ຕອນບ່າຍ, ວັນທີ 21 ມີນາ 2023 ທີ່ຫ້ອງສະໂມສອນເມືອງຂວາ ທ່ານ ສົມຈິດ ຫັບລະກອນ ຮອງປະທານສະພາປະຊາຊົນແຂວງ, ສະມາຊິກສະພາແຫ່ງຊາດ ປະຈໍາເຂດເລືອກຕັ້ງ 2 ແຂວງຜົ້ງສາລີ ພ້ອມດ້ວຍສະມາຊິກສະພາປະຊາຊົນແຂວງ ປະຈໍາເມືອງຂວາ ແຂວງຜົ້ງສາລີ ສໍາເລັດການຈັດຕັ້ງຜັນຂະຫຍາຍ ແລະ ໂຄສະນາເຜີຍແຜ່ເນື້ອໃນຜົນສໍາເລັດກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II; ເຂົ້າຮ່ວມມີທ່ານເຈົ້າເມືອງ, ບັນດາທ່ານ ຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການອົງການລັດທຽບເທົ່າຫ້ອງການຂັ້ນເມືອງ, ກອງບັນຊາການທະຫານເມືອງ, ກອງບັນຊາການປ້ອງກັນຄວາມສະຫງົບເມືອງ, ອົງການຈັດຕັ້ງມະຫາຊົນຂັ້ນເມືອງ, ອົງການແນວລາວສ້າງຊາດເມືອງ, ສະຫະພັນນັກຮົບເກົ່າ, ໜ່ວຍບໍລິການຂອງລັດວິສະຫະກິດປະຈໍາເມືອງ, ພະນັກງານ-ລັດຖະກອນ, ພະນັກງານບຳນານ ແລະ ອົງການຈັດຕັ້ງບ້ານ ອ້ອມຂ້າງເທດສະບານເມືອງ, ບັນດາບ້ານເປົ້າໝາຍເຂົ້າຮ່ວມ.
ທັງນີ້ກໍເພື່ອລາຍງານໃຫ້ຜູ້ມີສິດເລືອກຕັ້ງໄດ້ຮັບຊາບການເຄື່ອນໄຫວຂອງ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງ 2 ແຂວງຜົ້ງສາລີ, ສະມາຊິກສະພາປະຊາຊົນແຂວງ ແນ່ໃສ່ຮັບປະກັນໃຫ້ຖັນແຖວພະນັກງານ, ສະມາຊິກພັກ, ພະນັກງານ-ລັດຖະກອນ, ທະຫານ, ຕໍາຫຼວດ, ຊາວຜູ້ອອກແຮງງານ, ນັກຮຽນຮູ້, ປັນຍາຊົນ, ແລະ ປະຊາຊົນຊາວແຂວງຜົ້ງສາລີຮັບຮູ້ ແລະ ເຊື່ອມຊຶມເຖິງ ຜົນສໍາເລັດກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II; ເປັນການຊຸກຍຸ້ໃຫ້ທຸກພາກສ່ວນປະກອບສ່ວນໃນການຈັດຕັ້ງປະຕິບັດລັດຖະທໍາມະນຸນ, ກົດໝາຍ ແລະ ແຜນພັດທະນາເສດ-ສັງຄົມ, ແຜນງົບປະມານຂອງແຫ່ງຊາດ ແລະ ຂອງແຂວງ. ແນໃສ່ເຮັດໃຫ້ບັນຫາສໍາຄັນພື້ນຖານຂອງຊາດ ທີ່ໄດ້ຮັບຮອງໃນກອງປະຊຸມສະໄໝສາມັນ ເທື່ອ 4 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ໄດ້ຮັບການຈັດຕັ້ງຜັນຂະຫຍາຍເຂົ້າໃນວຽກງານຕົວຈິງຂອງແຕ່ລະພາກສ່ວນ.
ເນື້ອໃນທີ່ມາຈັດຕັ້ງເຜີຍແຜ່ປະກອບມີ: ບັນດາມະຕິກອງປະຊຸມຂອງສະພາແຫ່ງຊາດ ຊຸດທີ IX ຈໍານວນ 22 ມະຕິ ແລະ ສະພາປະຊາຊົນແຂວງ ຊຸດທີ II ຈໍານວນ 9 ມະຕິ. ເຊິ່ງເນື້ອໃນຕົ້ນຕໍຂອງການຈັດຕັ້ງຜັນຂະຫຍາຍໃນຄັ້ງນີ້ ມີຫຼາຍວຽກທີ່ສໍາຄັນ ແລະ ພົ້ນເດັ່ນທີ່ທາງ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງ 2 ແຂວງຜົ້ງສາລີ ແລະ ສະມາຊິກສະພາປະຊາຊົນແຂວງ ຍົກຂຶ້ນມາເຜີຍແຜ່ ເປັນຕົ້ນ: u ວຽກງານບຸກຄະລາກອນຂອງຂັ້ນສູນກາງ ແລະ ຂັ້ນແຂວງ; v ວຽກງານຂົງເຂດລັດຖະບານ, ອົງການປົກຄອງແຂວງ; w ວຽກງານຂົງເຂດສະພາແຫ່ງຊາດ, ສະພາປະຊາຊົນແຂວງ; x ວຽກງານສ້າງ ແລະ ປັບປຸງກົດໝາຍ, ນິຕິກໍາໃຕ້ກົດໝາຍຂອງແຂວງ.
ກ່ອນໜ້ານັ້ນ ທ່ານ ສົມຈິດ ຫັບລະກອນ ພ້ອມດ້ວຍສະມາຊິກສະພາປະຊາຊົນແຂວງ ປະຈໍາເມືອງຂວາ ແຂວງຜົ້ງສາລີ ໄດ້ລົງເຄື່ອນໄຫວຢູ່ບັນດາບ້ານເປົ້າໝາຍ ໂດຍແບ່ງ ອອກເປັນ 2 ທິມງານ ຄື: ທິມງານທີ 1 ປະກອບມີ ທ່ານ ສົມຈິດ ຫັບລະກອນ ແລະ ທ່ານ ພົມມີ ອິນມະສອນ ປະທານກວດກາເມືອງ, ສະມາຊິກສະພາປະຊາຊົນແຂວງ ປະຈໍາເມືອງຂວາ ເຄື່ອນໄຫວທີ່ບ້ານ ຢາງເຕີຍ, ບ້ານຫ້ວຍສະແຫຼ່ງ, ບ້ານອົບທັບ, ບ້ານບ້ານນາ, ບ້ານໂພໄຊເໜືອ, ບ້ານໂພໄຊໃຕ້, ບ້ານ ເມືອງຂວາ, ຫ້ວຍຢາງ; ທີມງານທີ 2 ປະກອບມີ ທ່ານ ບຸນສະລີ ຈິດດາພອນ ຫົວໜ້າພະແນກສາທາລະນະສຸກແຂວງ, ສະມາຊິກສະພາປະຊາຊົນແຂວງ ປະຈໍາເມືອງຂວາ, ທ່ານ ນາງ ລຸນ ຄໍາວົງໃຈ ຮອງປະທານຄະນະກໍາມະການວັດທະນະທໍາ-ສັງຄົມ ແລະ ບັນດາເຜົ່າ ແລະ ທ່ານ ອຸເດັດ ມະນີວົງ ຫົວໜ້າຫ້ອງການໂຍທາທິການ ແລະ ຂົນສົ່ງເມືອງ ສະມາຊິກສະພາປະຊາຊົນແຂວງ ປະຈໍາເມືອງຂວາ ເຄື່ອນໄຫວທີ ບ້ານ ອົມຕະລາ, ບ້ານ ກອງຮັດ, ບ້ານພູວຽງ, ບ້ານດັບກະຈອກ, ບ້ານມົກແພກ ແລະ ບ້ານຫ້ວຍທອງ.
ພາບ-ຂ່າວ: ນາງ ສຸກສົມພອນ ແກ້ວແສງພະຈັນ