(ສພຊ) – ເມື່ອວັນທີ 31 ພຶດສະພາ 2024 ທີ່ສະພາແຫ່ງຊາດ (ສພຊ) ໄດ້ມີພິທີປິດຊຸດຮຽນທິດສະດີການເມືອງຂັ້ນຕົ້ນ ຊຸດທີ II ແລະ ວຽກງານພັກ-ພະນັກງານ ຊຸດທີ V ໃຫ້ແກ່ສະມາ ຊິກພັກ-ພະນັກງານພາຍໃນສະພາແຫ່ງຊາດ ໂດຍການເປັນປະທານຂອງສະຫາຍ ປອ. ນາງ ສູນທອນ ໄຊຍະຈັກ ເລຂາທິການສູນກາງພັກ, ຮອງເລຂາຄະນະບໍລິຫານງານພັກສະພາແຫ່ງຊາດ; ມີສະຫາຍ ນາງ ປິ່ງຄຳ ລາຊະສິມມາ ກຳມະການການສູນກາງພັກ, ຄະນະບໍລິຫານງານພັກ ສພຊ, ປະ ທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ, ສະຫາຍ ປອ. ດາວສະຫວັນ ເຄືອມີໄຊ ຄະນະປະຈຳພັກ, ຮອງຫົວໜ້າສະຖາບັນການເມືອງ-ການປົກຄອງແຫ່ງຊາດ, ບັນດາສະ ຫາຍຕາງໜ້າ 10 ໜ່ວຍພັກຮາກຖານ ແລະ 7 ໜ່ວຍພັກທີ່ຂຶ້ນກັບຄະນະພັກຮາກຖານເລຂາທິການ ສພຊ, ຄະນະຮັບຜິດຊອບຊຸດເຝິກອົບຮົມ, ບັນດາຄູອາຈານ ແລະ ນັກເຝິກອົບຮົມ ເຂົ້າຮ່ວມຢ່າງພ້ອມພຽງ.
ໃນພິທີ, ສະຫາຍ ແສງແກ້ວ ວົງນະລາດ ຄະນະພັກຮາກຖານເລຂາທິການສະພາແຫ່ງຊາດ, ຫົວໜ້າກົມຈັດຕັ້ງ-ພະນັກງານ ໃຫ້ຮູ້ວ່າ: ຊຸດຮຽນທິດສະດີການເມືອງຂັ້ນຕົ້ນ ຊຸດທີ II ແລະ ເຝິກ ອົບຮົມວຽກງານພັກ-ພະນັກງານ ຊຸດທີ V ໄດ້ດໍາເນີນແຕ່ວັນທີ 19 ກຸມພາ 2024 ເປັນຕົ້ນມາ ເຊິ່ງມີສະມາຊິກພັກ, ພະນັກງານ-ລັດຖະກອນພາຍໃນສະພາແຫ່ງຊາດ ເຂົ້າຮ່ວມ 43 ສະຫາຍ ຍິງ 16ສະຫາຍ, ໃນນັ້ນມີຕໍາແໜ່ງບໍລິຫານຂັ້ນຮອງຫົວໜ້າພະແນກ 3 ສະຫາຍ ຍິງ 2 ສະຫາຍ, ພະນັກ ງານວິຊາການ 40 ສະຫາຍ ຍິງ 14 ສະຫາຍ ເຊິ່ງມີບັນດາຄູອາຈານຈາກສະຖາບັນການເມືອງ-ການປົກຄອງແຫ່ງຊາດ ຂຶ້ນບັນລະຍາຍໃນຫົວຂໍ້ຕ່າງໆ ແລະ ພະນັກງານການນຳຂອງສະພາແຫ່ງຊາດ ຂຶ້ນຫ້ອງໃຫ້ຄວາມຮູ້ກ່ຽວກັບຄະນະພັກສະພາແຫ່ງຊາດ. ຫຼັງຈາກນັ້ນ, ກໍໄດ້ມີພິທີມອບ-ຮັບໃບ ຢັ້ງຢືນໃຫ້ແກ່ນັກເຝິກອົບຮົມ ເຊິ່ງມອບໃບຢັ້ງຢືນວຽກງານພັກ-ພະນັກງານ ໂດຍສະຫາຍ ນາງ ປິ່ງຄຳ ລາຊະສິມມາ ແລະ ມອບໃບຢັ້ງຢືນທິດສະດີການເມືອງຂັ້ນຕົ້ນ ໂດຍສະຫາຍ ປອ. ດາວສະຫວັນ ເຄືອມີໄຊ.
ໂອກາດດັ່ງກ່າວ, ສະຫາຍ ປອ. ນາງ ສູນທອນ ໄຊຍະຈັກ ໄດ້ມີຄຳເຫັນໂອ້ລົມ ໂດຍໄດ້ຕີລາຄາສູງຕໍ່ຄະນະພັກ, ບັນດາຄູອາຈານຈາກສະຖາບັນການເມືອງ-ການປົກຄອງແຫ່ງຊາດ ທີ່ມີຄວາມຮັບຜິດຊອບສູງໃນການຂຶ້ນຫ້ອງສິດສອນ, ຖ່າຍທອດຄວາມຮູ້, ປະສົບການທາງດ້ານທິດສະດີ ແລະ ສົມທຽບໃສ່ພຶດຕິກໍາຕົວຈິງຂອງປະທດເຮົາ ເຮັດໃຫ້ສະມາຊິກພັກ, ພະນັກງານຂອງສະພາແຫ່ງຊາດ ເຊິ່ງເປັນນັກເຝິກອົບຮົມທີ່ມາຈາກຫຼາຍກົມກອງ, ຫຼາຍໜ້າທີ່ວຽກງານ ແລະ ລະ ດັບແຕກຕ່າງກັນ ໄດ້ຮຽນຮູ້ຢ່າງເປັນລະບົບກ່ຽວກັບຫຼັກມູນພື້ນຖານຂອງທິດສະດີມາກ-ເລນິນ, ແນວຄິດ ໄກສອນ ພົມວິຫານ ກໍຄືພຶດຕິກໍາໃນການໝູນໃຊ້ໃນປະເທດເຮົາໃນໄລຍະຜ່ານມາ; ສະ ແດງຄວາມຊົມເຊີຍນັກເຝິກອົບຮົມທີ່ໄດ້ເອົາໃຈໃສ່ປະຕິບັດກົດລະບຽບ ກໍຄືການປະຕິບັດໂມງເວ ລາ, ຕັ້ງໜ້າເອົາໃຈໃສ່ສຶກສາຄົ້ນຄວ້າຮໍ່າຮຽນບັນດາຫຼັກມູນທິດສະດີ ແລະ ພຶດຕິກຳຕົວຈິງ ທີ່ຄະ ນະພັກ, ຄູ-ອາຈານ ຖ່າຍທອດໃຫ້ ພ້ອມທັງໄດ້ໄປທັດສະນະສຶກສາ, ຂຽນບົດເກັບກ່ຽວ, ປ້ອງກັນບົດ ແລະ ໄດ້ຮັບໃບຢັ້ງຢືນໃນລະດັບດີສົມຄວນ.
ສະຫາຍ ປອ. ນາງ ສູນທອນ ໄຊຍະຈັກ ຍັງໄດ້ເນັ້ນໜັກໃຫ້ບັນດານັກເຝິກອົບຮົມສືບຕໍ່ຄົ້ນຄວ້າທົບທວນຄືນເລື້ອຍໆບັນດາຫຼັກມູນພື້ນຖານຂອງທິດສະດີມາກ-ເລນິນ, ແນວຄິດ ໄກ ສອນ ພົມວິຫານ ກໍຄືອຸດົມການສັງຄົມນິຍົມທີ່ພັກເຮົາໄດ້ຍຶດໝັ້ນມາຕະຫຼອດ, ຮູ້ຈັກໝູນໃຊ້ເຂົ້າໃນການປະຕິບັດໜ້າທີ່ການເມືອງຂອງຕົນຢ່າງປະດິດສ້າງ ແລະ ແທດເໝາະກັບຕົວຈິງ; ຍຶດໝັ້ນ ແລະ ເປັນເອກະພາບຕໍ່ແນວທາງປ່ຽນແປງໃໝ່ຂອງພັກ, ຄົ້ນຄວ້າເຊື່ອມຊຶມແນວທາງນະໂຍບາຍຂອງພັກ, ກົດໝາຍຂອງລັດ ເຮັດໃຫ້ການປະຕິບັດໜ້າທີ່ວຽກງານຄ່ອງແຄ້ວຂຶ້ນຕື່ມ ແລະ ແກ້ໄຂບັນຫາຕ່າງໆໄດ້ຢ່າງທັນການ, ມີແນວຄິດອຸ່ນອຽນທຸ່ນທ່ຽງ ແລະ ເຊື່ອໝັ້ນຕໍ່ການນຳພາຂອງພັກ-ລັດ; ສືບຕໍ່ຍົກສູງຄຸນທາດການເມືອງ, ເຝິກຝົນຫຼໍ່ຫຼອມຄຸນສົມບັດສິນທໍາປະຕິວັດ, ຄວາມຮູ້ຄວາມສາມາດຢ່າງບໍ່ຢຸດຢັ້ງ, ເຊີດຊູຄວາມເປັນແບບຢ່າງນໍາໜ້າຂອງສະມາຊິກພັກ, ກ້າຫານຕໍ່ຕ້ານປາກົດ ການຫຍໍ້ທໍ້ຕ່າງໆ. ສະຫາຍຮອງເລຂາຄະນະບໍລິຫານງານພັກສະພາແຫ່ງຊາດ ຍັງໄດ້ສະເໜີໃຫ້ແຕ່ລະຮາກຖານພັກ ຕ້ອງເອົາໃຈໃສ່ມອບວຽກງານ, ກໍ່ສ້າງ, ຕິດຕາມ, ຊຸກຍູ້ບັນດານັກເຝິກອົບຮົມຊຸດນີ້ ໃຫ້ກາຍເປັນພະນັກງານ, ສະມາຊິກພັກທີ່ປອດໃສ ເຂັ້ມແຂງ ໜັກແໜ້ນ ສືບຕໍ່ເປັນກໍາລັງແຮງໃຫ້ແກ່ການປະຕິບັດໜ້າທີ່ຂອງສະພາແຫ່ງຊາດ.