(ສພຊ) ສະພາແຫ່ງຊາດ ຈັດກອງປະຊຸມເຊື່ອມຊຶມມະຕິ 6 ສະໄໝທີ X ຂອງ ຄະນະບໍລິຫານງານສູນກາງພັກ ແລະ ສ້າງຂະບວນການວັນສໍາຄັນຂອງຊາດ ໃນຕອນ ເຊົ້າວັນຈັນທີ 20 ສິງຫາ, ທີ່ຫ້ອງປະຊຸມຄະນະເລຂາທິການສະພາແຫ່ງຊາດ (ຫລັກ 6) ໂດຍການເປັນປະທານຂອງສະຫາຍ ແສງນວນ ໄຊຍະລາດ ເລຂາທິການສູນກາງພັກ, ເລຂາຄະນະພັກ, ຮອງປະທານສະພາແຫ່ງຊາດ; ເຂົ້າຮ່ວມມີສະຫາຍ ນາງ ສີໃສ ລືເດດ ມູນສອນ ກໍາມະການສູນກາງພັກ, ຮອງປະທານສະພາແຫ່ງຊາດ, ມີບັນດາສະຫາຍຄະ ນະພັກ, ຄະນະປະຈໍາສະພາແຫ່ງຊາດ, ປະທານ-ຮອງປະທານກໍາມາທິການ, ຄະນະເລ ຂາທິການ, ສະຖາບັນຄົ້ນຄວ້ານິຕິກໍາສະພາແຫ່ງຊາດ, ຄະນະກົມ-ສູນ, ຄະນະພະແນກ ຕະຫລອດຮອດສະມາຊິກພັກສໍາຮອງ.

ຈຸດປະສົງຂອງການເຊື່ອມຊຶມມະຕິ 6 ສະໄໝທີ X ຂອງຄະນະບໍລິຫານງານສູນ ກາງພັກ ໃນຄັ້ງນີ້, ກໍເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນພາຍໃນສະ ພາແຫ່ງຊາດ ເຊື່ອມຊຶມ, ກໍາໄດ້ບັນດາເນື້ອໃນຈິດໃຈມະຕິ, ຄໍາສັ່ງຂອງຄະນະບໍລິຫານ ງານສູນກາງພັກ ໂດຍສະເພາະມະຕິ 6 ສະໄໝທີ X; ເພື່ອເປັນການໂຄສະນາເຜີຍແຜ່ ມູນເຊື້ອ ແລະ ປະຫວັດຄວາມເປັນມາຂອງວັນສ້າງຕັ້ງແນວລາວສ້າງຊາດ ໃຫ້ໄດ້ຮັບຮູ້ ແລະ ເຂົ້າໃຈ ແລະ ເສີມຂະຫຍາຍມູນເຊື້ອແຫ່ງຄວາມສາມັກຄີອັນເປັນປຶກແຜ່ນແໜ້ນ ໜາຂອງປະຊາຊົນບັນດາເຜົ່າ, ຊັ້ນຄົນ, ເພດໄວ ພາຍໃຕ້ການນໍາພາຂອງພັກ; ສຶກສາ ອົມຮົບສະມາຊິກພັກ, ພະນັກງານ-ລັດຖະກອນພາຍໃນສະພາແຫ່ງຊາດ ໃຫ້ກໍາໄດ້ ການກໍາເນີດ, ຄວາມໝາຍສໍາຄັນຂອງລັດຖະທໍາມະນູນ ແຫ່ງ  ສປປລາວ ແລະ ເພີ່ມທະ ວີສະຕິເຄົາລົບ, ປະຕິບັດຕາມລັດຖະທຳມະນູນ ແລະ ກົດໝາຍຢ່າງຖືກຕ້ອງເຂັ້ມງວດ; ຫວນຄືນປະຫວັດສາດການຕໍ່ສູ້ກູ້ຊາດທີ່ຍືດເຍື້ອຍາວນານຂອງພັກປະຊາຊົນປະຕິວັດ ລາວ ທີ່ໄດ້ນໍາພາປະຊາຊົນລາວບັນດາເຜົ່າລຸກຂຶ້ນຕໍ່ສູ້ຕ້ານຈັກກະພັດອາເມລິກາ ຈົນສາ ມາດຍຶດອໍານາດ ແລະ ປົດປ່ອຍປະເທດຊາດມາເຖິງປັດຈຸບັນ.

ກອງປະຊຸມໄດ້ເຊື່ອມຊຶມບັນດາເອກະສານດັ່ງນີ້: ບົດລາຍງານກ່ຽວກັບການຕີ ລາຄາການຈັດຕັ້ງປະຕິບັດມະຄິກອງປະຊຸມຄົບຄະນະຂອງຄະນະບໍລິຫານງານສູນກາງ ພັກ ຄັ້ງທີ 5 ສະໄຫມທີ X ແລະ ມະຕິກອງປະຊຸມໃຫຍ່ ຄັ້ງທີ X ຂອງພັກ ໃນໄລຍະ ຜ່ານມາ ແລະ ບາງໜ້າທີ່ຈຸດສຸມໃນຕໍ່ໜ້າ; ມະຕິກອງປະຊຸມຄົບຄະນະຂອງຄະນະບໍລິ ຫານງານສຸນກາງພັກປະຊາຊົນປະຕິວັດລາວ ຄັ້ງທີ 6 ສະໄໝທີ X; ມະຕິຂອງຄະນະບໍ ລິຫານງານສູນກາງພັກປະຊາຊົນປະຕິວັດລາວ ວ່າດ້ວຍການຍົກສູງປະສິດທິພາບການ ຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ສະບັບເລກທີ 37/ຄບສພດ, ລົງວັນທີ 18 ມິຖຸນາ 2018.

(ສົມນຶກ ແກ້ວໄຊຍະຈັກ)