ກອງປະຊຸມຝຶກອົບຮົມ ວຽກງານສ້າງຄວາມເຂັ້ມແຂງ ໃຫ້ແກ່ສະມາຊິກສະພາປະຊາຊົນ, ພະນັກງານ-ລັດຖະກອນ ຂອງສະພາປະຊາຊົນ ນະຄອນຫຼວງ ແລະ ພະນັກງານຊ່ວຍວຽກ ຄະນະສະມາຊິກສະພາປະຊາຊົນ ປະຈຳເຂດເລືອກຕັ້ງເມືອງ, ໂດຍການເປັນປະທານຂອງ ທ່ານ ບຸນທາມ ພຸດທະວົງສາ ກຳມະການພັກ ນະຄອນຫຼວງ, ຮອງປະທານສະພາປະຊາຊົນ ນວ, ໃຫ້ກຽດເຂົ້າຮ່ວມໂດຍ ທ່ານ ອານຸພາບ ຕຸນາລົມ ຄະນະເລຂາທິການສູນກາງພັກ, ເລຂາຄະນະພັກ ນະຄອນຫຼວງ, ປະທານ ສະພາປະຊາຊົນ ນວ. ມີວິທະຍາກອນ ຈາກບັນດາຄະນະກຳມະການຂອງສະພາປະຊາຊົນ ນະຄອນຫຼວງ; ກົມພິທີການທູດ ກະຊວງການຕ່າງປະເທດ; ອາດີດຫົວໜ້າຫ້ອງການມະຫາວິທະຍາໄລແຫ່ງຊາດ ແລະ ຄະນະວິທະຍາສາດທຳມະຊາດ ມະຫາວິທະຍາໄລແຫ່ງຊາດ ພ້ອມດ້ວຍນັກ ສໍາມະນາກອນ ເປັນຕົ້ນ: ປະທານ-ຮອງປະທານ ຄະນະກໍາມະການ, ຫົວໜ້າ-ຮອງຫົວໜ້າຄະນະສະມາຊິກສະພາປະຊາຊົນ ນະຄອນ ຫຼວງ ປະຈຳເຂດເລືອກຕັ້ງ 9 ເມືອງ, ຄະນະເລຂາທິການ, ຫົວໜ້າ-ຮອງຫົວໜ້າຂະແໜງ ແລະ ພະນັກງານວິຊາການ ຈາກສະພາປະຊາຊົນ ນວ ແລະ ຄະນະຊ່ວຍວຽກ ຄະນະສະມາຊິກສະພາປະຊາຊົນ ນະຄອນຫຼວງ ປະຈຳເຂດເລືອກຕັ້ງ 9 ເມືອງ ເຂົ້າຮ່ວມ ຈຳນວນ 89 ທ່ານ.

ທັງນີ້ ກໍ່ເພື່ອຍົກລະດັບຂີດຄວາມສາມາດໃນປະຕິບັດພາລະບົດບາດ ການເປັນເສນາທິການ ໃຫ້ແກ່ສະພາປະຊາຊົນ, ຄະ ນະປະຈຳ, ບັນດາຄະນະກຳມະການ, ຄະນະເລຂາທິການ ແລະ ຄະນະສະມາຊິກສະພາປະຊາຊົນ ນະຄອນຫຼວງ ປະຈຳເຂດເລືອກຕັ້ງເມືອງ ໃນການຄົ້ນຄວ້າ, ພິຈາລະນາ ແລະ ຮັບຮອງເອົາ ຂໍ້ຕົກລົງຂອງເຈົ້າຄອງ ນະຄອນຫຼວງວຽງຈັນ; ການຕິດຕາມກວດກາການຈັດ ຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ; ການຕິດຕາມກວດກາການຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມ ໃນຂົງເຂດວັດທະນະທຳ-ສັງຄົມ; ວຽກງານພິທີການດ້ານການທູດ; ພາວະຄວາມເປັນຜູ້ນໍາ ແລະ ຄວາມຮູ້ພື້ນຖານກ່ຽວກັບການນໍາໃຊ້ Microsoft Excel, ເພື່ອຍົກສູງປະສິດທິພາບ ການເຄື່ອນໄຫວວຽກງານໃຫ້ນັບມື້ມີຄຸນນະພາບສູງຂຶ້ນ ແນໃສ່ຮັບ ປະກັນການປະຕິບັດວຽກງານ ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ II ໃຫ້ບັນລຸຕາມແຜນການທີ່ວາງໄວ້ໃນແຕ່ລະໄລຍະ.

ກອງປະຊຸມໄດ້ມີຄຳເຫັນແລກປ່ຽນບົດຮຽນ ຕໍ່ບັນດາເນື້ອໃນທີ່ໄດ້ນຳມາຝຶກອົບຮົມຄັ້ງນີ້ ຢ່າງເປັນຂະບວນຟົດຟື້ນ ຕໍ່ບັນຫາທີ່ຕົນເອງມີຄວາມສົນໃຈ, ພ້ອມທັງມີການຈັດແບ່ງກຸ່ມປະຕິບັດຕົວຈິງ ເພື່ອເປັນຄວາມຮູ້ພື້ນຖານໃຫ້ແກ່ບັນດາທ່ານທີ່ເຂົ້າຮ່ວມກອງປະຊຸມ ແລະ ສາມາດນໍາໄປຈັດຕັ້ງຜັນຂະຫຍາຍເຂົ້າໃນໜ້າທີ່ວຽກງານ ໃນການເປັນເສນາທິການໃຫ້ແກ່ການເຄື່ອນໄຫວວຽກງານການນໍາຂອງຕົນ ໃຫ້ມີຄວາມເຂັ້ມແຂງ. ການຝຶກອົບຮົມ ໄດ້ຈັດຂຶ້ນທີ່ ເມືອງວັງວຽງ, ແຂວງວຽງຈັນ ໃນລະຫວ່າງວັນທີ 9-11 ມັງກອນ 2025 ໂດຍໄດ້ຮັບການສະໜັບສະໜູນ ແລະ ຊ່ວຍເຫຼືອທາງດ້ານງົບປະມານ ຈາກໂຄງການສ້າງຄວາມເຂັ້ມແຂງ ໃຫ້ແກ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຫຼື ສະເຕັບ (STEPS) ໂດຍຜ່ານກອງຄຸ້ມຄອງແຫຼ່ງທຶນຊ່ວຍເຫຼືອລ້າໃຫ້ແກ່ສະພາແຫ່ງຊາດ.