ວັນພະຫັດທີ 22 ພຶດສະພາ 2025 ຢູ່ທີ່ຫ້ອງປະຊຸມສະພາປະຊາຊົນແຂວງ, ໜ່ວຍພັກສະພາປະຊາຊົນແຂວງ ໄດ້ເປີດກອງປະຊຸມສະຫຼຸບວຽກງານກວດກາ ປະຈໍາປີ 2024, ໂດຍການເປັນປະທານຂອງສະຫາຍ ນາງ ວັນສີ ພວງມະໄລ ເລຂາໜ່ວຍພັກສະພາປະຊາຊົນແຂວງ, ມີສະຫາຍ ນາງ ຄໍາພອນ ພິມມະຈັນ ຮອງປະທານສະພາປະຊາຊົນແຂວງ, ມີຄະນະໜ່ວຍພັກ, ສະມາຊິກພັກສົມບູນ ແລະ ສະມາຊິກພັກສໍາຮອງ ເຂົ້າຮ່ວມຢ່າງພ້ອມພຽງ.
ສະຫາຍເລຂາໜ່ວຍພັກໄດ້ຜ່ານຮ່າງບົດສະຫຼຸບການເຄື່ອນໄຫວວຽກງານຕິດຕາມກວດ ກາ ປະຈໍາປີ 2024, ເຊິ່ງຄະນະພັກໄດ້ຖືເອົາການຕິດຕາມກວດກາ ເປັນໄມ້ຫຼາວັດແທກສະມາຊິກພັກ ສະແດງອອກ: ການນໍາພາ-ຊື້ນໍາ ຕິດຕາມກວດກາ, ຄວ້າຄວ້າເຊື່ອມຊຶມ ແລະ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ, ມະຕິກອງປະຊຸມໃຫຍ່ຂອງໜ່ວຍພັກ, ບັນດາຄໍາສັ່ງ, ບົດແນະນໍາ, ນິຕິກໍາຕ່າງໆ ແລະ ຄະນະພັກ, ຄະນະນໍາ, ສະມາຊິກພັກ, ພະນັກງານ-ລັດຖະກອນ ໄດ້ປະຕິບັດ 3 ພາລະບົດບາດ, ໂດຍໄດ້ຄົ້ນຄວ້າ, ວິເຄາະວິໃຈ, ປະກອບຄໍາຄິດຄໍາເຫັນຕໍ່ບັນຫາສໍາຄັນຕ່າງໆ ແລະ ອອກເປັນມະຕິຂອງສະພາປະຊາຊົນແຂວງ ຈໍານວນ 15 ສະບັບ, ຮັບຮອງເອົານິຕິກໍາໃຕ້ກົດໝາຍ(ຂໍ້ຕົກລົງເຈົ້າແຂວງ) ຈໍານວນ 7 ສະບັບແລະ ອື່ນໆ. ພ້ອມນັ້ນ, ໄດ້ຜ່ານທິດທາງແຜນ ການ ປະຈໍາປີ 2025.
ຫລັງຈາກນັ້ນ, ບັນດາສະຫາຍສະມາຊິກພັກໄດ້ປະກອບຄໍາຄິດຄໍາເຫັນເພີ່ມເຕີ່ມ, ຕໍ່ຮ່າງບົດສະຫຼຸບດັ່ງກ່າວຢ່າງກົງໄປກົງມາ ເພື່ອໃຫ້ເນື້ອໃນຄົບຖ້ວນສົມບູນ ແລະ ສາມາດນໍາໄປຈັດຕັ້ງປະຕິບັດ ໃນປີຕໍ່ໄປ.
ພາບ/ຂ່າວ: ແສງພອນ ອິນນະລົງ.