ໃນວັນທີ 02 ເມສາ 2024 ນີ້, ສະພາປະຊາຊົນແຂວງໄຊສົມບູນ ໄດ້ສໍາເລັດກອງປະຊຸມໃຫຍ່ ຄັ້ງທີ II ຂອງກໍາມະບານຮາກຖານ ໂດຍໄດ້ຈັດຂຶ້ນທີ່ ຫ້ອງປະຊຸມຂອງສານປະຊາຊົນແຂວງ ແລະ ຢູ່ພາຍໃຕ້ການເປັນປະທານຂອງ ສະຫາຍ ຮືເຢັງ ໂຊຕຸກກີ ປະທານກໍາມະບານຮາກຖານສະພາປະຊາຊົນແຂວງ, ຫົວໜ້າຂະແໜງບັນດາເຜົ່າ ແລະ ໃຫ້ກຽດເຂົ້າຮ່ວມຂອງ ສະຫາຍ ພັອ ວິໄຊທໍ່ ເພຍຫຼວງຈົ່ງເສີ ຮອງເລຂາໜ່ວຍພັກ, ຮອງປະທານສະພາປະຊາຊົນແຂວງ ແລະ ສະຫາຍ ຈູ່ຢ່າງ ດຣາຈັ້ງ ຮອງປະທານສະຫະພັນກໍາມະບານແຂວງ ແລະ ມີແຂກຕາງໜ້າຈາກອົງການ, ພະແນກການອ້ອມຂ້າງອົງການປົກປ້ອງກົດໝາຍ ຕະຫຼອດຮອດ ສະມາຊິກກໍາມະບານສະພາປະຊາຊົນແຂວງເຂົ້າຮ່ວມຢ່າງພ້ອມພຽງ.

ກອງປະຊຸມໃນຄັ້ງນີ້, ສະຫາຍ ຢີຊົ່ງ ຕົ່ງເລັ່ງ ຮອງເລຂາທິການສະພາປະຊາຊົນແຂວງ, ຮອງປະທານກໍາມະບານຮາກຖານ, ໄດ້ກ່າວຈຸດປະສົງວ່າ: ເພື່ອເປັນການຈັດຕັ້ງປະຕິບັດໜ້າທີ່ ຂອງວຽກງານກໍາມະບານຮາກຖານ ທີ່ມີຄວາມໝາຍຄວາມສໍາຄັນ ແລະ ແມ່ນວຽກໜຶ່ງຂອງ ອົງການຈັດຕັ້ງມະຫາຊົນ ໃນອົງກອນລັດ ທີ່ພາກສ່ວນຕ່າງໆ ແລະ ສະພາປະຊາຊົນແຂວງໄຊສົມບູນ ຕ້ອງໄດ້ເປີດກອງປະຊຸມໃຫຍ່ຄັ້ງທີ II ຂອງກໍາມະບານຮາກຖານຕົນ ຂຶ້ນເພື່ອຄັດເລືອກເອົາ ຄະນະຊຸດໃໝ່ ມາຮັບຜິດຊອບໃນໜ້າວຽກນີ້ໂດຍສະເພາະ ແລະ ສະຫາຍໄດ້ ຜ່ານບົດສໍາຫຼວດການນໍາພາ ແລະ ຮັບຟັງການຜ່ານບົດລາຍງານການເມືອງ 02 ພາກ ໂດຍ ສະຫາຍ ຮືເຢັງ ໂຊຕຸກກີ ແລ້ວຄະນະຊຸດເກົ່າໄດ້ຮັບໃບຍ້ອງຍໍ 5 ເປັນເຈົ້າ, ຮັບໃບຍ້ອງຍໍບຸກຄົນດີເດັ່ນ ແລະ ໄດ້ເປີດປ້າຍ 05 ເປັນເປັນເຈົ້າຂອງ ກໍາມະບານຮາກຖານສະພາປະຊາຊົນແຂວງ ຂຶ້ນ ເຊິ່ງໄດ້ນໍາພາໂດຍ ສະຫາຍ ຈູ່ຢ່າງ ດຣາຈັ້ງ. ພ້ອມດຽວກັນນີ້ ສະຫາຍ ຮືເຢັງ ໂຊຕຸກີ ແລະ ສະຫາຍ ຢີຊົ່ງ ຕົ່ງເລັ່ງ ຄະນະປະທານຊຸດເກົ່າ  ໄດ້ຂຶ້ນກ່າວລາໜ້າທີ່ ແລະ ຮັບກະຕ່າຂອງຂວັນ;

ໃນເວລາທີ່ມີຄວາມໝາຍອັນສໍາຄັນນີ້ ສະຫາຍ ວິໄຊທໍ່ ເພຍຫຼວງຈົ່ງເສີ ໄດ້ຜ່ານມາດຖານເງື່ອນໄຂ, ລາຍຊື່ຜູ້ສະໝັກ ແລະ ທີ່ປະຊຸມໄດ້ດໍາເນີນປ່ອນບັດເລືອກເອົາຄະນະຊຸດໃໝ່ ຈາກສະມາຊິກກໍາມະບານທັງໝົດ ໂດຍຜ່ານການປ່ອນບັດເລືອກຕັ້ງ ໃນກອງປະຊຸມຄັ້ງປະຖົມມະລືກ ກໍາມະບານຮາກຖານ ຊຸດທີ II ຂອງສະພາປະຊາຊົນແຂວງ ໄດ້ຕົກລົງເຫັນດີເອົາ ສະຫາຍ ລີຈັ້ງ ເກຍປາວ ເປັນປະທານກໍາມະບານຊຸດໃໝ່, ສະຫາຍ ພອນທະວີ ທໍາມະໄທ ເປັນຮອງປະທານຜູ້ທີ່ໜຶ່ງ, ສະຫາຍ ລັດທິກອນ ວິນາວົງ ເປັນຮອງປະທານຜູ້ທີ່ສອງ ພ້ອມທັງເປັນຄະນະກວດກາ ແລະ ສະຫາຍ ນ. ອໍາໄພພອນ ແກ້ວວິໄລ ເປັນຮອງກວດກາກໍາມະບານຮາກຖານ ຂອງສະພາປະຊາຊົນແຂວງ;

ພາຍຫຼັງ ທີ່ເລືອກຕັ້ງເອົາຄະນະຊຸດໃໝ່ ສໍາເລັດແລ້ວ ບັນດາສະຫາຍ ຄະນະຊຸດໃໝ່ ໄດ້ຂຶ້ນຮັບຄໍາໂອວາດ ແລະ ຮັບໜ້າທີ່ີໃໝ່. ເພື່ອຮັດແໜ້ນຄວາມສາມັກຄີ ທັງພາຍໃນ ແລະ ພາຍນອກ ຂອງຄະນະຊຸດໃໝ່ ທີ່ຈະຕ້ອງໄດ້ສືບຕໍ່, ບຸກບືນ ແລະ ນໍາພາສະມາຊິກ ທີ່ນອນຢູ່ໃນຄວາມຮັບຜິດຊອບຂອງຕົນ ເພື່ອສືບທອດ ແລະ ຮັກສາມູນເຊື້ອອັນດີງາມ, ເໝາະສົມກັບທີ່ໄດ້ຮັບເປັນ ກໍາມະບານຮາກຖານ 05 ເປັນເຈົ້າ ຈາກສະຫະພັນກໍາມະບານແຂວງ ຈຶ່ງໄດ້ຮັບຟັງຄໍາເຫັນໂອ້ລົມຈາກ ສະຫາຍ ວິໄຊທໍ່ ເພຍຫຼວງຈົ່ງເສີ  ຮອງປະທານສະພາປະຊາຊົນແຂວງ ແລະ ສະຫາຍ ຈູ່ຢ່າງ ດຣາຈັ້ງ ຮອງປະທານກໍາມະບານແຂວງໄຊສົມບູນ ແລະ ກອງປະຊຸມໄດ້ຈົບລົງຢ່າງສະຫງ່າງາມ.

 (ນາງ ອໍາໄພພອນ ແກ້ວວິໄລ)