ສະພາປະຊາຊົນແຂວງ ເຂົ້າຮ່ວມສ້າງຂະບວນການອອກແຮງງານ

ເພື່ອຂໍ່ານັບຮັບຕ້ອນວັນແມ່ຍິງສາກົນ ຄົບຮອບ 112 ປີ (8 ມີນາ 1910 – 8 ມີນາ 2022)

ໂດຍອີງຕາມແຈ້ງການຂອງຫ້ອງວ່າການແຂວງ ສະບັບເລກທີ 228/ຫວຂ.ບກ, ລົງວັນທີ 01 ມີນາ 2022 ກ່ຽວກັບການເຂົ້າຮ່ວມສ້າງຂະບວນການອອກແຮງງານອະນາໄມລວມຢູ່ສວນສາທາລະນະຮ່ວມໃຈພັດທະນາແຂວງ ບໍ່ແກ້ວ. ຕອນເຊົ້າຂອງວັນທີ 4 ມີນາ 2022 ສະມາຊິກພັກ, ພະນັກງານ-ລັດຖະກອນ ສະພາປະຊາຊົນແຂວງ ໄດ້ເຂົ້າຮ່ວມສ້າງຂະບວນການອອກແຮງງານລວມ ເປັນຕົ້ນ: ຕັດຫຍ້າ, ຕົບແຕ່ງໜານດອກໄມ້, ອະນາໄມ ຢູ່ສວນສາທາລະນະຮ່ວມໃຈພັດທະນາແຂວງບໍ່ແກ້ວ ເພື່ອຂໍ່ານັບຮັບຕ້ອນວັນແມ່ຍິງສາກົນ ຄົບຮອບ 112 ປີ (8 ມີນາ 1910 – 8 ມີນາ 2022).

ຈາກນັ້ນ, ສືບຕໍ່ສ້າງຂະບວນການອອກແຮງງານຢູ່ສໍານັກງານຂອງສະພາປະຊາຊົນແຂວງບໍ່ແກ້ວ ເປັນຕົ້ນ: ຕັດຫຍ້າ, ອະນາໄມທາງນອກ-ໃນ ແລະ ບັນດາຫ້ອງເຮັດວຽກຂອງຄະນະນໍາ ແລະ ພະນັກງານ-ລັດຖະກອນ ຢ່າງເປັນຂະບວນຟົດຟື້ນ.