(ສປນວ) ວັນທີ 24 ກຸມພາ 2023, ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 1 ນວ (ສສຊ) ແລະ ສະມາຊິກສະພາປະຊາຊົນ ນວ (ສສນວ) ໄດ້ລົງພົບປະຜູ້ມີສິດເລືອກຕັ້ງ ເພື່ອເຜີຍແຜ່ຜົນສຳເລັດກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນ ນະຄອນຫຼວງ ຊຸດທີ II ຢູ່ບ້ານໂພນໄຮຄຳ ແລະ ບ້ານນາພອກ ເມືອງໄຊທານີ ນວ ໂດຍການນຳພາຂອງ ທ່ານ ຮສ ປອ ລິນຄຳ ດວງສະຫວັນ ສະມາຊິກສະພາແຫ່ງຊາດຊຸດທີ IX ປະຈໍາເຂດເລືອກຕັ້ງທີ 1 ນວ, ກຳມະການຄະນະປະຈຳ ສະພາແຫ່ງຊາດ, ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ, ມີ ທ່ານ ບົວລີ ແກ້ວມະນີວັນ, ສະມາຊິກສະພາປະຊາຊົນ ນວ ຊຸດທີ II, ຫົວໜ້າ ຄະນະສະມາຊິກສະພາປະຊາຊົນ ນວ ປະຈຳເຂດເລືອກຕັ້ງເມືອງໄຊທານີ, ປະທານກວດກາພັກ-ລັດ ເມືອງໄຊທານີ, ທ່ານ ນາງ ອໍລະໄທ ສັນຕິຄົງຄາ ສະມາຊິກສະພາປະຊາຊົນ ນວ ຊຸດທີ II, ຜູ້ອຳນວຍການໃຫຍ່ ບໍລິສັດກຣິດຕະພົງກຣຸບ, ຮອງປະທານສະພາບໍລິຫານ ວຽງຈັນເຊັນເຕີ້ລາວມະຫາຊົນ, ຜູ້ຈັດການທົ່ວໄປ ໂຮງແຮມແລນມາກແມ່ຂອງລີເວິໄຊ, ມີບັນ ດາອົງການຈັດຕັ້ງບ້ານ ພ້ອມດ້ວຍຜູ້ມີສິດເລືອກຕັ້ງທັງ 2 ບ້ານເຂົ້າຮ່ວມຢ່າງພ້ອມພຽງ ລວມຜູ້ເຂົ້າຮ່ວມທັງໝົດ 200 ຄົນ, ຍິງ 84 ຄົນ.

        ໃນການລົງພົບປະຄັ້ງນີ້, ໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານຂອງ 2 ບ້ານດັ່ງກ່າວ ເຊິ່ງອາຊີບຕົ້ນຕໍຂອງພໍ່ແມ່ປະຊາຊົນສ່ວຍຫຼາຍແມ່ນໄດ້ຖືເອົາການເຮັດນາ, ປູກຝັງ, ລ້ຽງສັດ ເປັນຫຼັກ ແລະ ໃນໂອກາດດັ່ງ ກ່າວ, ບັນດາທ່ານສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນ ນວ ກໍໄດ້ຮັບຟັງຄຳຄິດຄຳເຫັນ ແລະ ຄຳສະເໜີຈຳນວນໜຶ່ງຂອງປະຊາຊົນ ເພື່ອນຳໄປຊຸກຍູ້ໃຫ້ພາກສ່ວນກ່ຽວຂ້ອງແກ້ໄຂ ເຊິ່ງບັນຫາສ່ວນໃຫຍ່ແມ່ນຕິດພັນກັບສະ ພາບເສດຖະກິດຊີວິດການເປັນຢູ່ຂອງປະຊາຊົນໃນປັດຈຸບັນ ເປັນຕົ້ນ: ລາຄາສິນຄ້າບໍລິໂພກ-ອຸປະໂພກແພງ, ບັນຫາກະ ແສໄຟຟ້າບໍ່ພຽງພໍຕໍ່ຈຳນວນຄົວເຮືອນ ເຮັດໃຫ້ເກີດໄຟຟ້າຕົກເລື້ອຍໆ, ໃຫ້ປູຢາງເສັ້ນທາງແຕ່ບ້ານນາພອກ-ບ້ານນາສາລາ ແລະ ສະ ເໜີໃຫ້ມີການຂຸດຄອງຊົນລະປະທານຂອບເຂດບ້ານນາພອກ-ນາສາລາ ເພື່ອໃຫ້ປະຊາຊົນສາມາດເຮັດການຜະລິດເຂົ້ານາໄດ້ 2 ລະດູການ ເຫຼົ່ານີ້ເປັນຕົ້ນ.