ວັນທີ 30/3/2024 ຜ່ານມານີ້, ທ່ານ ຄໍາໃບ ດໍາລັດ ກໍາມະການສູນກາງພັກ ຮອງປະທານສະພາແຫ່ງຊາດ, ທ່ານ ບຸນຕາ ເທບພະວົງ ຮອງປະທານກໍາມາທິການແຜນການ, ການເງິນ ແລະ ການກວດສອບ, ທ່ານ ແພງສີ ສີລາວີ ຄະນະປະຈໍາ ຮອງປະທານສະພາປະຊາຊົນແຂວງເຊກອງ ພ້ອມດ້ວຍຄະນະ ໄດ້ລົງເຄື່ອນໄຫວເຮັດວຽກ ແລະ ຢ້ຽມຢາມ ບໍ່ຖ່ານຫີນ ຢູ່ເມືອງກະລຶມ ເຊິ່ງຂື້ນກັບກຸ່ມບໍລິສັດ ພອນສັກ.

       ການລົງເຮັດວຽກຄັ້ງນີ້ ໄດ້ຮັບການຕ້ອນຮັບຢ່າງອົບອຸ່ນຂອງທ່ານ ພອນສັກ ວິໄລສັກ ປະທານບໍລິສັດ ພະລັງງານໄຟຟ້າ ເຊກອງ ຈໍາກັດ ກໍຄືປະທານກຸ່ມ ບໍລິສັດ ພອນສັກ, ນອກນັ້ນໄດ້ຮັບຟັງການລາຍງານຫຍໍ້ ຂອງ ວິຊາການ ພາກສະໜາມ ແລະ ຢ້ຽມຊົມຈຸດຂຸດຄົ້ນຖ່ານຫີນຕົວຈີງ, ບໍ່ຖ່ານຫີນ ເມືອງກະລຶມ ຂອງກຸ່ມບໍລິສັດ ພອນສັກ ແມ່ນເປັນບໍ່ເປີດຕະຫລອດ ສ່ວນຫລາຍໃຊ້ລົດຈົກ ກັບລົດດ້າມ ໃນການຂົນສົ່ງ ໃສ່ສາຍພານແຍກແລ້ວລ້າງອອກ ບໍ່ຖານຫີນ ມີ 2 ບໍ່ໃຫຍ່ ແລະ 11 ບໍ່ນ້ອຍ, ບໍ່ໃຫຍ່ແມ່ນ: ບໍ່ປາກໄຊ, ບໍ່ກະລືມ ເຊິ່ງຂຸດຄົ້ນໄປແລ້ວ 5 ບໍ່ນ້ອຍ, ຄາດໜາຍແຜນການປີ 2024 ຂຸດຄົ້ນຖ່ານຫີນໃຫ້ໄດ້ 22,6 ລ້ານໂຕນ.

               ໂອກາດດັ່ງກ່າວ, ທ່ານ ຄໍາໃບ ດໍາລັດ ໄດ້ກ່າວຄໍາຍິນດີຊົມເຊີຍ ແລະ ພ້ອມສະໜັບສະໜູນ ໃນການລົງທຶນຂອງບໍລິສັດ ຂໍໃຫ້ໄດ້ຕາມຄາດໜາຍທີ່ວາງໄວ້  ພ້ອມທັງ ຂອບໃຈຕໍ່ປະທານ ບໍລິສັດ ທີ່ໃຫ້ຄວາມຮ່ວມມື ແລະ ຕອນຮັບໃນຄັ້ງນີ້ເປັນຢ່າງດີ.

#ພາບ-ຂ່າວ: ນາງ ແລ ພິລາທອງ.