ປຊຊ. ທ່ານ  ສົມ​ດີ  ດວງ​ດີ  ຮອງ​ນາຍົກລັດຖະມົນຕີ    ລັດຖະມົນ ຕີ​ກະຊວງ​ການ​ເງິນ​ໄດ້​ຂຶ້ນ​ສະ ເໜີຮ່າງ​ກົດໝາຍ​ວ່າ​ ດ້ວຍ​ພາສີ (ສະບັບ​ປັບປຸງ) ຕໍ່​ກອງ​ປະຊຸມ​ສະໄໝ​ສາມັນ​ເທື່ອ​ທີ  9  ຂອງ​ສະພາແຫ່ງ​ຊາດ  ຊຸດ​ທີ VIII ໃນ​ວັນ​ທີ 29 ມິຖຸນາ​ນີ້  ໂດຍ​ການ​ເປັນ​ປະທານ​ຂອງ​ທ່ານ  ນາງ ປານີ  ຢາ​ທໍ່​ຕູ້  ປະທານ​ສະພາ​ແຫ່ງ​ຊາດ  ພ້ອມ​ດ້ວຍ​ສະ​ມາ​ຊິກ​ສະພາ​ແຫ່ງ​ຊາດ​ເຂົ້າ​ຮ່ວມ.ທ່ານ ສົມ​ດີ ດວງ​ດີ ກ່າວ​ວ່າ: ກົດໝາຍ​ ວ່າ​ດ້ວຍ​ພາສີສະບັບ​ນີ້​ໄດ້​ກຳນົດ​ຫຼັກການ, ລະບຽບ​ການ ແລະ ມາດ​ຕະການ​ກ່ຽວ ກັບ​ການ​ຄຸ້ມ​ຄອງ​ການ​ນຳ​ເຂົ້າ​-​ສົ່ງ​ອອກ, ການ​ເຄື່ອນ​ຍ້າຍສິນ ຄ້າ, ເຄື່ອງ​ຂອງ, ການຜ່ານ​ດ່ານ, ຍານພາຫະນະ,  ຜູ້ໂດຍສານ​ ຜ່ານ​ດ່ານ​ຊາຍ​ແດນ   ​ເພື່ອອຳນວຍ​ຄວາມ ສະດວກທາງດ້ານ​ພາສີ  ແລະ ການ​ຄ້າ,  ສົ່ງເສີມ​ການ​ລົງທຶນ ແລະ  ການ​ເຊື່ອມ​ໂຍງ,  ເຊື່ອມ​ຈອດ​ກັບ​ສາກົນ  ແນໃສ່ສ້າງ​ຄວາມເຂັ້ມແຂງ​ໃຫ້ລັດຖະການ​ ພາສີ,  ເກັບ​ລາຍ​ຮັບ​ເຂົ້າ​ງົບປະ ມານ​ແຫ່ງ​ລັດ,  ປົກ​ປ້ອງ​ຜົນ​ປະໂຫຍດ​ຂອງຜູ້​ປະກອບ​ການ, ຄວາມ​ປອດໄພ​ຂອງ​ສັງຄົມ ແລະ ຄວາມ​ໝັ້ນຄົງ​ຂອງ​ຊາດ​ປະກອບສ່ວນ​ເຂົ້າ​ໃນການ​ພັດ ທະນາ​ເສດ​ຖະ​ກິດ​-​ສັງຄົມ​ຂອງ​ຊາດ.ກົດໝາຍ ​ວ່າ​ດ້ວຍ​ພາສີ​ສະບັບ​ທຳອິດ​ໄດ້​ຖືກ​ປະກາດ​ໃຊ້​ໃນ​ປີ  1994  ຫຼັງ​ຈາກ​ນັ້ນ​ໃນ ​ປີ 2005 ແລະ ປີ 2011 ກົດໝາຍ​ໄດ້​ຮັບ​ການ​ປັບປຸງຈົນນຳ​ ໃຊ້​ຮອດ​ປັດຈຸ​ບັນ, ຮ່າງ​ກົດໝາຍວ່າດ້ວຍ​ພາສີ  (ສະບັບ​ປັບປຸງ) ປະກອບ​ມີ 17 ພາກ, 28 ໝວດ, 180 ມາດຕາ,  ໄດ້​ປັບປຸງ​ມາ​ຈາກ 17 ພາກ, 21 ໝວດ, 122 ມາດຕາ ເມື່ອ​ກົດໝາຍ ​ວ່າ​ດ້ວຍ​ພາສີ​ຖືກ​ຮັບຮອງ ແລະ ປະກາດ​ໃຊ້ ແລ້ວ​ຈະ​ເປັນ​ບ່ອນ​ອີງ​ທີ່​ໜັກ​ແໜ້ນ​ກວ່າ​ເກົ່າ​ໃຫ້​ແກ່​ອົງການ​ຈັດ​ຕັ້ງ​ລັດ​ໃນ​ການຈັດຕັ້ງ​ປະຕິ ບັດ​ການຄຸ້ມ​ຄອງ​ວຽກ​ງານພາ ສີ​ ເພື່ອ​ໃຫ້​ແທດເໝາະ​ກັບ​ສະ ພາບ​ການ​ຂະຫຍາຍຕົວໃນປັດ ຈຸບັນ ແລະ ອະນາຄົດ, ມີ​ມາດ ຕະຖານ, ຄວາມ​ເປັນເອກະ​ ພາບ​ຂອງ​ລະບຽບ​ການ​ທາງ​ພາ ສີ ແລະ ສອດຄ່ອງ​ກັບ​ລະບຽບ, ຫຼັກການ​ພາຍ​ໃນ  ແລະ  ສາກົນ​ໃນ​ການ​ເຊື່ອມ​ໂຍງ​ເຂົ້າ​ກັບ​ພາກ​ພື້ນ ແລະ ສາ​ກົນ.ການ​ຄຸ້ມ​ຄອງ​ວຽກ​ງານພາ ສີ​ມີ​ປະສິດ​ທິ​ຜົນ​ຂຶ້ນ​ກວ່າ​ເກົ່າ​ກໍ​ຄື​ການ​ເພີ່ມ​ທະວີ​ຄວາມ​ສັກສິດ ຂອງ​ກົດໝາຍ, ຍົກ​ສູງ​ບົດບາດ​ການ​ຄຸ້ມ​ຄອງ​-​ກວດກາ, ການ ຈັດຕັ້ງ​ປະຕິບັດ​ກົດໝາຍ​ຢ່າງ​ເຂັ້ມງວດ, ມີ​ຄວາມ​ໂປ່​ງ​ໃສ ແລະ ເປັນ​ເອກະ​ພາບ​ ຊຶ່ງ​ຈະ​ສ້າງ​ຄວາມ​ເຊື່ອ​ໝັ້ນ​ໃຫ້​ຜູ້​ເສຍ​ພາ​ສີ​-​ອາກອນກໍ​ຄື​ຜູ້​ດຳເນີນ​ການ​ນຳ​ເຂົ້າ​-​ສົ່ງ​ອອກ,  ການ​ຜ່ານ​ແດນ ແລະ ການ​ເຄື່ອນ​ຍ້າຍ​ສິນຄ້າ​ເຄື່ອງ​ຂອງ​ປະຕິບັດ ​ພັນທະ​ຂອງ​ຕົນ​ຕໍ່​ລັດ​ຢ່່າງ​ຖືກ ຕ້ອງ, ຄົບ​ຖ້ວນ​ເຮັດ​ໃຫ້ການ​ເກັບ​ລາຍ​ຮັບ​ເຂົ້າ​ງົບປະມານ​ຂອງລັດ​ມີ​ປະສິດ​ທິ​ຜົນ​ກວ່າ​ເກົ່າ ແລະ ສາມາດ​ກວດ​ສອບ​ໄດ້.ຍົກ​ສູງ​ບົດບາດ​ໃນ​ການ​ເຮັດ​ໜ້າທີ່​ຄຸ້ມ​ຄອງ​-​ກວດກາ​ວຽກ​ງານ​ພາສີ​ຢ່າງ​ລວມ​ສູນ​ເປັນ​ເອກະພາບ​ໃນ​ຂອບ​ເຂດ​ທົ່ວ​ປະເທດ​  ຊຶ່ງ​ຈະ​ເປັນ​ປັດ​ໄຈ​ທີ່​ສຳຄັນ​ໃນ​ການ​ສ້າງ​ຖານ​ລາຍ​ຮັບ​ງົບປະມານ ພາຍ​ໃນ​ໝັ້ນຄົງ ແລະ  ເຂັ້ມແຂງ,  ສາມາດຈັດຕັ້ງ​ ປະຕິບັດ​ບັນດາ​ລະບຽບ​ການ, ຫຼັກການ, ເງື່ອນໄຂ ແລະ ພັນ ທະ​ທີ່​ກຳນົດ​ໃນ​ຂໍ້​ຕົກລົງ,  ສັນ ຍາ, ສົນທິສັນຍາ​ຂອງ​ພາກ​ພື້ນ ແລະ ສາກົນ​ທີ່ ສປປ ລາວ ເຂົ້າ​ເປັນ​ພາຄີ​ເຊັ່ນ: WTO, WCO, ASEAN ແລະ ອື່ນໆ.ຫຼັງ​ຈາກ​ນັ້ນ ສສຊ ໄດ້​ປະ ກອບ​ຄຳ​ເຫັນ​ໃສ່​ຮ່າງ​ກົດໝາຍ​ດັ່ງກ່າວ  ເພື່ອ​ໃຫ້​ເນື້ອ​ໃນ​ຮັດກຸມ​ຂຶ້ນ, ກ່ອນ​ຈະ​ຮັບຮອງ​ເອົາ​ດ້ວຍ​ສຽງ​ສ່ວນ​ຫຼາຍ.