(ສພຊ) – ເພື່ອປູກຈິດສຳນຶກໃຫ້ເຍົາວະຊົນທັນວາ ໄດ້ຮູ້ເຖິງມູນເຊື້ອ, ປະຫວັດ ແລະ ຜົນງານການເຄື່ອນໄຫວຂອງທ່ານຜູ້ນຳທີ່ແສນເຄົາລົບຮັກ, ຮຽນຮູ້ແບບຢ່າງທີ່ດີເພື່ອກາຍເປັນຜູ້ສືບທອດຂອງພັກຂອງຊາດໃນອະນາຄົດ ທັງເປັນການສ້າງໃຫ້ນັກຮຽນໄດ້ຮັບຮູ້ ແລະ ມີຄວາມເຂົ້າ ໃຈກ່ຽວກັບພາລະບົດບາດ, ສິດ ແລະ ໜ້າທີ່ຂອງສະພາແຫ່ງຊາດ (ສພຊ); ຕອນບ່າຍວັນສຸກທີ 24 ມັງກອນ 2025 ຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ໄດ້ນຳພາເຍົາວະຊົນທັນວາ ແຂວງຫຼວງພະບາງ ຈຳນວນ 33 ນ້ອງ ທີ່ມາທັດສະນະສຶກສາ ແລະ ແລກ ປ່ຽນບົດຮຽນວຽກງານເຍົາວະຊົນຢູ່ນະຄອນຫຼວງວຽງຈັນ ມາທ່ຽວຊົມ ແລະ ທັດສະນະສຶກສາຢູ່ສະພາແຫ່ງຊາດ ໂດຍກົມສື່ມວນຊົນ ຮ່ວມກັບຫ້ອງການຄຸ້ມຄອງຫໍສະພາແຫ່ງຊາດ ໃຫ້ການຕ້ອນຮັບ ແລະ ນໍາພາຄະນະຢ້ຽມຊົມຫ້ອງປະຊຸມໃຫຍ່ ແລະ ຫ້ອງມູນເຊື້ອສະພາແຫ່ງຊາດ.

(ສອນສັກ ວັນວິໄຊ)