(ສພຊ) ໃນຕອນເຊົ້າຂອງວັນສຸກທີ 15 ຕຸລາ 2021 ທີ່ຫ້ອງຮັບແຂກສະພາແຫ່ງຊາດ ໄດ້ມີພິທີມອບ-ຮັບເງິນສົດຈໍານວນ 20 ລ້ານກີບ ຈາກບໍລິສັດ CNP ສໍາຫລວດຄຸດຄົ້ນບໍ່ແຮ່ຂາອອກ-ຂາເຂົ້າ ຈໍາກັດ ໃຫ້ແກ່ສະພາແຫ່ງຊາດ ເພື່ອເປັນການສົມທົບທຶນເຂົ້າກອງທຶນຊ່ວຍເຫລືອສັງຄົມ ສະພາແຫ່ງຊາດ ນໍາໃຊ້ເຂົ້າໃນວຽກງານການຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຢູ່ ສປປລາວ.

​ໃນພິທີຄັ້ງນີ້, ຕາງໜ້າສະພາແຫ່ງຊາດ ກ່າວຮັບໂດຍທ່ານ ຄໍາໃບ ດໍາລັດ ຮອງປະທານປະທານສະພາແຫ່ງຊາດ ແລະ ມອບໂດຍຕາງໜ້າຈາກບໍລິສັດ CNP ສໍາຫລວດຄຸດຄົ້ນບໍ່ແຮ່ຂາອອກ-ຂາເຂົ້າ ຈໍາກັດ ພ້ອມດ້ວຍພາກສ່ວນກ່ຽວຂ້ອງຂອງທັງສອງຝ່າຍເຂົ້າຮ່ວມເປັນສັກຂີພິຍານ.

(ພາບ ແລະ ຂ່າວ: ສອນສັກ ວັນວິໄຊ)