(ສພຊ) – ໃນວັນທີ 29 ມີນາຜ່ານມາ ທ່ານ ສົມມາດ ພົລເສນາ ຮອງປະທານສະພາແຫ່ງຊາດ ໄດ້ນໍາພາຄະນະ ເຂົ້າຮ່ວມເຊັນປຶ້ມໄວ້ອາໄລ ທີ່ສະຖານທູດສະຫະພັນລັດເຊຍ ປະຈຳ ສປປລາວ ໂດຍການຕ້ອນຮັບຂອງທ່ານ ວະລາດິເມຍ ກາລິນິນ (Vladimir Kalinin) ເອກອັກຄະລັດຖະທູດ ແຫ່ງ ສະຫະພັນລັດເຊຍ ປະຈໍາ ສປປລາວ ເຊິ່ງມີເນື້ອໃນດັ່ງນີ້:

“ໃນນາມຄະນະປະຈຳສະພາແຫ່ງຊາດ, ຄະນະມິດຕະພາບລັດຖະສະພາລາວ-ລັດເຊຍ, ສະມາຊິກສະພາແຫ່ງຊາດ ແຫ່ງ ສປປລາວ, ຂ້າພະເຈົ້າ ຂໍສະແດງຄວາມເສົ້າສະຫຼົດໃຈຢ່າງສຸດຊຶ້ງ ແລະ ແບ່ງປັນຄວາມໂສກເສົ້າ ໄປຍັງລັດ ຖະສະພາ ສະຫະພັນລັດເຊຍ ລັດຖະບານ ແລະ ປະຊາຊົນ ແຫ່ງ ສະຫະພັນລັດເຊຍ ໂດຍສະເພາະຄອບຄົວຜູ້ຖືກເຄາະຮ້າຍ ຕໍ່ເຫດການຄົນຮ້າຍໃຊ້ອາວຸດຍິງໂຈມຕີໂຮງສະແດງຄອນເສີດ ທີ່ເມືອງກຣາສະໂນໂກສກ, ເຂດຊານເມືອງມົດສະກູ ໃນວັນທີ 22 ມີນາ 2024 ອັນໄດ້ເຮັດໃຫ້ປະຊາຊົນຜູ້ບໍລິສຸດເສຍຊິວິດ ແລະ ໄດ້ຮັບບາດເຈັບເປັນຈໍານວນຫຼາຍ.”

ຂໍໃຫ້ຂອງວິນຍານຂອງຜູ້ເສຍຊິວິດໃນເຫດການດັ່ງກ່າວ ຈົ່ງໄປສູ່ສຸຂະຕິດ້ວຍເທີ້ນ.