ໃນລະຫວ່າງວັນທີ 18 ຫາ 22 ກັນຍາ 2023 ທີຜ່ານມານີ້ ນໍາໂດຍ ທ່ານ ບຸນສອນ ເພັດລາວັນ ຮອງເລຂາພັກແຂວງ, ປະທານສະພາປະຊາຊົນແຂວງວຽງຈັນ ສົມທົບກັບສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງເມືອງເຟືອງ ລົງພົບປະຜູ້ມີສິດປອດບັດເລືອກຕັ້ງ ເຂົ້າຮ່ວມຮັບຟັງມີບັນດາພະນັກງານ-ລັດຖະກອນ, ທະຫານ, ຕໍາຫຼວດ ແລະ ພໍ່ແມ່ປະຊາຊົນບັນດາເຜົ່າເມືອງເຟືອງ ແຂວງວຽງຈັນ ໃນນັ້ນໄດ້ເຄື່ອນໄຫວຢູ່ 5 ຈຸດ ຄື:

ກຸ່ມບ້ານນາໃໜ່, ກຸ່ມບ້ານໂນນສະຫວາດ, ຈຸດສຸມພັດທະນາຜາສັງ, ບ້ານນາອ່າງ, ກຸ່ມບ້ານໂພນທອນ,ບ້ານນາແຂງ ແລະ ສະໂມສອນເມືອງເຟືອງ.

ຈຸດປະສົງເພື່ອລົງພົບປະຜູ້ມີສິດປອນບັດເລືອກຕັ້ງໃນຄັ້ງນີ້ແມ່ນເພື່ອນໍາເອົາແຈ້ງຂ່າວ ເນື້ອໃນຜົນສໍາເລັດ ກອງປະຊຸມສະໄໜສາມັນເທື່ອທີ 5 ສະພາແຫ່ງຊາດ ຊຸດທີ IX ແລະ ກອງປະຊຸມສະໄໜສາມັນເທື່ອທີ 5 ຂອງສະພາປະຊາຊົນແຂວງວຽງຈັນ ຊຸດທີ II ເຜີຍແຜ່ໃຫ້ພະນັກງານ, ທະຫານ, ຕໍາຫຼວດ ແລະ ພໍ່ແມ່ປະຊາຊົນໄດ້ຮັບຊາບ ແລະ ເຂົ້າໃຈເນື້ອໃນດັ່ງກ່າວ ພ້ອມທັງຮັບຟັງການສະເໜີຂອງພໍ່ແມ່ປະຊາຊົນ ໂດຍສະເພາະຂໍ້ຂັດຂ້ອງໜອງໃຈຂອງປະຊາຊົນເພື່ອນໍາເອົາພິຈາລະນາ ແລະ ສົ່ງໃຫ້ພາກສວນກ່ຽວຂ້ອງແກ້ໄຂຊ່ວຍປະຊາຊົນ.