ຕອນເຊົ້າວັນທີ 1 ທັນວາ 2023, ຢູ່ທີ່ຫ້ອງປະຊຸມສະພາປະຊົນແຂວງ ກໍາມະບານຮາກຖານ ສະພາປະຊົນແຂວງ ໄດ້ເປີດຂະບວນການແຂ່ງຂັນ 5 ເປັນເຈົ້າ ປະຈຳປີ 2023 ໂດຍການເປັນປະທານຂອງສະຫາຍ ທະນາກອນ ເຍມະນີ ຮອງປະທານກຳມະບານຮາກຖານ ສະພາປະຊາຊົນແຂວງ, ເປັນກຽດເຂົ້າຮ່ວມພິທີມີສະຫາຍ ນ. ຄໍາພອນ ພິມມະຈັນ ຄະນະບໍລິຫານງານສະຫະພັນກໍາມະບານແຂວງ; ຮອງປະທານສະພາປະຊາຊົນແຂວງ, ມີສະຫາຍ ນ. ວັນສີ ພວງມະໄລ ຮອງເລຂາໜ່ວຍພັກ; ເລຂາທິການສະພາປະຊາຊົນແຂວງ, ບັນດາແຂກເຊີນຈາກພະແນກການ, ອົງການອ້ອມຂ້າງ, ຕະຫລອດຮອດສະມາຊິກກຳມະບານພາຍໃນກໍາມະບານຮາກຖານສະພາປະຊາຊົນແຂວງເຂົ້າຮ່ວມຢ່າງພ້ອມພຽງ.

  ໃນພິທີໄດ້ຜ່ານບົດສະຫຼຸບຕີລາຄາການຈັດຕັ້ງປະຕິບັດການເຄື່ອນໄຫວວຽກງານຂະບວນການແຂ່ງຂັນ 5 ເປັນເຈົ້າ ຂອງກຳມະບານຮາກຖານ ສະພາປະຊາຊົນແຂວງ ປະຈໍາປີ 2023 ແລະ ທິດທາງແຜນການ 2024, ບົດສະຫລຸບໄດ້ຕີລາຄາສູງຕໍ່ຜົນງານການເຄື່ອນໄຫວຊີ້ນຳ-ນຳພາ ຂອງຄະນະ ກຳມະບານໃນໄລຍະຜ່ານມາ ເຊິ່ງສະມາຊິກພາຍໃນໜ່ອຍ ມີຄວາມຫ້າວຫັນໃນການຈັດຕັ້ງປະຕິບັດໜ້າທີ່ວຽກງານ, ກໍາແໜ້ນທາງດ້ານການເມືອງ-ແນວຄິດ, ມີຫຼັກໝັ້ນຕໍ່ການຊີ້ນຳ-ນຳພາ ແລະ ມີຄຄວາມຕື່ນຕົວໃນການຈັດຕັ້ງປະຕິບັດວຽກງານວິຊາສະເພາະ ເຮັດໃຫ້ການຈັດຕັ້ງປະຕິບັດວຽກງານໄດ້ຮັບໝາກຜົນຕາມລະດັບຄາດໝາຍແລະ ບັນລຸຕາມແຜນການທີ່ວາງໄວ້.  ຕໍ່ກັບຜົນງານອັນພົ້ນເດັ່ນດັ່ງກ່າວ ສະຫະພັນກຳມະບານແຂວງ ໄດ້ມອບໃບຢັ້ງຢືນ 5 ເປັນເຈົ້າ ໃຫ້ກຳມະບານຮາກຖານສະພາປະຊາຊົນແຂວງ ໃຫ້ກຽດມອບໂດຍສະຫາຍ ນ. ຄໍາພອນ ພິມມະຈັນ ຄະນະບໍລິຫານງານສະຫະພັນກໍາມະບານແຂວງ; ຮອງປະທານສະພາປະຊາຊົນແຂວງ ແລະ ຮັບໂດຍ ຄະນະກຳມະບານ. ພ້ອມນັ້ນ, ໄດ້ຈັບມືຮ່ວມກັນສືບຕໍ່ຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າໃນປີ 2024 ແລະ ໄດ້ຮັບຟັງການໂອ້ລົມຈາກສະຫາຍ ນ. ຄໍາພອນ ພິມມະຈັນ ຄະນະບໍລິຫານງານສະຫະພັນກໍາມະບານແຂວງ; ຮອງປະທານສະພາປະຊາຊົນແຂວງ ຕື່ມອີກ.