ໃນລະຫວ່າງວັນທີ 01 ຫາ 06 ມີຖຸນາ 2022 ທ່ານ ນາງ ພູທອນ ແກ້ວພູວົງ ຮອງປະທານຄະນະປະຈໍາສະພາປະຊາຊົນແຂວງ ຮອງປະທານສະພາປະຊາຊົນແຂວງໆສະຫວັນນະເຂດ ພ້ອມດ້ວຍບັນດາທ່ານ ສສຊ,ສສຂ, ໄດ້ລົງຕິດຕາມກວດກາເກັບກຳຂໍ້ມູນ ແລະ ຊຸກຍູ້ 02 ວາລະແຫ່ງຊາດຢູ່ 01 ນະຄອນ ແລະ 04 ເມືອງໃຕ້ຄື: ນະຄອນໄກສອນພົມວິຫານ, ເມືອງໄຊບູລີ, ເມືອງອຸທຸມພອນ,ເມືອງອາດສະພັງທອງ ແລະ ເມືອງອາດສະພອນ ໂດຍມີຄະນະນຳນະຄອນ,ເຈົ້າເມືອງ ພ້ອມຄະນະ ແລະ ທ່ານ ສສຂ ທີ່ປະຈຳຢູ່ ນະຄອນ, ເມືອງ ພ້ອມດ້ວຍບັນດາບັນດາຫ້ອງການອ້ອມຂ້າງເມືອງເຂົ້າຮ່ວມ.
ການລົງເຄື່ອນ ໄຫວໃນຄັ້ງ ນີ້, ການນຳຂອງແຕ່ລະເມືອງກໍ່ໄດ້ ລາຍງານສະພາບການຈັດຕັ້ງປະ ຕິບັດ 2 ວາລະແຫ່ງຊາດ ວ່າດ້ວຍ ການແກ້ໄຂຄວາມຫຸຍ້ງຍາກທາງ ດ້ານເສດຖະກິດ-ການເງິນ ແລະ ວ່າດ້ວຍການແກ້ໄຂບັນຫາຢາ ເສດຕິດ ເຊິ່ງເຫັນວ່າ ແຕ່ລະເມືອງ ກໍ່ໄດ້ເລີ່ມປະຕິບັດຢ່າງຮີບດ່ວນ ໃນເບື້ອງຕົ້ນ ໄດ້ມີການແຕ່ງຕັ້ງ ອະນຸກຳມະການຂັ້ນຕ່າງໆ, ຈາກ ນັ້ນ, ກໍ່ໄດ້ພ້ອມກັນລົງເຊື່ອມຊຶມ ເຜີຍແຜ່ໃຫ້ແກ່ອຳນາດການປົກ ຄອງ ກໍ່ຄືພໍ່ແມ່ປະຊາຊົນໃຫ້ໄດ້ຮັບ ຮູ້ຢ່າງທົ່ວເຖິງ ແລະພ້ອມກັນຈັດ ຕັ້ງເຄື່ອນໄຫວຢ່າງມີຜົນສຳເລັດ ໃນຫລາຍດ້ານ, ຜ່ານການປະ ຕິບັດຢູ່ແຕ່ລະເມືອງ ກໍ່ພົບບັນຫາ ທີ່ຕ້ອງໄດ້ສະເໜີຕໍ່ສະພາປະຊາຊົນ ໂດຍສະເພາະບັນຫາເລື່ອງງົບ ປະມານໃນການລົງເຄື່ອນໄຫວທີ່ ພົບຄວາມຫຍຸ້ງຍາກ, ຍັງຂາດບຸກ ຄະລາກອນ ແລະອຸປະກອນໃນ ການລົງເຄື່ອນໄຫວວຽກງານດັ່ງ ກ່າວ.
ໂອກາດນີ້, ທ່ານນາງ ພູທອນ ແກ້ວພູວົງ ຮອງປະທານສະພາປະຊາຊົນແຂວງ ພ້ອມ ດ້ວຍບັນດານທ່ານ ສສຊ/ສສຂ ກໍ່ໄດ້ພ້ອມກັນເຈາະຈີ້ມບັນຫາ ເປັນຕົ້ນ: ຈຸດສຸມທີ່ຈະຕ້ອງ ພ້ອມ ກັນຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມຂອງແຕ່ ລະເມືອງ ໂດຍສະເພາະບັນຫາພົ້ນ ເດັ່ນທີ່ຕິດພັນກັບການຈັດຕັ້ງປະຕິບັດວາລະແຫ່ງຊາດເຊັ່ນວ່າ: ການສົ່ງເສີມການຜະລິດ ເພື່ອທົດ ແທນການນຳເຂົ້າ ແລະເປັນສີນຄ້າ ສົ່ງອອກເພື່ອສ້າງຖານລາຍຮັບ ທີ່ເຂັ້ມແຂງ ແລະຍືນຍົງ, ການສ້າງ ຄວາມເຂັ້ມແຂງດ້ານການເກັບ ລາຍຮັບ, ການສົ່ງເສີມການປະຢັດ, ຕ້ານການຟຸມເຟືອຍ, ການ ແກ້ໄຂປະກົດການຫຍໍ້ທໍ້ໃນສັງຄົມ ເຊິ່ງພາໃຫ້ເກີດບັນຫາອາຊະຍາ ກໍາດ້ານຕ່າງໆທີ່ມີອັນຕະລາຍ ຮ້າຍແຮງ ໂດຍສະເພາະໄວໜຸ່ມ-ຊາວໜຸ່ມ, ນັກຮຽນ ແລະເຍົາວະຊົນ ພ້ອມນັ້ນ, ຕ້ອງມີການໂຄສະ ນາເຜີຍແຜ່ເອກະສານວາລະແຫ່ງຊາດ ແລະຜົນຮ້າຍຂອງຢາເສບຕິດ ພາຍໃນເມືອງຂອງຕົນຢ່າງກວ້າງຂວາງ, ທົ່ວເຖິງ ແລະລົງເຖິງຮາກຖານຂັ້ນບ້ານ ແລະສະ ຖາບັນຄອບຄົວ.
ຕອນທ້າຍຂອງກອງປະຊຸມ ທ່ານນາງ ພູທອນ ແກ້ວພູວົງ ກໍ່ໄດ້ຮຽກຮ້ອງໃຫ້ຄະນະນໍາຂອງເມືອງ ແລະ ພາກສ່ວນຕ່າງໆ ຈົ່ງພ້ອມກັນສືບຕໍ່ນຳເອົາເນື້ອໃນຂອງ 02 ວາລະແຫ່ງຊາດ ໄປຈັດຕັ້ງຜັນຂະຫຍາຍໃຫ້ມີຄວາມສອດຄ່ອງ ແລະ ພ້ອມກັນຈັດຕັ້ງປະຕິບັດໃຫ້ເກີດດອກອອກຜົນ.

ພາບ-ຂ່າວ:ນ.ຄອນສະຫວັນ ເມກສະຫວັນ