວຽກງານສາທາລະນະສຸກ, ກົດໝາຍວ່າດ້ວຍ ການຈັດຫາງານ, ກົດໝາຍວ່າດ້ວຍ ອາກອນທີ່ດິນ, ກົດໝາຍວ່າດ້ວຍ ເຍົາວະຊົນລາວ ແລະ ກົດໝາຍສະບບັປບັປຸງຈາໍນວນ 6 ສະບັບ ຄື:ກົດໝາຍວ່າດ້ວຍ ທະນາຄານທຸລະກິດ, ກົດໝາຍວ່າດ້ວຍ ສັດນໍ້າ ແລະ ການປະມົງ, ກົດໝາຍວ່າດ້ວຍ ສັດປ່າ, ກົດໝາຍວ່າດ້ວຍ ການພິມຈາໍໜ່າຍ, ກົດໝາຍວ່າດ້ວຍ ການປົກປ້ອງສິດ ແລະ ຜົນປະໂຫຍດຂອງເດັກ ແລະ ກົດໝາຍວ່າດ້ວຍ ສານທະຫານ ແລະ ເຜີຍເນື້ອໃນມະຕິກອງປະຊຸມຂອງສະພາປະຊາຊົນແຂວງໃຫ້ຮັບຮູ້ຕື່ມອີກ, ຕອນທ້າຍ, ຜູ້ເຂົ້າຮ່ວມກອງປະຊຸມ ຍັງໄດ້ສົນທະນາແລກປ່ຽນປະກອບຄຳຄິດຄຳເຫັນ ຂໍ້ຄົງຄ້າງ ແລະ ສິ່ງທ້າທາຍໃນການຈັດຕັ້ງປະຕິບັດວຽກງານທີ່ພົວພັນເຖິງການຄຸ້ມຄອງລັດ,ຄຸ້ມຄອງເສດຖະກິດ-ສັງຄົມ.
(ພາບ-ຂ່າວ:ສພຂ ອັດຕະປື)