………………………………………………………………………….

(ສພຊ) ວັນທີ 28 ກຸມພາ 2024 ທ່ານ ສຈ. ປອ. ຈະເລີນ ເຍຍປາວເຮີ ຮອງປະທານສະພາແຫ່ງຊາດ ພ້ອມດ້ວຍຄະນະ ໄດ້ລົງເຄື່ອນໄຫວເຮັດວຽກຢູ່ເມືອງນາກາຍ ແຂວງຄໍາມ່ວນ ເພື່ອຕິດຕາມໂຄງການຊ່ວຍເຫຼືອການປູກຝັງລ້ຽງສັດ ຈາກເມືອງເຮືອງເຄ ແຂວງຮ່າຕິງ ສສ.ຫວຽດນາມ.

ໃນໂອກາດນີ້, ທ່ານ ດຸກມາ ທອງວິໄຊ ຫົວໜ້າສະຖານີສູນບໍລິການເຕັກນິກກະສິກຳ-ປ່າໄມ້ ໄດ້ລາຍງານກ່ຽວກັບໂຄງການຊ່ວຍເຫຼືອດັ່ງກ່າວວ່າ: ເມືອງເຮືອງເຄ ແຂວງຮ່າຕິງ ໄດ້ຊ່ວຍເຫຼືອໂຄງການປູກໝາກກ້ຽງ ຈຳນວນ 1,5 ເຮັກ ຕາ (600 ຕົ້ນ), ໂຄງການລ້ຽງໄກ່ ຈຳນວນ 200 ໂຕ, ໂຄງການລ້ຽງງົວ ຈຳນວນ 10 ໂຕ ແລະ ໂຄງການປູກຫຍ້າ VA06 1 ເຮັກຕາ ໃຫ້ແກ່ເມືອງນາກາຍ.

ຫຼັງຈາກນັ້ນ, ທ່ານ ສຈ. ປອ. ຈະເລີນ ເຍຍປາວເຮີ ພ້ອມດ້ວຍຄະນະ ຍັງໄດ້ຢ້ຽມຢາມປະຊາຊົນທີ່ສ້າງເສດ ຖະກິດຄອບຄົວຕົວແບບຂອງເມືອງນາກາຍ.

(ພາບ ແລະ ຂ່າວ: ນາງ ກຸກກິກ ບຸດດາໄຊ)