ຕອນເຊົ້າວັນທີ 28 ກຸມພາ 2023 ນີ້ ສະຫະພັນແມ່ຍິງຮາກຖານສະພາປະຊາຊົນແຂວງ ໄດ້ຈັດພິທີປາຖະກະຖາມູນເຊື້ອວັນແມ່ຍິງສາກົນທີ 8 ມີນາ 113 ກໍຄືວັນທີ 8 ມີນາ 1910 ຫາ ວັນທີ 8 ມີນາ 2023 ຂຶ້ນທີ່ຫ້ອງປະຊຸມສະພາປະຊາຊົນແຂວງ ໂດຍການເປັນປະທານຂອງ ທ່ານ ນາງ ເກສອນ ແສງຍະວົງ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 3 ແຂວງຫລວງນໍ້າທາ ປະທານຄະນະກຳມະການວັດທະນະທຳສັງຄົມ ແລະ ບັນດາເຜົ່າ ສະພາປະຊາຊົນແຂວງ ຄະນະບໍລິຫານງານສະຫະພັນແມ່ຍິງແຂວງ ຜູ້ຊີ້ນຳຂົງເຂດຕຸລາການ ແລະ ສະພາປະຊາຊົນແຂວງ , ໃຫ້ກຽດເຂົ້າຮ່ວມໂດຍ ທ່ານ ນາງ ອຸ່ນຫລ້າ ອ້ຽງລໍລາດ ກຳມະການພັກແຂວງ ຮອງປະທານສະພາປະຊາຊົນແຂວງ ພ້ອມດ້ວຍຜູ້ຕາງໜ້າອົງການຈັດຕັ້ງມະຫາຊົນ ຊາວໜຸ່ມ, ກຳມະບານ, ສະມາຊິກສະຫະພັນແມ່ຍິງໃນຮາກຖານສະພາປະຊາຊົນແຂວງ ເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ນາງ ເກສອນ ແສງຍະວົງ  ໄດ້ປາຖະກະຖາປະຫວັດຄວາມເປັນມາມູນເຊື້ອວັນແມ່ຍິງສາກົນໄດ້ຊີ້ໃຫ້ເຫັນເຖິງການກຳເນີດເກີດຂຶ້ນໃນທ່າມກາງສະພາບເສດຖະກິດສັກດີນາ ແລະ ນາຍທຶນແຕ່ຊໍ້າພັດຍິ່ງເພີ່ມຄວາມທຸກຍາກລຳບາກໃຫ້ແກ່ຊາວຜູ້ອອກແຮງງານໂດຍສະເພາະແມ່ນກຳມະກອນເພດຍິງຖືກກົດຂີ່ຂູດຮີດຢ່າງໜັກໜ່ວງ ຄືເຮັດວຽກຫລາຍຊົ່ວໂມງແຕ່ຄ່າແຮງງານຕ່ຳ, ບໍ່ມີຄ້ຳປະກັນດ້ານສຸຂະພາບຖືກດູໜີ່ນປະໝາດ ຖືເປັນສິນຄ້າ ເປັນເຄື່ອງຫລີ້ນ ຖືກຂົ່ມຂື່ນທຸບຕີ ແລະ ໄລ່ອອກວຽກເວລາຖືພາ, ບໍ່ໄດ້ຮັບການປີ່ນປົວເວລາເຈັບເປັນຕ່າງໆ,  ຕໍ່ກັບສະພາບການດັ່ງກ່າວກໍາມະກອນຍິງຈື່ງໄດ້ສາມັກຄີກັນລຸກຮືຂຶ້ນຕໍ່ສູ້ທວງໃຫ້ພວກນາຍທຶນທີ່ເປັນເຈົ້າຂອງໂຮງຈັກໂຮງງານຕ້ອງແກ້ໄຂຊີວິດການເປັນຢູ່ໃຫ້ກຳມະກອນຍິງຈຳນວນ 15,000 ຄົນ ເດີນຂະບວນທວງໃຫ້ນາຍທຶນອ່ອນຊົ່ວໂມງເຮັດວຽກ, ຢຸດເຊົາຂູດຮີດແຮງງານແມ່ຍິງ ແລະ ເດັກນ້ອຍໃຫ້ສິດແມ່ຍິງມີສິດອອກສຽງ ແລະ ເລືອກຕັ້ງ, ການຕໍ່ສູ້ຂອງແມ່ຍິງໄດ້ເປັນການປຸກລະດົມນ້ຳໃຈແມ່ຍິງທີ່ຖຶກກົດຂີ່ຂູດຮີດແຮງງານຢູ່ບັນດາປະເທດທົ່ວໂລກ ແລະ ມາເຖິງປີ 1910 ຂະບວນການຕໍ່ສູ້ຂອງແມ່ຍິງໄດ້ແພ່ຂະຫຍາຍກວ້າງອອກໄປສູ່ປະເທດນາຍທຶນຢູ່ທະວີບເອີຣົບ ແລະ ໃນປີນີ້ເອງກອງປະຊຸມສາກົນກ່ຽວກັບບັນຫາແມ່ຍິງຄັ້ງທຳອິດໄດ້ຈັດຂຶ້ນຢູ່ໂກເປນຮາກ ນະຄອນຫລວງຂອງປະເທດເດນມາກ ມີຜູ້ແທນ 100 ກວ່າຄົນຈາກ 17 ປະເທດ ເຂົ້າຮ່ວມ ແລະ ໄດ້ຮັບຮອງຕົກລົງເອົາໃນວັນທີ 8 ມີນາ ຂອງທຸກປີເປັນວັນແມ່ຍິງສາກົນແມ່ນເຫດການເມືອງສໍາຄັນເປັນຂີດໝາຍແຫ່ງໄຊຊະນະພຶ້ນຖານຂອງຂະບວນແມ່ຍິງສາກົນໃນການຕໍ່ສູ້ທວງເອົາສິດຜົນປະໂຫຍດອັນເປັນທຳໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກມີສິດສະເໝີພາບເທົ່າທຽມເພດຊາຍ

ໂດຍ ນາງອາເມີງ ວິແຄລູ