ໃນວັນທີ 13 ຕຸລາ 2023 ຜ່ານມາ ສະມາຊິກສະພາປະຊາຊົນແຂວງ ໄດ້ລົງເຄື່ອນໄຫວຕິດ ຕາມກວດກາ ແລະ ຊຸກຍູ້ ການຈັດຕັ້ງປະຕິບັດລັດຖະທໍາມະນູນ, ກົດຫມາຍ ແລະ ມະຕິກອງປະຊຸມ ປະຈໍາປີ 2023 ຂອງຄະນະສະມາຊິກສະພາແຫ່ງຊາດ ແລະ ມະຕິກອງປະຊຸມສະໄໝສາມັນ ເທື່ອທີ 4 ຂອງສະພາປະຊາຊົນແຂວງ ຊຸດທີ II ຢູ່ທີ່ຫ້ອງປະຊຸມວີໄອພີ ຂອງເມືອງພຽງ ແຂວງໄຊຍະບູລີ ເຊິງນຳໂດຍທ່ານ ບຸນໄທ ສີເທບ ປະທານຄະນະກໍາມະການວັດທະນະທໍາ-ສັງຄົມ ແລະ ບັນດາເຜົ່າ ສະພາປະຊາຊົນແຂວງ ໄຊຍະບູລີ ຊຸດທີ II ພ້ອມຄະນະ,ໂດຍໃຫ້ການຕ້ອນຮັບ ຂອງທ່ານ ເສີດ ແສງສຸລິນ ເຈົ້າເມືອງໆ ພຽງ, ມີບັນດາທ່ານສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງ, ຫົວໜ້າ, ຮອງຫົວໜ້າຫ້ອງການ ໃນຂົງເຂດເສດຖະກິດ, ແຜນການ ແລະ ການເງິນ, ຂົງເຂດວັດທະນະທຳ-ສັງຄົມ ແລະບັນດາເຜົ່າ, ຂົງເຂດຍຸຕິທຳ, ປກຊ-ປກສ ພ້ອມດ້ວຍບັນດາທ່ານພະນັກງານ-ລັດຖະກອນ ທີ່ຊ່ວຍວຽກສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງເຂົ້າຮ່ວມ.
ໃນໂອກາດທີ່ສະມາຊິກສະພາປະຊາຊົນແຂວງ ໄດ້ລົງເຄື່ອນໄຫວຕິດຕາມກວດກາ ແລະ ຊຸກຍູ້ ການຈັດຕັ້ງປະຕິບັດລັດຖະທໍາມະນູນ, ກົດຫມາຍ ແລະ ມະຕິກອງປະຊຸມ ປະຈໍາປີ 2023 ຂອງຄະນະສະມາຊິກສະພາແຫ່ງຊາດ ແລະ ມະຕິກອງປະຊຸມສະໄໝສາມັນ ເທື່ອທີ 4 ຂອງສະພາປະຊາຊົນແຂວງ ຊຸດທີ II ຢູ່ທີເມືອງພຽງໃນເທຶ່ອນີ້ ທ່ານ ເສີດ ແສງສຸລິນ ເຈົ້າເມືອງໆ ພຽງ ໄດ້ລາຍງານຫຍໍ້ກ່ຽວກັບສະພາບການພັດທະນາເສດຖະກິດ-ສັງຄົມ ຢູ່ພາຍໃນເມືອງ ຕໍ່ການລົງມາຕິດຕາມຊຸກຍູ້ໃນເທື່ອນີ້ ໂດຍໄດ້ຍົກໃຫ້ເຫັນການຈັດຕັ້ງປະຕິບັດວຽກງານແຕ່ລະຂົງເຂດຢູ່ພາຍໃນເມືອງ ແລະ ໃນໄລຍະ 9 ເດືອນຜ່ານມາ ໂດຍລວມແລ້ວເມືອງພຽງ ແມ່ນສາມາດຮັກສາໄດ້ສະຖຽນລະພາບທາງດ້ານການເມືອງ, ສັງຄົມຍັງສືບຕໍາມີຄວາມສະຫງົບປອດໄພໂດຍພື້ນຖານ, ເສດຖະກິດກໍ່ໄດ້ຮັບການພັດທະນາຢ່າງຕໍ່ເນື່ອງສາມາດຈັດເກັບລາຍຮັບເຂົ້າງົບປະມານໄດ້ທັງໝົດ 3,05 ຕື້ກີບ ໃນນີ້: ຮັບຈາກສ່ວຍສາອາກອນ 2,88 ຕື້ກີບ, ຮັບຈາກຊັບສິນ 174,48 ລ້ານກີບ. ປະຕິບັດລາຍຈ່າຍທັງໝົດ 2,61 ຕື້ກີບ : ຈ່າຍບໍລິຫານ 2,09 ຕື້ກີບ, ຈ່າຍດັດສົມສົ່ງເສີມ 524,6 ລ້ານກີບ ແລະ ດຸ່ນດ່ຽງໃຫ້ແຂວງ 100 ລ້ານກີບ. ມູນຄ່າການນໍເຂົ້າ-ສົ່ງອອກ: ສົ່ງອອກສິນຄ້າໄດ້ທັງໝົດ 172,7 ຕື້ກີບ ທຽບໃສ່ໄລຍະດຽວກັນປີຜ່ານມາ ເພີ່ມຂື້ນ 1,5 ເທົ່າຕົວ, ຄຸ້ມຄອງການນໍາເຂົ້າສິນຄ້າໄດ້ 224,8 ຕຶື້ກີບ ທຽບໃສ່ແຜນການປີປະຕິບັດໄດ້ 106 ສ່ວນຮ້ອຍ ດ້ານແຫຼ່ງທຶນເພື່ອການພັດທະນາ: ໄດ້ເອົາໃຈໃສ່ຊຸກຍູ້ຕິດຕາມໂຄງການລົງທຶນພາຍໃນເມືອ ທັງໝົດ 43 ໂຄງການ ມູນຄ່າ181,10 ຕື້ກີບ ທຽບໃສ່ແຜນການປີປະຕິບັດລື່ຄາດໝາຍ 20 ໂຄງການໃນນີ້; ໂຄງການລົງທຶນຂອງເອກະຊົນພາຍໃນ ແລະ ຕ່າງປະເທດ 14 ໂຄງການມູນຄ່າ 141,98 ຕື້ກີບ;
ໂຄງການລົງທຶນ ທີ່ລັດຖະບານອານຸມັດ 2 ໂຄງການ ມູນຄ່າ 6,04 ຕື້ກີບ; ໂຄງການລົງທຶນຊ່ວຍເຫຼືອຈາກອົງການຈັດຕັ້ງສາກົນ 19 ໂຄງການ ມູນຄ່າ 26,95 ຕື້ກີບ, ໂຄງການລົງທຶນ ຂອງປະຊາຊົນ 5 ໂຄງການ ມູນຄ່າ 668,55 ລ້ານກີບ, ໂຄງການປະກອບສ່ວນຈາກພາກສ່ວນສັງຄົມ 2 ໂຄງການ ມູນຄ່າ 851,92 ລ້ານກີບ ແລະ ໂຄງການລົງທຶນ ທີ່ນຳໃຊ້ງົບປະມານຂອງເມືອງ 1 ໂຄງການມູນຄ່າ 4,6 ຕື້ກີບ. ວຽກງານກະສິກຳ-ປ່າໄມ້: ຊຸກຍູ້ການຜະລີດເຂົ້ານາແຊງໄດ້ ທັງໝົດ 4.991,39 ໂຕ່ນ, ຊຸກຍູ້ການຜະລີດເຂົ້ານາປີໄດ້ທັງໝົດ 6.887,60 ເຮັກຕາເທົ່າກັບ 100,11 ສ່ວນຮ້ອຍ ຂອງເນື້ອທີ່ແຜນການ ແລະ ຕິດຕາມການຜະລີດເຂົ້າໄຮ່ ເນື້ອທີ່ 545,7 ເຮັກຕາ, ໄດ້ຊຸກຍູ້ການຜະລີດພືດສະບຽງປະຕິບັດໄດ້ທັງໝົດ 1.0000 ກວ່າເຮັກຕາ ຂອງເນື້ອທີ່ແຜນການປີ, ພືດເປັນສິນຄ້າເນື້ອທີ່ 19.500 ກວ່າເຮັກຕາ ຊຸກຍູ້ຕິດຕາມການປູກໄມ້ໃຫ້ໝາກ 257,5 ເຮັກຕາ, ດ້ານການລ້ຽງສັດກໍ່ໄດ້ມີການຂະຫຍາຍຕົວ ແລະ ໄດ້ຫັນຈາກການລ້ຽງແບບທຳມະຊາດກະແຈກກະຈາຍ ມາລ້ຽງແບບເປັນກຸ່ມ, ເປັນຟາມ ຕິດພັນກັບການປູກຫຍ້າອາຫານສັດ ແລະ ຕາໜ່າງສັດຕະວະແພດ, ເຮັດໃຫ້ຝູງສັດຂະຫຍາຍຕົວເພີ່ມຂື້ນສະເລ່ຍ 14,74%, ທົ່ວເມືອງມີສັດລ້ຽງທັງໝົດ 1.533.278 ໂຕທຽບໃສ່ແຜນການປີປະຕິບັດໄດ້ 59,65% ສາມາດຕອບສະໜອງຊີ້ນ, ໄຂ່ ແລະ ປາໄດ້ 3.516.427 kg, ສະເລ່ຍໃສ່ຫົວຄົນໜື່ງ 53,90 kg/ຄົນ/9 ເດືອນ, ທຽບໃສ່ແຜນປີປະຕິບັດໄດ້ 94,57%. ໃນໄລຍະ 9 ເດືອນຜ່ານມາ ສາມາດສົ່ງອອກສິນຄ້າພືດກະສິກຳ ໄດ້ທັງໝົດ 56.166,71 ໂຕນສິນຄ້າສົ່ງອອກສ່ວນຫຼາຍແມ່ນ: ໝາກເດືອຍ, ມັນຕົ້ນໝາກກ້ວຍ, ຖົ່ວເຫຼືອງ, ເຂົ້າ; ຢັ້ງຢືນການເຄື່ອນຍ້າຍສັດ ຈຳນວນ 31.644 ໂຕທຽບໃສ່ແຜນການປີປະຕິບັດໄດ້ 83,27%. ຄຽງຄູກັບວຽກງານຂົງເຂດຕ່າງໆ ກໍ່ໄດ້ຮັບການຈັດຕັ້ງປະຕິບັດໄດ້ມີຜົນສຳເລັດຕາມຄາດໝາຍ.
ໃນໂອກາດນີ້ບັນດາຜູ້ເຂົ້າຮ່ວມ ຍັງໄດ້ປະກອບຄຳຄິດເຫັນ ແລະ ສະເໜີຕໍ່ສະພາເພື່ອເປັນບ່ອນອີງໃນການປັບປຸງແກ້ໄຂບັນຫາຄົງຄ້າງ ໃຫ້ໄດ້ຮັບການຄົ້ນຄວ້າພິຈາ ແລະ ຮັບຮອງ, ເພື່ອສືບຕໍ່ປັບປຸງແກ້ໄຂໃນຕໍ່ໜ້າ ເຮັດໃຫ້ເມືອງພຽງ ໄດ້ຮັບການພັດທະນາດີຂື້ນ ແລະ ໃນໂອກາດນີ້ຄະນະທິມງານສະພາາປະຊາຊົນແຂວງ ຍັງໄດ້ໄປຢ້ຽງຢາມໂຮງງານກັ່ນນ້ຳມັນປາມຢູ່ ບ້ານໂພນສະຫວ່າງ ຕື່ມອີກ.
ໂດຍ: ອິນທີ ຂຽວສີຟ້າ