(ສພຊ) – ກອງປະຊຸມເຝິກອົບຮົມວຽກງານສື່ມວນຊົນ ພາຍໃຕ້ຫົວຂໍ້ “ສ້າງຄວາມຊໍານານງານໃນການຜະລິດລາຍການໂທລະພາບ ໃຫ້ແກ່ລັດຖະກອນຂອງຄະນະເລ ຂາທິການສະພາປະຊາຊົນຂັ້ນແຂວງ” ໂດຍການເປັນປະ ທານກ່າວເປີດຂອງທ່ານ ນາງ ອຳໄພວອນ ລ້ອມບຸນແພງ ກໍາມະການສໍາຮອງສູນກາງພັກ, ເລຂາທິການສະພາແຫ່ງ ຊາດ ເຊິ່ງມີວິທະຍາກອນທີ່ເປັນພະນັກງານ ແລະ ອະດີດພະນັກງານຂອງກະຊວງຖະແຫຼງຂ່າວ, ວັດທະນະທໍາ ເເລະ ທ່ອງທ່ຽວ ພ້ອມດ້ວຍນັກເຝິກອົບຮົມທີ່ເປັນພະນັກ ງານຜູ້ຮັບຜິດຊອບວຽກງານສື່ມວນຊົນຂອງສະພາແຫ່ງຊາດ (ສພຊ) ແລະ ສະພາປະຊາຊົນຂັ້ນແຂວງ (ສພຂ), ຕາງໜ້າຈາກວິທະຍຸກະຈາຍສຽງແຫ່ງຊາດລາວ, ໂທລະ ພາບແຫ່ງຊາດລາວ, ໜັງສືພິມ ແລະ ໂທລະພາບກອງທັບປະຊາຊົນລາວ, ໜັງສືພິມ ແລະ ໂທລະພາບປ້ອງກັນຄວາມສະຫງົບ, ໜັງສືພິມປະຊາຊົນ, ໜັງສືພິມປະເທດລາວ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມຫຼາຍກວ່າ 60 ທ່ານ.

ທັງນີ້, ກໍເພື່ອຍົກລະດັບບຸກຄະລາກອນທີ່ຮັບຜິດ ຊອບວຽກງານສື່ມວນຊົນຂອງສະພາແຫ່ງຊາດ ແລະ ສະ ພາປະຊາຊົນຂັ້ນແຂວງ ໃຫ້ມີຄວາມຮູ້, ຄວາມເຂົ້າໃຈຢ່າງຖືກຕ້ອງ ກ່ຽວກັບການໂຄສະນາເຜີຍແຜ່ພາລະບົດບາດ, ການເຄື່ອນໄຫວວຽກງານທາງລັດຖະການທັງພາຍໃນ ແລະ ຕ່າງປະເທດ, ບັນດາກົດໝາຍ ແລະ ນິຕິກຳໃຕ້ກົດ ໝາຍ, ຜົນສຳເລັດກອງປະຊຸມຕ່າງໆ ໂດຍຜ່ານສື່ສິ່ງພິມ, ສື່ເອເລັກໂຕຣນິກຂອງສະພາແຫ່ງຊາດ ໃຫ້ມີເນື້ອໃນອັນເລິກເຊິ່ງ, ຫຼາກຫຼາຍສີສັນ ທີ່ສອດຄ່ອງກັບແນວທາງນະ ໂຍບາຍຂອງພັກ ແລະ ກົດໝາຍ ທັງເປັນການປັບປຸງເຄືອຂ່າຍການສະໜອງຂໍ້ມູນຂ່າວສານໃຫ້ກັນແລະກັນ ຢ່າງປົກກະຕິ ແລະ ສະໝໍ່າສະເໝີ.

ກອງປະຊຸມໄດ້ແລກປ່ຽນບົດຮຽນການເປັນໂຄສົກປະກາດຂ່າວ ແລະ ການເປັນພິທິກອນລາຍການທາງໂທ ລະພາບ; ການຂຽນບົດ, ການສ້າງສະກຣິບລາຍການໂທ ລະພາບ ແລະ ຂ່າວ; ການຕັດຕໍ່ພາບ ແລະ ວິດີໂອ ແບບມືອາຊີບ. ຈາກນັ້ນ, ກໍມີການແບ່ງກຸ່ມເພື່ອປະຕິບັດຕົວຈິງໃນການສ້າງຄອນເທັນ, ຂຽນສະກຣິບ, ການຖ່າຍທຳ ແລະ ການຕັດຕໍ່ແບບມືອາຊີບ.

ການເຝິກອົບຮົມທີ່ຈັດຢູ່ເມືອງວັງວຽງ ແຂວງວຽງຈັນ ໃນວັນທີ 4-7 ມັງກອນນີ້ ໄດ້ຮັບການສະໜັບສະໜູນຊ່ວຍ ເຫຼືອທາງດ້ານງົບປະມານຈາກໂຄງການສ້າງຄວາມເຂັ້ມແຂງໃຫ້ແກ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຫຼື ສະເຕັບສ໌ (STEPs) ໂດຍຜ່ານກອງເລຂາຄຸ້ມ ຄອງແຫຼ່ງທຶນຊ່ວຍເຫຼືອລ້າໃຫ້ແກ່ສະພາແຫ່ງຊາດ ສົມທົບກັບງົບປະມານຂອງຄະ ນະເລຂາທິການສະພາແຫ່ງຊາດ.

(ນາງ ອາລິນ ສຸພິມມະປະດິດ)