(ສພຊ) ໃນໂອກາດເຂົ້າຮ່ວມ ແລະ ເປັນປະທານກອງປະຊຸມເຝິກອົບຮົມການຍົກສູງຂີດຄວາມສາມາດໃຫ້ແກ່ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ 3 ແຂວງຄື: ຄໍາມ່ວນ, ສະຫວັນນະເຂດ ແລະ ສາລະວັນ ກ່ຽວກັບການຕິດຕາມກວດກາຂົງເຂດວຽກງານຍຸຕິທໍາ, ການຕິດຕາມກວດກາການປະເມີນການຈັດຕັ້ງປະຕິບັດກົດໝາຍ ແລະ ການຕິດຕາມກວດກາວຽກງານຂອງອົງການກວດສອບ ທີ່ຈັດຂຶ້ນໃນລະຫວ່າງວັນທີ 18-19 ທັນວາ 2023, ໃນວັນທີ 18 ທັນວາ 2023 ທີ່ສະໂມສອນເມືອງນາກາຍແຂວງຄໍາມ່ວນ, ທ່ານ ປອ. ນາງ ສູນທອນ ໄຊຍະຈັກ ຮອງປະ ທານສະພາແຫ່ງຊາດ ໄດ້ນຳເອົາເຂົ້າສານ (ໄດ້ບິແບ່ງມາຈາກການສະໜັບສະໜູນຂອງບໍລິສັດ ວີຄອມ ເທັກໂນໂລຊີ ຈຳ ກັດຜູ້ດຽວ) ຈຳນວນ 200 ຖົງ (1ໂຕນ) ມູນຄ່າ 18 ລ້ານ 6 ແສນກີບ ພ້ອມເຄື່ອງນຸ່ງ 80 ຜືນ ມູນຄ່າ 2 ລ້ານກີບ ແລະ ຜ້າຫົ່ມຈໍານວນໜຶ່ງ ມອບໃຫ້ອໍານາດການປົກຄອງເມືອງນາກາຍ ເພື່ອນໍາໄປຊ່ວຍເຫຼືອພໍ່ແມ່ປະຊາຊົນຜູ້ທຸກຍາກຢູ່ພາຍໃນເມືອງ ໂດຍມີທ່ານ ບຸນມີ ພິມມະສອນ ປະທານສະພາປະຊາຊົນແຂວງຄຳມ່ວນ ພ້ອມດ້ວຍຄະນະຕິດຕາມ ແລະ ພະນັກງານຫຼັກແຫຼ່ງຂອງເມືອງນາກາຍ ເຂົ້າຮ່ວມຢ່າງພ້ອມພຽງ ເຊິ່ງໄດ້ຮັບການຕ້ອນຮັບ ແລະ ລາຍງານກ່ຽວກັບທີ່ຕັ້ງຈຸດພິເສດ ແລະ ສະພາບລວມໃນການພັດທະນາເສດຖະກິດ-ສັງຄົມໂດຍສັງເຂບ ຈາກທ່ານນາງ ບົວກາ ແກ້ວມະນີ ເຈົ້າເມືອງໆນາກາຍ ພ້ອມທັງສະເໜີຕໍ່ສະພາແຫ່ງຊາດດັ່ງນີ້: ປັບປຸງເສັ້ນທາງນາກາຍ-ນາຕານ, ຂໍໄຟຟ້າ 3 ສາຍ ແຕ່ເມືອງຫຼວງ-ນາຕານ ແລະ ຕົວເລກລັດຖະກອນ; ຈາກນັ້ນ ທ່ານຮອງປະທານສະພາແຫ່ງຊາດ ກໍໄດ້ໂອ້ລົມຕໍ່ອຳນາດການປົກ ຄອງ, ພະນັກງານຫຼັກແຫຼ່ງຂອງເມືອງ ໂດຍທ່ານໄດ້ສະແດງຄວາມຍ້ອງ ຍໍຊົມເຊີຍຜົນງານອັນພົ້ນເດັ່ນຂອງເມືອງທີ່ຍາດມາໄດ້ ທັງສະເໜີໃຫ້ສືບຕໍ່ຮັກສາມູນເຊື້ອອັນດີງາມ, ຊຸກຍູ້ທາງດ້ານການທ່ອງທ່ຽວ ເພາະວ່າເມືອງນາກາຍມີທ່າແຮງທາງດ້ານການທ່ອງທ່ຽວຫຼາຍບ່ອນທີ່ສວຍສົດງົດງາມ ເພື່ອເປັນທ່າແຮງສົ່ງເສີມສ້າງເສດຖະກິດຂອງເມືອງ..

(ພາບ ແລະ ຂ່າວ: ສອນສັກ ວັນວິໄຊ)