ໃນວັນທີ 6 ມີນາ 2025. ທ່ານ ນາງ ມີນາພອນ ໄຊສົມພູ ປະທານສະພາປະຊາຊົນແຂວງ (ສພຂ) ທັງເປັນປະທານຄະນະສະມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງທີ 17 ແຂວງອັດຕະປື ພ້ອມດ້ວຍຄະນະ ສົບທົບກັບພາກສ່ວນທີ່ກ່ຽວຂ້ອງ ລົງເຄື່ອນໄຫວເຮັດວຽກ ແລະ ຢ້ຽມຢາມ ບໍລິສັດ ທາໂກ (THACO) ຕັ້ງຢູ່ບ້ານ ຫາດຊັນ ເມືອງໄຊເສດຖາ ໂດຍມີຜູ້ຕາງໜ້າບໍລິສັດໃຫ້ການຕ້ອນຮັບ.
ໂອກາດນີ້ໄດ້ຮັບຟັງການລາຍງານການຈັດຕັ້ງປະຕິບັດໂຄງການເຫັນວ່າ: ບໍລິສັດ ທາໂກ ເປັນບໍລິສັດລົງທືນຂະໜາດໃຫຍ່ ໃນຫຼາຍຂະແໜງກະສີກໍາ, ປູກຢາງພາລາ, ປູກກ້ວຍ, ລ້ຽງງົວພັນຊີນ ເຊິ່ງຕາມແຜນການຜະລິດຄາດຄະເນ ແລະ ສົ່ງອອກໃຫ້ໄດ້ 777,000 ໂຕນໃນຕໍ່ໜ້າ, ໃນປະຈຸບັນມີແຮງງານ 5,300 ຄົນ ໃນນັ້ນລວມມີ ຜູ້ບໍລິຫານຫວຽດນາມ ແລະ ຜູ້ຊ່ຽວຊານຕ່າງປະເທດ 1,600 ຄົນ, ຜູ້ຈັດການ ແລະ ຄົນງານລາວ 3,700 ຄົນ, ເງີນເດືອນຂັ້ນຕໍ່າ 5 ລ້ານກີບ ແຜນການຮັບສະໝັກແຮງງານຮອດທ້າຍປີ 2025 ປະມານ 12,500 ຄົນ. ພ້ອມນີ້ກໍ່ໄດ້ສົນທະນາ ກ່ຽວກັບບາງບັນຫາໂດຍສະເພາະ ການປ້ອງກັນດ້ານສີ່ງແວດລ້ອມ, ແຜນຈັດສັນໃຫ້ປະຊາຊົນ, ອາຍຸສໍາປະທານ, ເນື້ອທີສໍາປະທານທີ່ຍັງບໍ່ທັນຈະແຈ້ງ, ກົນໄກການຄຸ້ມຄອງແຮງງານ ແລະ ສະຫວັດດີການນະໂຍບາຍ ໂດຍຊອກໃຫ້ໄດ້ວີທີການ, ຂັ້ນຕອນ ຂໍ້ສະດວກ, ຂໍ້ຫຍຸ້ງຍາກ ແລະ ຂໍ້ຄົງຄ້ອງ ທີ່ຈະຕ້ອງສືບຕໍ່ປັບປຸງແກ້ໄຂ ແລະ ເອົາໃຈໃສ່ຕິດຕາມຊ່ວຍເຫຼືອ ພໍ່ແມ່ປະຊາຊົນເຂດພັດທະນາໂຄງການ ໂດຍສົ່ງເສີມດ້ານການຜະລິດກະສິກໍາ, ທີ່ເປັນທ່າແຮງຂອງທ້ອງຖິ່ນ ແລະ ອາຊີບອື່ນໆ ເຮັດໃຫ້ປະຊາຊົນມີອາຊີບທີ່ໝັ້ນຄົງ, ມີການພັດທະນາ ມີສ່ວນຮ່ວມເຮັດໃຫ້ຊີວິດການເປັນຢູ່ຂອງປະຊາຊົນໃຫ້ໄດ້ຮັບການປັບປຸງດີຂຶ້ນ ແລະ ປະກອບສ່ວນຢ່າງຕັ້ງເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໃຫ້ນັບມື້ມີການພັດທະນາແບບຍືນຍົງດີຂື້ນເປັນກ້າວໆ.
(ວິນັດ ສີສຸລາດ)