ວັນທີ 19 ສິງຫາ 2024 ນີ້, ສະມາຊິກສະພາແຫ່ງຊາດ ປະ​ຈຳ​ເຂດເລືອກຕັ້ງທີ 7 ແຂວງໄຊຍະບູລີ ນໍາໂດຍ ທ່ານ ​ພົທ ສຸວອນ ເລືອງບຸນມີ, ກໍາມະການສູນກາງພັກ ຮອງປະທານສະພາແຫ່ງຊາດ ສະມາຊິກສະພາແຫ່ງ ຊາດ ປະ​ຈຳ​ເຂດເລືອກຕັ້ງ ທີ 7; ພ້ອມດ້ວຍຄະນະ, ໄດ້ນຳ​ເອົາ​ເນື້ອ​ໃນ​ຈິດ​ໃຈຂອງກອງປະຊຸມສະ​ໄໝ​ສາ​ມັນ​ ເທື່ອ​ທີ 7 ຂອງສະພາແຫ່ງຊາດ ຊຸດທີ IX ລົງເຜີຍແຜ່​ເຊື່ອມ​ຊຶມ​ໃຫ້​ແກ່​ຜູ້​ມີ​ສິດ​ເລືອກ​ຕັ້ງ ​ຢູ່​ເມືອງ​ບໍ່ແຕນ ລວມ​ມີ 5 ຈຸດ ໃນ​ນັ້ນ ຈຸດສຳ​ນັກ​ງານ-ອົງ ການ​ອ້ອມ​ຂ້າງ​ເມືອງ ມີ 1 ຈຸດ ແລະ ບ້ານ 4 ຈຸດ​;

ເປັນກຽດເຂົ້າ ຮ່ວມຮັບຟັງມີ ​ບັນ​ດາທ່ານ ຄະນະນໍາຂອງເມືອງ, ພະນັກງານອາວຸໂສບໍານານ; ຄະ​ນະ​ພັກ, ຄະ​ນະ​ບັນ​ຊາ; ພະນັກງານຫຼັກແຫຼ່ງຂອງ​ເມືອງ ຕະຫຼອດ​ຮອດ​ອຳ​ນາ​ການ​ປົກ​ຄອງ​ບ້ານ ແລະ ພໍ່​ແມ່​ປະ​ຊາ​ຊົນ ເຂົ້າຮ່ວມຮັບຟັງ.