ເພື່ອຮັບປະກັນການຈັດຕັ້ງປະຕິບັດ ການຊົດເຊີຍ ໃນລາຍການທີ 6 (ໂຄງສ້າງ ແລະ ສິ່ງປຸກສ້າງ, ຜົນຜະລິດ ແລະ ວັດຖຸມີຄ່າ) ຈາກຜົນກະທົບຂອງເຂື່ອນໄຟຟ້າເຊປ່ຽນ-ເຊນໍ້ານ້ອຍ ໃນປີ 2018 ທີ່ຜ່ານມາ, ເກັບກໍາຂໍ້ມູນ ດ້ານຂໍ້ຄົງຄ້າງ, ສາເຫດ, ຄວາມເໝາະສົມ ແລະ ສອດຄ່ອງກັບຄວາມເປັນຈິງ, ມີຄວາມເອກະພາບດ້ານຂໍ້ມູນ ແລະ ສົມເຫດສົມຜົນ ໃນການຊົນເຊີຍ, ເພື່ອເປັນຂໍ້ມູນພື້ນຖານນໍາໄປຄົ້ນຄວ້າ, ສົມທຽບ ແລະ ວິເຄາະວິໄຈ ຢ່າງເລິກເຊິ່ງ ໃຫ້ແກ່ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ IX.

          ໃນວັນທີ 14 ມີຖຸນາ 2023. ທ່ານ ນາງ ພອນມະນີ ຂຽນໄຊຍະວົງ ຮອງປະທານສະພາປະຊາຊົນແຂວງ ອັດຕະປື ພ້ອມຄະນະ ລົງຕິດຕາມ ແລະ ເກັບກໍາຂໍ້ມູນ ຢູ່ບ້ານ ປາກບໍ່ ເມືອງສະໜາມໄຊ ເຂົ້າຮ່ວມມີອໍານາດການປົກຄອງ 4 ບ້ານຄື ບ້ານປາກບໍ່, ບ້ານໂພນສະອາດ,ບ້ານໜອງແຂ້ ແລະ ບ້ານດອນ ຕະຫຼອດຮອດພໍ່ແມ່ປະຊາຊົນເຂົ້າຮ່ວມ.

(ວິນັດ)