ໃນວັນທີ 27 ຕຸລາ 2022, ທ່ານ ນາງ ລຳພອຍ ສີອັກຄະຈັນ ຄະນະປະຈຳພັກ ນວ, ຮອງປະທານສະພາປະຊາຊົນ ນວ ຕາງໜ້າໃຫ້ການນຳ ນະຄອນຫຼວງວຽງຈັນ ໄດ້ເຂົ້າຮ່ວມເປັນປະທານກ່າວຄຳເຫັນເປີດງານແຂ່ງຂັນກິລາຕໍ່ໝາກແລ້ ຊິງຂັນເຈົ້າຄອງ ນວ ແລະ ງານຕະຫຼາດນັດພື້ນເມືອງລາວ ເຊິ່ງຈະໄດ້ຈັດຂຶ້ນໃນລະຫວ່າງວັນທີ 27-29 ຕຸລາ 2022.       ໃນງານຄັ້ງນີ້, ແຂກທີ່ເຂົ້າຮ່ວມ ໄດ້ຮັບຟັງປະຫວັດຄວາມເປັນມາ, ຄວາມໝາຍ, ຄວາມສຳຄັນຂອງກິລາຕໍ່ໝາກແລ້ຈາກ ທ່ານ ນາງ ຄຳພອນ ພົມມະວັນ ປະທານສະຫະພັນໝາກແລ້ແຫ່ງຊາດ, ຮັບຟັງການລາຍງານການກະກຽມງານແຂ່ງຂັນກິລາດັ່ງກ່າວ ຈາກທ່ານນາງ ຫຼຽນຄຳ ວິລະພັນ ກຳມະການພັກ ນວ, ປະທານສະຫະພັນແມ່ຍິງ ນວ ທັງໄດ້ຮັບຊົມສິນລະປະວັນນະຄະດີບົດຟ້ອນລວມໝູ່ ແລະ ຮ້ອງເພງດ່ຽວ.